Isaia 14:5 - Baibuli Ekibono kya Katonda 2014

⁵ Musengwa Katonda atoiregho abafuzi ob'omwoyo ogw'ekyoniyoni, yaatoolagho obufuzi bwaibwe,

Isaia 14:5 ပူးပေါင်းရင်းမြစ်များ

Zabbuli 125:3

Abakozi b'ebibi tibalifuga nsi ya bantu batuufu, kuba abatuufu basobola boona okugwa mu kibi.

Ensambo 28:15

Ng'empologoma oba ekisolo ekikambwe ekindi, bwe biba eby'akabi eri kye byenda okugema, n'omufuzi omubi yeena atyo bwaba ow'akabi eri abaavu.

Isaia 10:5

Musengwa Katonda yaakoba ati: “Assiria, n'omwigo gwe ngema nga nsungughaire, gwe nkozesa okubonereza abo be ndiku n'ekiruyi.

Isaia 13:11

Musengwa Katonda akoba ati: “Ndisindika ekibamba ku nsi, naabonereza abantu olw'ebibi byaibwe. Ndiisa ghansi abo abeetwala okuba aba ghaigulu, naabonereza abo abeekuluntaza n'abakola ebikolwa eby'obukambwe.

Isaia 14:29

“Imwe Abafilisiti mwenamwena, mulobe kusanhuka inho waire ng'omwigo ogwabakuba mwenamwena gumenheike; kuba aghabairenga omusota ogwabuliidho, ghaidha kwiragho kiyiri. Era mu igi ly'ekiyiri mulivaamu omusota oguguluka ng'oti nhonhi.

Isaia 14:4

Musengwa Katonda bw'alituukiriza ekyo, Abaisiraeli baliyeeyereza kyabazinga w'e Babilonia, nga bakoba bati: “Omufuzi kaabuluuku akomye, n'obukambwe bwe tibukaaligho!

Isaia 14:6

abo abaatuntuzanga abantu n'obukambwe aghazira kusalaku, ni bafuganga amaghanga n'ekiruyi, nga bagakiriga akadeeberero.

Isaia 9:3

Oleeteire abantu okweyongera obungi mu ighanga, waabaleetera okweyongera okusangaala. Basagambira mu maiso go ng'oti bwe basagamba mu makungula, oba ng'oti n'abantu bwe basagamba nga bagabana omunhago.

Isaia 9:4

Kuba obatoireku obuzito obwabavunanga, waamenhamenha emiigo gye baabakubisanga ku mabega, waaghangula amaghanga agaatuntuzanga abantu bo, ng'oti ni bwe waghangula Abamidia.

Okulira 1:21

Wulira nga bwe ndi kulira n'enaku nga ghazira na muntu wa kunsaasiraku. Abazigu bange boonaboona baawulira nga bwendi mu buzibu, era basangaavu okubona nga niiwe owabuntuusaaku. Wo Musengwa Katonda, tuusa mangu olunaku lwe wabeesoomera, era leka boona babe ng'oti ninze bwendi buti.

Habakkuku 1:17

Aye mbo baja kutuusa li okuzikiriza amaghanga aghazira na kusaasira, byanda na byanda?