Isaia 15:1 - Baibuli Ekibono kya Katonda 2014

¹ Buno n'obukwenda obugema ku Moabu. Ebibuga Ari ni Kiri ebya Moabu babizikiriiza mu bwire bulala buti byafuuka bifunfugu, era ensi Moabu yaawolongera.

Isaia 15:1 ပူးပေါင်းရင်းမြစ်များ

2 Bakyabazinga 3:25

Abaisiraeli baazikiriza ebibuga, buli mulala yaasuula eibaale mu bulime obulungi, okutuusa nga babwidhwiza amabaale. Baasemba ensulo dhoonadhoona edh'amaadhi, era baatema emiti gyonagyona emirungi. Mu kibuga Kiriharesethi mwonka mwe baaleka amabaale gaamu, ab'ensuumulo baakyezunguluza baakighangula.

Isaia 11:14

Balyeyimba ghalala baalumba Abafilisiti e bugwandhuba, era baaja baanhagulula abantu b'e buvandhuba. Balighangula Abaedomu n'Abamoabu, n'Abammoni boona balibagondera.

Isaia 13:1

Buno n'obukwenda obugema ku Babiloni, Isaia mutabane wa Amozi bwe yafuna mu kubonekerwa.

Isaia 14:28

Buno n'obukwenda obwalangibwa mu mwaka kyabazinga Ahazi gwe yafiiramu.

Isaia 16:11

Kyenva ni ngegenga olwa Moabu, era ni ndira enaku olwa Kiriheresi.

Isaia 16:6

Aye ab'omu Buyudaaya bakoba bati: “Twawulira ira okwekuluntaza kw'Abamoabu, n'okwebona bonka. Era twidhi nga bwe beetwala okuba aba ghaigulu nga beepankapanka. Aye ebyo bye beesaakiriza nabyo bya bwereere.”

Isaia 16:7

Abamoabu baliwowoola amaziga olw'okudaagadaaga okutakobeka, n'abantu boonaboona baawowoola ku lwa Moabu. Balirira nga baidhukiire emere enungi, ye baalyanga mu kibuga Kiriharesethi era balituuka n'okuwaamu eisuubi.

Isaia 25:10

Musengwa Katonda alikuuma olusozi luno Sioni, aye Abamoabu balityankirirwa ng'oti n'eisubi bwe balityankirira mu busa okukolamu ebigimusa.

Isaia 25:12

Alizikiriza ebifo byaibwe eby'okwewogomamu n'ebimante byaibwe ebigulumivu, yaabigwisa ghansi ku itaka okutuukira irala mu nkungu.

Yeremia 9:26

Abantu abo ni bano: Abamisiri, Abayudaaya, Abaedomu, Abammoni, Abamoabu, nabo boonaboona ababa mu irungu abasala ku nviiri dhaibwe. Kale ni waire ng'ab'eighanga lya Isiraeli lyonalyona bakekete, aye era beebisa ng'abatali bakekete.”

Okubala 21:28

Omuliro gwava mu Heshiboni; enimi dhaagwo dhaava mu kibuga kya Sihoni. Gwayokya ekibuga Ari ekya Moabu; gwamamulamamula abakungu ab'ebifo ebigulumivu eby'okusinzizaamu 1 ku mwiga Arunoni.

Amateeka Agokubiri 2:18

‘Olwaleero muja kusala ensalosalo ey'ekiketezo ky'e Moabu, nga mubitira mu kibuga Ari.

Amateeka Agokubiri 2:19

Bwe munaaba nga muli kumpi okutuuka mu nsi ey'Abammoni, mutabadaazadaaza era mutabatanulaku lutalo. Kuba imwe tija kubaghaaku kitundu waire ekitono kiti ku nsi yaibwe, okuba ekyaimwe. Ensi eyo namala ira okugigha Abammoni abo baidhukulu ba Loti, ebe yaibwe.’ ”

Amateeka Agokubiri 2:9

Agho Musengwa Katonda yankoba ati, ‘Mutadaazadaaza bantu ab'e Moabu, baidhukulu ba Loti, era mutabatanulaku lutalo. Imwe tiidha kubaghaaku kitundu waire ekitono kiti ku nsi yaibwe, okuba ekyaimwe. Ekibuga Ari nakigha ira Abamoabu abo kibe kyaibwe.’ ”