Isaia 14:6 - Baibuli Ekibono kya Katonda 2014

⁶ abo abaatuntuzanga abantu n'obukambwe aghazira kusalaku, ni bafuganga amaghanga n'ekiruyi, nga bagakiriga akadeeberero.

Isaia 14:6 ပူးပေါင်းရင်းမြစ်များ

2 Ebyomubyanda 36:17

Agho Musengwa Katonda yaaleeta kyabazinga w'e Babilonia okwidha okubalwanisa, yaitira abaana baibwe abaakaisuka ni mu isinzizo mwene, aghazira kusaasira muntu waire omulala k'abe mukulu oba muto, musaadha oba mukazi, mulamu oba mulwaire. Musengwa Katonda yaabaghaayo boonaboona mu ngalo edh'abazigu.

Yobu 9:13

Obusungu bwa Katonda tibukoma, aghangula abazigu be, abayambi ba Rahabu.

Ensambo 21:30

Amagezi, n'okutegeera era n'okugalagirwa, byonabyona tibisobola kutakania Musengwa Katonda ni bimusinga.

Ensambo 28:15

Ng'empologoma oba ekisolo ekikambwe ekindi, bwe biba eby'akabi eri kye byenda okugema, n'omufuzi omubi yeena atyo bwaba ow'akabi eri abaavu.

Isaia 10:14

Nayagaana amaghanga nga gali ng'oti kisu kya nhonhi, naasoloza obukombe bwago ng'oti n'ali kusoloza amagi ge balese obwagho, nga ghazira na nhonhi epapazaaku ighagha kuntiisa, waire okwasamya omunwa n'ekyolya okunzindula.”

Isaia 14:5

Musengwa Katonda atoiregho abafuzi ob'omwoyo ogw'ekyoniyoni, yaatoolagho obufuzi bwaibwe,

Isaia 33:1

Mukagwireku imwe abazikiriza banaimwe, ate nga imwe ghazira abazikirizangaku; n'imwe abaghemukira abantu ni mubeefuulaku ate nga imwe ghazira abaghemukirangaku n'abeefuulaku. Ekiseera kyaimwe eky'okuzikiriza bwe kiriwaaku, olwo mwena balibazikiriza; era ekiseera kyaimwe eky'okughemukira abantu nga mubeefuulaku bwe kiriwaaku, olwo mwena balibaghemukira baabeefuulaku.

Yeremia 25:26

ni bakyabazinga boonaboona ababa ku luuyi olw'omukono omugooda olw'e buvandhuba ab'okumpi n'eghala. Boonaboona abo balinhwa, mulala mulala nga banonaganwa. N'obwakyabazinga obundi bwonabwona obuli ku nsi bulinhwa. Abo bwebalimala, olwo kyabazinga ow'e Babilonia yeena yaanhwa.

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 48:17

Mulire olw'eighanga eryo imwe abaliriiraine; imwe mwenamwena abaliidhi nga bwe liri eimanhifu, mulire amaziga. Mukobe muti, ‘Obufuzi bwalyo obw'amaani, era obw'ekitiisa babumenhiegho.’

Yeremia 50:31

“Iwe ensi Babilonia, weekuluntaza inho. Kale ni, nze Musengwa Katonda Afuga Amagye ndidha kukukolaku. Ekiseera kituuse nze nkubonereze.

Okulira 1:21

Wulira nga bwe ndi kulira n'enaku nga ghazira na muntu wa kunsaasiraku. Abazigu bange boonaboona baawulira nga bwendi mu buzibu, era basangaavu okubona nga niiwe owabuntuusaaku. Wo Musengwa Katonda, tuusa mangu olunaku lwe wabeesoomera, era leka boona babe ng'oti ninze bwendi buti.

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Habakkuku 1:17

Aye mbo baja kutuusa li okuzikiriza amaghanga aghazira na kusaasira, byanda na byanda?

Habakkuku 2:5

Obukombe tibwesigika. Abantu abalulunkanira eby'obukombe beekuluntaza inho aye tibatereera. Bali ng'oti magombe geene, basigala nga bakaayenda. Kyebava ni balwanisa amaghanga n'amaghanga, ni baja nga banhagamu abantu n'ebintu.

Yakobo 2:13

Mu kusala omusango Katonda taja kusaasira muntu oyo atasaasira ate okusaasira n'okusinga mu kusala emisango.