Isaia 15:6 - Baibuli Ekibono kya Katonda 2014

⁶ Akaiga Nimurimu kakaze, eisubi ku mbali kwako liniaire, ghazira ito likaameraku naire, n'ebimera byonabyona biweekereiregho.

Isaia 15:6 ပူးပေါင်းရင်းမြစ်များ

Yeremia 14:5

N'empongo erekulira eyo mu nsiko enhanha ye yaakamala okuzaala, olw'okubulwa eisubi.

Yeremia 48:34

“Abantu ab'e Heshiboni n'ab'e Eleale balikuba empungu dhaaja dhaatuukira irala n'e Yahazi. Abantu b'e Zoari, n'ab'e Horonaimu, n'ab'e Egulathi Shelishiya, baliwulira empungu edho. N'akaiga ak'e Nimurimu kalikala.

Yoeli 2:3

Aghantu ghe dhiriire ebimera ghaba ng'oti muliro n'ogwokiikyagho. Emberi ye dhikaali kutuuka, ensi eba ng'oti n'enimiro ey'e Edeni, aye einhuma ye dhimaze okubita efuuka bifulukwa byereere omutaba bantu. Ghazira kintu waire ekirala kiti kye dhitazikiriza.

Okubala 32:3

“Atarothi, ni Diboni, ni Yazeri, ni Nimura, ni Heshiboni, ni Eleale, ni Sebamu, ni Nebo, ni Beoni;

Okubala 32:36

Bethi Nimira, ni Bethi Harani, era baabyezunguluza ebimante ebigumu. Baazimbira n'ebyayo byaibwe ebigo.

Yoshua 13:27

Era kyatwalizaamu ebibuga bino ebyali mu kiiko ekirimu Yorudani: Bethiharamu, Bethinimura, Sukkothi, ni Zafoni ekiketezo kino n'ekyafiikagho ku bwali obwakyabazinga bwa Sihoni eyali kyabazinga ow'e Heshiboni. Era omwiga Yorudani nga n'ogukola ensalosalo yaibwe ey'e bugwandhuba okutuukira irala ku Nhandha Galilaaya ku luuyi olw'omukono omugooda ng'olingiriire olw'e buvandhuba.

Okwolekebwa 8:7

Malaika asooka yaafuuwa eigwala lye, omugozi n'omuliro nga bitabwirwamu n'omusaayi byamagala ku nsi. Ekitundu kirala kirala ku buli bitundu bisatu eby'ensi kyaya, n'ekitundu kirala kirala ku buli bitundu bisatu eby'emiti kyaya, era n'eisubi eibisi lyonalyona lyaya.