Isaia 15:7 - Baibuli Ekibono kya Katonda 2014

⁷ Abantu bali kubitira mu kyetebwa Ekiiko ky'obuti obukulira ku mbali kw'omwiga, nga batwala ebintu byaibwe ebingi bye babaire nabyo ni bye baatereka.

Isaia 15:7 ပူးပေါင်းရင်းမြစ်များ

Isaia 10:14

Nayagaana amaghanga nga gali ng'oti kisu kya nhonhi, naasoloza obukombe bwago ng'oti n'ali kusoloza amagi ge balese obwagho, nga ghazira na nhonhi epapazaaku ighagha kuntiisa, waire okwasamya omunwa n'ekyolya okunzindula.”

Isaia 10:6

Ndituma Assiria oyo okulumba eighanga eritantya, era naamulagira okulwanisa abantu abandeeteire okusungughala. Ndimutuma yaanhaga ebintu by'abantu abo, era yaabatyankirira ng'oti bityanka bya mu nguudo.

Isaia 15:8

Ensi Moabu yoonayoona eidhwire kuwowoola maziga, era okuwowoola okwo kuwulikika okutuukira irala mu kibuga Egulaimu, era kwatuuka ni mu kibuga Beerelimu.

Isaia 30:6

Buno n'obukwenda bwa Katonda obugema ku nsolo edh'omu kiketezo ekikalukalu eky'oku luuyi olw'omukono omusaadha olw'e buvandhuba: “Abakwenda ba Buyudaaya babita mu nsi eidhwire ebizibu ebitiisa, erimu empologoma n'emisota egy'obusagwa egya buli nsambo, nga n'omuli n'egyo egiguluka ng'oti nhonhi. Batwika eby'obukombe byaibwe ku ndogoyi ni ku mabbango g'engamiya, baabitwalira abantu abatasobola kubagasa naire.

Isaia 5:29

Bawologoma ng'oti mpologoma egemye ensolo y'eyiize, ng'eri kugikwekwebya okugitwala era nga ghazira asobola kugigitoolaku.

Yeremia 48:36

“Kyenva ni ndira amaziga olw'abantu ab'e Moabu, era naalira olw'abantu ab'e Kiriheresi, nga ndi ng'oti n'ole afuuwa olwembo olw'enaku ku ndere. Ndira, kuba buli kintu kye baali nakyo kizikiriire.

Abalevi 23:40

Ku lunaku olwo olusooka, munaatwalanga ku bibala eby'emiti gyaimwe ebisinga bulungi. Munaatwalanga ensaga edh'emiti eminaazi, n'ensaga edh'emiti egy'amakaba amangi, n'obuti obukulira ku mbali kw'omwiga, memale mwasagamba okumala enaku musanvu, nga musaaka Musengwa Katonda waimwe.