Isaia 15:2 - Baibuli Ekibono kya Katonda 2014

² Abantu b'e Diboni baniinieniinie, baaja mu bifo ebigulumivu bye basinzizaamu ku busozi, baalirira eyo amaziga. Abamoabu bali kuwowoola amaziga olw'ebibuga Nebo ni Medeba. Basazeeku enviiri ku mitwe gyaibwe baadhimaliriraku ng'oti mpaata, baasalaku n'ebirevu okwoleka nga bwe bali mu nnaku.

Isaia 15:2 ပူးပေါင်းရင်းမြစ်များ

2 Samueli 10:4

Kale Hanuni yaagema abagheereza ba Daudi, buli muntu yaamusalaku oluuyi olw'ekirevu kye era yaamusalaku ebivaalo bye okutuusa mu nkende, memale yaabalekula baaja.

1 Ebyomubyanda 19:4

Kale Hanuni yaagema abagheereza ba Daudi, buli muntu yaamusalaku oluuyi olw'ekirevu kye era yaamusalaku ebivaalo bye okutuusa mu nkende, memale yaabalekula baaja.

Yobu 1:20

Agho Yobu yaasituka, yaakanulamu ekivaalo kye era yaamwa omutwe gwe olw'okunakughala, yaakutama n'ekyeni kyatuuka ku itaka, yaasinza Katonda.

Isaia 14:31

Imwe Abafilisiti ababa mu bibuga, mulire amaziga! Imwe Abafilisiti mwenamwena, mutekemuke mutye! Enkungu eri ng'oti kire eri kuva ku luuyi olw'omukono omugooda olw'e buvandhuba; eryo nga n'eigye ly'abazigu eriziramu mulwani adhugumira waire omulala ati.

Isaia 15:3

Abantu boonaboona mu nguudo bavaire kutiya olw'enaku; n'abali ghaigulu ku ndhu ni mu mpya edh'ekibuga bali kumagaza maziga meereere nga bawowoola.

Isaia 16:12

Abamoabu beekooyeza bwereere okuja mu bifo ebigulumivu bye basinzizaamu, okusaba emisambwa gyaibwe. Ghazira kye baliganhulwamu naire.

Isaia 16:7

Abamoabu baliwowoola amaziga olw'okudaagadaaga okutakobeka, n'abantu boonaboona baawowoola ku lwa Moabu. Balirira nga baidhukiire emere enungi, ye baalyanga mu kibuga Kiriharesethi era balituuka n'okuwaamu eisuubi.

Isaia 22:12

Era mu biseera ebyo, Musengwa Katonda Afuga Amagye, yali ali kubeeta mulire era mube mu nnaku, mumwe ku mitwe gyaimwe enviiri okudhimaliriraku ng'oti mpaata, era muvaale ekutiya.

Isaia 3:24

Mu kifo eky'okuwunha akawoowo, baliwunha kivundu; mu kifo eky'okwesiba ensibiro, balyesiba migugha; mu kifo eky'okuba n'enviiri ensunsule obukalamu, baliba na mpaata; mu kifo eky'okuvaala engoye enungi, balivaala kutiya; era obulungi bwaibwe bulifuukamu nsoni.

Yeremia 3:21

Amamiro gawulikika ghaigulu eyo ku nsozi edhiziraku kantu. Ago n'amamiro ag'Abaisiraeli abali kulira amaziga nga beenenia, olw'okudaaliima ni bava mu ngira entuufu, ni beerabira Musengwa Katonda waibwe.

Yeremia 47:2

Yaakoba ati: “Bona! Abazigu bali kwesololeza ere ku luuyi olw'omukono omugooda olw'e buvandhuba, nga bali ng'oti n'omwiga oguli kubanda. Baidha kubuutikira ensi n'ebigiriku byonabyona, babuutikire n'ebibuga n'abantu ababibaamu. Abantu baliririra nze mbayambe, buli muntu ali ku nsi aliwowoola amaziga.

Yeremia 47:5

Abantu b'e Gaza bamweire enviiri gha mberi ku mitwe gyaibwe gyaba ng'oti gya mpaata, olw'okunakughala! Ab'e Ashikeloni bafiire baasirika. Abanaki abakaasigairegho, balituusa li okwesalasala ku mibiri gyaibwe olw'okunakughala?

Yeremia 48:1

Bino Musengwa Katonda Afuga Amagye, Katonda wa Isiraeli, by'akoba ku Moabu: “Bakagwireku abantu ab'e Nebo, ekibuga kyaibwe abazigu bakizikiriiza. Kiriathaimu baakigemye, ekifo kyakyo eky'okwewogomamu bakimenhiegho n'abantu baamu baaswazibwa.

