Isaia 14:4 - Baibuli Ekibono kya Katonda 2014

⁴ Musengwa Katonda bw'alituukiriza ekyo, Abaisiraeli baliyeeyereza kyabazinga w'e Babilonia, nga bakoba bati: “Omufuzi kaabuluuku akomye, n'obukambwe bwe tibukaaligho!

Isaia 14:4 ပူးပေါင်းရင်းမြစ်များ

2 Ebyomubyanda 36:18

Yaatoola n'ebintu byonabyona ebyakozesebwanga mu isinzizo ka bibe ebinene oba ebitono, n'eby'obukombe eby'omu isinzizo, n'eby'obukombe ebya kyabazinga, n'eby'abakungu be, byonabyona yaabitwala e Babilonia.

Isaia 13:1

Buno n'obukwenda obugema ku Babiloni, Isaia mutabane wa Amozi bwe yafuna mu kubonekerwa.

Isaia 13:19

Waire obwakyabazinga bwa Babilonia n'obusingamu okuba obw'ekitiisa era obweyagaza inho abantu baayo, nze Musengwa Katonda ndibuzikiriza ng'oti ni bwe nazikiriza Sodoma ni Gomorra.

Isaia 14:17

Bwenebwene n'ole eyazikirizanga ebibuga, n'ensi n'agifuula eirungu, era ataalekulanga basibe kwirayo waibwe?’

Isaia 14:5

Musengwa Katonda atoiregho abafuzi ob'omwoyo ogw'ekyoniyoni, yaatoolagho obufuzi bwaibwe,

Isaia 14:6

abo abaatuntuzanga abantu n'obukambwe aghazira kusalaku, ni bafuganga amaghanga n'ekiruyi, nga bagakiriga akadeeberero.

Isaia 16:4

Mutuleke tusenge mu nsi yaimwe, mutuwonie oyo ali kwenda okutuzikiriza; kuba oyo atunhigiriza alituusa ekiseera yaavaagho, yaalekera agho okutuzikiriza. Oyo atutyankirira n'ebigere aliva mu nsi yaife.

Isaia 21:2

Mbonekeirwa akabi akaja okugwagho; mboine anhagulula ng'ali kunhagulula, naabona azikiriza ng'ali kuzikiriza. Iwe eigye ly'omu Elamu, ja olumbe, n'iwe eigye ly'e Media, ja ozingize omuzigu. Katonda aidha kumalagho okudaazibwadaazibwa kwonakwona Babiloni kw'aleeta.

Isaia 47:5

Musengwa Katonda oyo akoba Babiloni ati: “Tyama osirike, weewumbe mu nzikiiza, kuba tibaliirayo kabiri kukweta inhebantu wa maghanga.

Isaia 49:26

Abo abakukiriga iwe Yerusalemu ndibaleetera okwitagana beene na beene, baatamiira okuyugha omusaayi gw'abantu ng'oti bwe batamiira omwenge. Olwo abantu boonaboona balimanha nga ninze Musengwa Katonda Omulokozi era Omununuzi waimwe. Era balimanha nga ninze Katonda wa Isiraeli Aghanga Ebintu Byonabyona.”

Isaia 51:13

Obwo mwerabiire Musengwa Katonda Omutonzi waimwe eyabamba eigulu, n'ataagho n'emisingi gy'ensi? Lwaki buli kaakyeire muba mu kutya, olw'obusungu bw'abo ababatuntuza, abeetegeike okubazikiriza? Mpegaano obusungu bwaibwe mukaabubonaku naire?

Isaia 51:23

Ekikopo ekyo ndikigemya abo ababalumya ni bakoba bati, ‘Mweyale ghansi ku itaka tubatambulireku tuje’, era mwena ni mutaagho emigongo gyaimwe ni gifuuka oluguudo kwe batambulira.”

Isaia 54:14

Okukola amazima n'obutuufu birikuleetera okuba ow'amaani. Oliwona okutuntuzibwa, era ebintu ebitiisa tibiriseeta gh'oli.

Isaia 9:4

Kuba obatoireku obuzito obwabavunanga, waamenhamenha emiigo gye baabakubisanga ku mabega, waaghangula amaghanga agaatuntuzanga abantu bo, ng'oti ni bwe waghangula Abamidia.

Yeremia 24:9

Ndidha kubafuula ekintu ekitiisa einho abantu boonaboona ku nsi, bafuuke eky'okwogerwaku era eky'okuyeeyereza. Baidha kubanga kivumo era kikolimo, eyo yoonayoona ye ndibasansaaniza.

Yeremia 48:17

Mulire olw'eighanga eryo imwe abaliriiraine; imwe mwenamwena abaliidhi nga bwe liri eimanhifu, mulire amaziga. Mukobe muti, ‘Obufuzi bwalyo obw'amaani, era obw'ekitiisa babumenhiegho.’

Okulira 4:1

Ha, nga kyewuunhisa engeri zaabu ye yalekeramu okumesunkana; zaabu mwenemwene omukenenule n'afuukafuuka! Amabaale geenegeene agaabanga mu kifo ekitukuvu, okwagaanibwa mu nguudo dhoonadhoona edh'omu kibuga nga masuulesuule.

Ezekieli 5:15

“Bwendibasalira omusango ni mbabonereza nga ndi mu busungu obubitirivu, olwo ab'amaghanga agabeezungulwire balitya inho. Mulifuuka kivumo era eky'okuyeeyereza ye bali, era mwafuuka akamanhiso ak'okubalabula. Nze Musengwa Katonda, ninze ndhogeire.

Danieli 2:38

Era Katonda yakuta mu ngalo byonabyona ebiri ku nsi okubifuga: abantu, ensolo, n'enhonhi. Niiwe omutwe ogwa zaabu.

Habakkuku 2:17

Obukambwe bwe mwakozesa ku Lebanoni, n'obuja okukozesebwa ku imwe beene. Nga bwe mwazikiriza ensolo, era ensolo n'edhiidha okubatiisa. Olw'ebikolwa eby'obutemo bye mwakola mu nsi, ni mu bibuga, ni ku bantu baamu.

Okwolekebwa 17:6

Naabona ng'omukazi atamiire omusaayi gw'abatuukirivu, n'ogw'abo abaitibwa olw'okudhulira Yesu. Bwe namubona, neewuunhia inho!

Okwolekebwa 18:16

nga bakoba bati: “Okagwireku! Okagwireku iwe ekibuga ekikologho, eyavaalanga ebivaalo ebighegheevu eby'ebitiibwa ebya nakasooma n'ebya kasaayisaayi; ng'otoonha zaabu n'ebinhere, n'ebikomo eby'amabaale ag'omughendo.

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”