Isaia 14:20 - Baibuli Ekibono kya Katonda 2014

²⁰ Nga bwe wazikiriza ensi yo n'oita abantu bo, toliziikibwa ng'oti ni bakyabazinga baino. Eizaire lyo eikozi ly'ebibi ligwananga lyaweekereragho lyaloba kwidhukirwa.

Isaia 14:20 ပူးပေါင်းရင်းမြစ်များ

2 Bakyabazinga 9:35

Aye bwe baaja okumuziika tibaayagaanagho kitundu kindi ku mubiri gwe kyonakyona, okutoolaku ekighanga, n'ebigere bye, n'ag'engalo dhe byonka.

Yobu 18:16

Ali ng'oti muti ogukala okuviira irala ku mizi, okutuuka ghaigulu ku busanso bw'ensaga

Yobu 18:17

Balimwerabirira irala ku nsi, ghaabulagho amwidhukira naire.

Yobu 18:19

Ku babe tighalisigalagho mwana waire omwidhukulu. Era ye yabanga teriwonayo muntu naire omulala.

Zabbuli 109:13

Abaana be n'abaidhukulu bagwananga baawaagho, ghaabula ow'oluse olwidha amwidhukira naire.

Zabbuli 21:10

Kyabazinga alizikiriza abaana baibwe okubamala ku nsi, era taja kulekera okutuusa nga boonaboona abamazeegho.

Zabbuli 37:28

Kuba Musengwa Katonda ayenda inho ekituufu kikolebwe, era taja kulekulira agho abo abamutya. Taja kuganha kibi kutuuka ku bantu batuufu ebyanda n'ebyanda aye eizaire ly'ababi lija kuwaagho.

Omulangirizi 6:3

Omuntu asobola okuzaala abaana ekikumi, era yaaghangaala emyaka kamaala. Aye ni bw'aghangaala einho, bw'aba nga tafunie isanhu mu bulamu bwe era nga taziikiibwa bukalamu, nze nkoba nti omwana azaalibwa nga mufu asinga omuntu oyo;

Isaia 1:4

Okagwireku iwe eighanga eikozi ly'ebibi, abantu aboonooni imwe, abaidhukulu ab'abakozi b'ebibi imwe, era abaana aboonoonefu. Muviire ku Musengwa Katonda, mwamunhooma Omutukuvu wa Isiraeli oyo, mwamwetooleraku irala.

Isaia 31:2

Ate ng'aidhi bukalamu by'akola. Aja yaaleetagho akabi era yaaloba kukyusaamu ky'akobye naire. Yaabonereza abakozi b'ebibi, n'abo ababayambaku okukola ebibi.

Isaia 9:17

Kale ni, Musengwa Katonda talireka abaana baibwe abaakaisuka kuwonagho, waire okusaasira banamwandu baibwe oba abaana baibwe bamulekwa; kuba abantu boonaboona tibatya Katonda, bakola ebibi era boogerayogera eby'ekisiru. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.