Yeremia 48:18

Imwe ababa mu Diboni, muveeyo mu kifo kyaimwe eky'ekitiisa, mwike mutyame ghansi mu nkungu; kuba oyo ow'okuzikiriza Moabu abaidhiire, azikiriiza ebifo byaimwe eby'okwewogomamu, byafuuka bifulukwa byereere.

Yeremia 48:31

Kale ni ndidha kulira amaziga olw'ensi Moabu, mpowoole olw'abantu boonaboona ab'e Moabu, era ngegenge olw'abantu b'e Kiriheresi.

Yeremia 48:35

Nja kulekeza abantu ab'omu Moabu okughangayo emisengo egyokebwa mu bifo byaibwe ebigulumivu eby'okusinzizaamu, era ndekeze n'okuniokezanga bakatonda baibwe obubbaani. Nze Musengwa Katonda, ninze nkobye.

Yeremia 49:3

Imwe abantu b'e Heshiboni, muvaale kutiya era muwowoole! Mulumukirerumukire eno n'ere olw'okusoberwa. Omusambwa gwaimwe Milikomu baja kugutwala mu bunhage, ghalala ni bakabona baagwo n'abakungu baagwo.

Yeremia 7:29

“Imwe abantu b'e Yerusalemu, musaleku enviiri dhaimwe mudhisuule ere; mulirire eyo ku nsozi edhiziraku kantu, kuba nze Musengwa Katonda nsungughaire era ndekuliire agho abantu bange.

Ezekieli 27:31

Ku lulwo baamwa emitwe gyaibwe okugimaliriraku enviiri ng'oti mpaata, baavaala ekutiya olw'okunakughala, era baagegenga olw'enaku eyabali ku myoyo embitirivu, baalira inho amaziga.

Ezekieli 30:2

“Iwe omuntu, langa okobere abantu, nze Musengwa Katonda bye ndi kukoba. Bakobere oti: Muwowoole amaziga nga mukoba muti: Tukagwireku! Olunaku olw'akabi luli kwidha!

Ezekieli 7:18

Balivaala ekutiya baadhugumira olw'okutya, baamwa emitwe gyaibwe okugimaliriraku enviiri ng'oti mpaata, n'ensoni dhaabagema baaswala.

Abalevi 13:40

“Omusaadha bw'anaakuunhuukanga enviiri ku mutwe mu kawompo oba ku mutwe emberi, oyo anaabanga wa mpaata era nga mulongoofu.

Abalevi 21:5

“Bakabona batakendeezanga ku nviiri dhaibwe edh'omu mbali, oba okukendeeza ku birevu byaibwe, era bateesalasalanga ku mibiri gyaibwe ng'akamanhiso ak'okulira abafu.

Amosi 8:10

Era akoba ati: “Ndifuula ebibinuko byaimwe byaba mikolo gya kulira, n'enhembo dhaimwe dhaaba kugegenga. Ndibamwesaaku enviiri ku mitwe gyaimwe okudhimaliriraku ng'oti mpaata, naabaleetera okwesiba ebikaakaati mu nkende mwanakughala, mwaba ng'oti n'abazaire abafiiriirwa omwana waibwe omulenzi omulala bedengedenge. Olunaku olwo luliba lwa bulumi lwonalwona.

Okubala 21:28

Omuliro gwava mu Heshiboni; enimi dhaagwo dhaava mu kibuga kya Sihoni. Gwayokya ekibuga Ari ekya Moabu; gwamamulamamula abakungu ab'ebifo ebigulumivu eby'okusinzizaamu 1 ku mwiga Arunoni.

Okubala 21:30

Abaana n'abaidhukulu tubazikiriiza okuva e Heshiboni okutuuka e Diboni, twabasaaniagho mu bibuga, okutuukira irala e Medeba.”

Okubala 32:3

“Atarothi, ni Diboni, ni Yazeri, ni Nimura, ni Heshiboni, ni Eleale, ni Sebamu, ni Nebo, ni Beoni;

Okubala 32:38

Nebo, ni Baali Meoni, nga baakyusiisa amaina gaabyo baabigha agandi. Era bairamu okuzimba obuyaaka n'ekibuga Sibuma.

Amateeka Agokubiri 14:1

Musa yaakoba Abaisiraeli ati: “Imwe muli bantu ba Musengwa Katonda waimwe. Kale ni muteesalasalanga ku mibiri gyaimwe, oba okumwa enviiri gha mberi ku mitwe gyaimwe ni giba ng'oti gya mpaata, ng'abantu abandi bwe bakola nga bali kulira abafu.

Amateeka Agokubiri 34:1

Agho Musa yaava mu kiketezo eky'oku museetwe e Moabu, yaaniinaniina ku lusozi Nebo, entwiko ya Pisiga, olulingiriire Yeriko. Musengwa Katonda yaamwoleka ekiketezo kyonakyona okuva e Gileadi, okutuuka e Dani,