Isaia 16:8 - Baibuli Ekibono kya Katonda 2014

⁸ Amasamba g'e Heshiboni gakaze, n'emizabbibu gy'e Sibima gyona gikaze, gye baakunhangamu omwenge ogwatamiizanga abafuzi b'amaghanga. Amasamba g'emizabbibu egyo nga gaja gaatuukira irala e Yezeri, gaava eyo gaatuuka ku irungu, era gaava eyo gaabitira ku luuyi olundi, gaatuuka ere ku Nhandha Eyomuunhu.

Isaia 16:8 ပူးပေါင်းရင်းမြစ်များ

2 Samueli 1:21

“Imwe ensozi edh'e Giliboa, mugwananga mwaloba kugwaku maadhi waire omusulo obusulo, oba waire amasamba gaimwe okuvaamu ebikungulwa; kuba ku imwe, engabo edh'ab'amaani kwe dhaayonoonerwa, engabo ya Saulo baalekera okugisiiga omuzigo.

Isaia 10:7

Aye nze bye nhenda Assiria oyo akole, ti n'ebiri mu ntegeka dhe, era bizira mu bidhuubo bye naire. By'alowoozaaku n'okuzikiriza n'okusaaniagho amaghanga kamaala.

Isaia 15:4

Ab'omu Heshiboni n'ab'omu Eleale bali kukuba bwa mpungu, era amamiro gaibwe gawulikika okutuukira irala e Yahazi. Abaisirukale ba Moabu bali kulira nga baasiikana, n'amaani gabawoiremu.

Isaia 16:9

Mpegaano ndi kulira olw'emizabbibu egy'e Yazeri era naalira n'emizabbibu egy'e Sibima; era ndi kumagaza amaziga olwa Heshiboni ni Eleale, kuba amakungula g'ebibala byaimwe gamiriibwa olutalo.

Isaia 24:7

Emizabbibu giniaire, omwenge gw'emizabbibu gwakendeera. Abantu boonaboona abaalinga abasangaavu, buti bali bwa mu nnaku.

Yeremia 48:32

Ndidha kulira abantu b'e Sibuma okusingaku bwe ndira abantu b'e Yazeri. Iwe ekibuga Sibuma, oli ng'oti muzabbibu oguli n'ensaga endeeyiriri edhituuka ku Nhandha Eyomuunhu, ni dhituukira irala n'e Yazeri. Aye mperaano ole azikiriza agwire mu bibala byaimwe eby'ekyengera n'emizabbibu gyaimwe, yaabizikiriza.

Okubala 21:32

Era Musa yaatuma abantu baakeeta ekibuga Yazeri. Abaisiraeli baanhaga ebyalo byakyo, baabingamu Abamori abaali babibaamu.

Okubala 32:3

“Atarothi, ni Diboni, ni Yazeri, ni Nimura, ni Heshiboni, ni Eleale, ni Sebamu, ni Nebo, ni Beoni;

Okubala 32:35

Aturothi Shofani, Yazeri, Yogubeha,

Okubala 32:38

Nebo, ni Baali Meoni, nga baakyusiisa amaina gaabyo baabigha agandi. Era bairamu okuzimba obuyaaka n'ekibuga Sibuma.

Yoshua 13:19

Kiriathaimu, Sibuma, ni Zerethi Shahara ekiri ku kasozi akali mu kiiko.

Yoshua 13:25

Ekiketezo kyaibwe kyali kitwalizaamu Yazeri, n'ebibuga bya Gileadi byonabyona. Era kyatwalizaamu ekitundu eky'ekiketezo eky'Abammoni okutuukira irala ku Aroeri ekiri e buvandhuba wa Rabba.