Isaia 16:9 - Baibuli Ekibono kya Katonda 2014

⁹ Mpegaano ndi kulira olw'emizabbibu egy'e Yazeri era naalira n'emizabbibu egy'e Sibima; era ndi kumagaza amaziga olwa Heshiboni ni Eleale, kuba amakungula g'ebibala byaimwe gamiriibwa olutalo.

Isaia 16:9 ပူးပေါင်းရင်းမြစ်များ

Isaia 9:3

Oleeteire abantu okweyongera obungi mu ighanga, waabaleetera okweyongera okusangaala. Basagambira mu maiso go ng'oti bwe basagamba mu makungula, oba ng'oti n'abantu bwe basagamba nga bagabana omunhago.

Yeremia 40:10

Nze mwene ndidha kuba e Mizipa nsobole okuboogereragho imwe nga Abababilonia baidhie ye tuli. Aye imwe muje mube mu byalo byaimwe, musoloze era mutereke omwenge ogw'emizabbibu, n'ebibala eby'ekyengera, n'omuzigo ogw'ebibala eby'emiti emyoliva.”

Yeremia 40:12

Kale baava eyo yoonayoona ye baali basansaaniire, baira mu Buyudaaya. Baaja e Mizipa ye Gedalia era baasoloza omwenge ogw'emizabbibu n'ebibala eby'ekyengera kamaala.

Ezekieli 27:31

Ku lulwo baamwa emitwe gyaibwe okugimaliriraku enviiri ng'oti mpaata, baavaala ekutiya olw'okunakughala, era baagegenga olw'enaku eyabali ku myoyo embitirivu, baalira inho amaziga.

Ezekieli 32:18

“Iwe omuntu, wowoola amaziga olw'abantu kamaala ab'e Misiri, era obasindike mu nsi ey'abafu babe ghalala n'ab'ensi edhindi edh'amaani abaamala eira okwika eyo mu lwina.

Abalamuzi 9:27

baaja mu masamba gaibwe ag'emizabbibu, baanoga emizabbibu baagikunhamu omwenge. Era baakola ekibinuko, baingira mu isabo ly'omusambwa gwaibwe, baalya, baanhwa, era baavumirira Abimeleki.