Isaia 16:10 - Baibuli Ekibono kya Katonda 2014

¹⁰ Tighakaaligho muntu asanhukiraku mu masamba ago amagimu, waire okwemberaku enhembo mu mizabbibu, oba okwasiikaniramu. Ghazira akunha mizabbibu kugikolamu mwenge, era emizira gy'abakunhi ngikomiiza.

Isaia 16:10 ပူးပေါင်းရင်းမြစ်များ

Yobu 24:11

Baakamulira ababi abo omuzigo ogw'ebibala eby'emiti emyoliva, era baabakunhira omwenge ogw'emizabbibu, aye beene baasigala nga bali ndiwo.

Isaia 24:11

Abantu baasiikanira bwa mu nguudo olw'okubulwa omwenge gw'emizabbibu. Amasanhu goonagoona gaamala okutuuka ghe gakoma, era okusagamba mu nsi kwamala okukomezebwa.

Isaia 32:10

Mpegaano muli mu idembe, aye mu mwaka mulala guti gwonka, muliba mu kudhugumira budhugumire, kuba emizabbibu gye mukungula buti, ku olwo tigiryama.

Yeremia 48:33

Ntoiregho okusangaala n'okusagamba mu nsi engimu ey'e Moabu. Era naalekeza omwenge ogw'emizabbibu okudhuluudha okuva mu bikunhiro eby'omwenge ogw'emizabbibu. Tighakaaligho bakunha mwenge gwa mizabbibu nga bwe baasiikana olw'eisanhu. Okwasiikana okuligho buti tikwa isanhu naire.

Ezekieli 7:7

Imwe abatyamye b'omu nsi eno, akabi kabaidhiire. Ekiseera kituuse era olunaku luseese, olunaku olw'entiisa enene, se ti olw'okukubiraku emizira ghaigulu ku nsozi.

Yoeli 1:12

Emizabbibu n'emitiini gyaniala. Emikomamawanga, n'eminaazi, n'emiti egindi gyonagyona egy'ebibala gyakala. Era eisanhu mu bantu lyabula.

Amosi 5:11

Mutuntuza abaavu, era mwabakaka babaghe imwe engaano yaibwe. Kale ni waire mwazimba endhu edh'amabaale amabaadhe edh'omulembe, timulidhisulamu. Waire mwasimba amasamba ag'emizabbibu agasanhusa, timuja kunhwa ku mwenge gwamu

Amosi 5:17

Abantu baliwowoola mu masamba g'emizabbibu mu kifo eky'okuzaanha n'okuseka, kuba ndidha kubabonereza nze Musengwa Katonda mwene.”

Amosi 9:13

Musengwa Katonda era akoba ati: “Bona eno, enaku dhiidha kutuuka, engaano ekule mangu okutuuka ku kukungulwa, nga n'abasizi bakaali kumala kusiga. Era emizabbibu giryenga mu bungi gyatuuka ni mu biseera eby'okusiga. Omwenge ogw'emizabbibu ogudhuudhuula guli kuuluula okuva ku nsozi ni mu busozi.

Zefania 1:13

Eby'obukombe byaibwe bija kunhagibwa, n'endhu dhaibwe dhimenhebwegho. Waire bali kuzimba endhu, aye tibaja kudhisulamu. Waire bali kusimba amasamba ag'emizabbibu, aye tibaja kunhwa ku mwenge gwa mizabbibu guva mu masamba ago.”

Abalamuzi 9:27

baaja mu masamba gaibwe ag'emizabbibu, baanoga emizabbibu baagikunhamu omwenge. Era baakola ekibinuko, baingira mu isabo ly'omusambwa gwaibwe, baalya, baanhwa, era baavumirira Abimeleki.