Isaia 16:2 - Baibuli Ekibono kya Katonda 2014

² Abamoabu abo buti bali ku kifo abantu ghe basomokera omwiga Arunoni. Bali kupapala nga baguluka ng'oti n'enhonhi dhe babinze mu kisu ni dhisansaana.

Isaia 16:2 ပူးပေါင်းရင်းမြစ်များ

2 Bakyabazinga 3:4

Ghaabaagho Mesha kyabazinga wa Moabu eyali omwayi w'entaama. Buli mwaka ng'ali n'okugha kyabazinga wa Isiraeli entaama ento emitwalo ikumi (100,000), n'obuviiri obwavanga ku ntaama emitwalo ikumi (100,000) enume.

Ensambo 26:2

Ng'enkazaluya bw'epuuluukira eyo etyo, n'akamiini ni kagulukira eyo katyo, n'ekikolimo eri omuntu aziraku nsonga kityo bwe kiba, tikimugema.

Ensambo 27:8

Omuntu atambulatambula eyo atyo okuva ghaka we, aba ng'oti n'enhonhi egulukira eyo etyo okuva mu kisu kyayo.

Isaia 13:14

Olunaku olwo bwe lulituuka, abasenze abaliba mu Babiloni balirumuka okwirayo ewaibwe, ng'oti n'empuli dhe bali kuyiiga, era baasansaana ng'oti n'entaama edhiziraku mwayi, buli muntu yaira mu bantu be.

Yeremia 48:20

Baidha kubairamu bati, ‘Ensi Moabu egwire. Mulire amaziga olw'ensi eyo, kuba eswaziibwa. Muje mulangirire mu biketezo eby'oku mwiga Arunoni, muti Moabu bagizikiriiza!’

Yeremia 48:46

Okagwireku iwe ensi Moabu! Abantu abasinza omusambwa Kemoshi abazigu babazikiriiza, batabane baibwe ni baghala baibwe baabatwala mu banhage.

Yeremia 48:9

Musimire ensi Moabu amagombe, kuba ebulaku katono inho bagizikirize, ebibuga byayo bifuuke bifulukwa byereere, ghabulegho omuntu abibaamu.

Okubala 21:29

Mukagwireku imwe ab'e Moabu! Muzikiriire imwe abasinza omusambwa Kemoshi! Omusambwa ogwo gulese batabane baimwe baafuuka ekiyiigibwa, ate baghala baimwe baafuuka abanhage ba Sihoni kyabazinga ow'Abamori.

Amateeka Agokubiri 2:36

Okuva ku Aroeri ekiri ku mugo ogw'ekiiko Arunoni, n'ekibuga ekiri mu kiiko ekyo mwene, okutuukira irala e Gileadi, ghazira kibuga kyatulema lwa bugulumivu bwa bimante bigumu ebikyezungulwire. Byonabyona Musengwa Katonda waife yabitugha twabinhaga.

Amateeka Agokubiri 3:12

Musa yaakoba Abaisiraeli ati: “Bwe twanhaga ensi eno mu biseera ebyo, nagabira Abareubeni n'Abagadi ekiketezo ekiva ku Aroeri, ekiri ku mugo gw'ekiiko Arunoni, n'ekitundu eky'ekiketezo eky'ensi ey'ensozi edhiri e Gileadi, n'ebibuga byamu.

Amateeka Agokubiri 3:8

“Kale ni, mu biseera ebyo, twanhaga ensi dha bakyabazinga abo bombi Abamori abaabanga ere ng'osomoike Yorudani, okuva ku kiiko Arunoni okutuuka ku lusozi Herimoni.

Yoshua 13:16

Ekiketezo kyaibwe kyali kiva ku Aroeri ekiri kumpi n'ekiiko ekirimu omwiga Arunoni, kyatwalizaamu ekibuga ekiri ghagati mu kiiko ekyo, n'omuseetwe ogwezungulwire ekiketezo eky'e Medeba.

Abalamuzi 11:18

Agho beekooloobya nga babita ku mbali kw'ekiketezo eky'e Edomu n'eky'e Moabu, baatuuka ku luuyi lw'ekiketezo eky'e Moabu olw'e buvandhuba, baasimba weema dhaibwe ku mbali kw'omwiga Arunoni. Aye tibaingira mu kiketezo kya Moabu, kuba omwiga Arunoni n'ensalosalo yaakyo.