Isaia 14:19 - Baibuli Ekibono kya Katonda 2014

¹⁹ Aye iwe bakuswire bw'ere amagombe go ye gatali, ng'oti n'omwana avaamu ng'akaabulaku, ekintu abantu kye batenda naire. Bakubunzeeku emirambo gy'abo abaitiirwa mu lutalo, baakusuula ghalala nagyo mu lwina olw'amabaale, waafuuka omulambo gwe batyankirira n'ebigere.

Isaia 14:19 ပူးပေါင်းရင်းမြစ်များ

1 Bakyabazinga 21:19

Oidha kumukoba oti, ‘Musengwa Katonda akoba ati, omaze okutemula omuntu, obwo era otwale n'ebintu bye?’ Era oidha kumukoba oti, ‘Musengwa Katonda akoba ati, mu kifo mwene embwa mwe dhaakombeire omusaayi gwa Nabothi, era mwe dhiidha okukombera n'ogugwo.’ ”

1 Bakyabazinga 21:24

Era iwe Ahabu, omuntu wo yeenayeena anaafiiranga mu kibuga, embwa dhiidha kumulyanga. Ate oyo yeenayeena anaafiiranga mu irungu, enhonhi dhiidha kumulyanga.’ ”

2 Bakyabazinga 9:25

Yehu yaakoba omugheereza we Bidikari ati: “Mubbeede, omusuule mu kibandha ekyali ekya Nabothi Omuyezireeli, kuba oidhukira bukalamu nga iwe ninze bwe twali ku mbalaasi twembi nga tuli kunonereza lata we Ahabu, Musengwa Katonda yayogera ebibono bino ebikolimira Ahabu, ati,

Isaia 13:15

Kiisi ye baligwikiriza alifumitibwa, na kiisi ye baligemyaku aliitibwa n'empiima.

Isaia 14:18

Bakyabazinga boonaboona ab'ensi baziikibwa mu bitiibwa, buli kyabazinga mu magombe agage geene.

Isaia 34:3

Abantu abaliitibwa tibaliziikibwa, aye balisigala bw'agho ekiwunha kyagema woonawoona, n'ensozi dhaakuuluula bwa musaayi gwaibwe.

Isaia 5:25

Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.

Yeremia 16:6

Abantu ababbede beene n'abo abasembayo ghansi balifiira mu nsi eno aye ghaabulagho omuntu abaziika oba abalira, nga yeesalasala ku mubiri gwe, oba ng'amwa enviiri gha mberi ku mutwe gwe gwaba ng'oti gwa mpaata olw'okunakughala.

Yeremia 22:19

Balimuziika nga bwe baziika endogoyi: balimukwekwebya bukwekwebye, baamusuula kuliya kw'emiryango gya Yerusalemu.”

Yeremia 41:7

Olwangira mu kibuga bati, nga Ishimaeli n'abasaadha be yali nabo baatoolera okubaita, nga bwe basuula emirambo gyaibwe mu nsulo.

Yeremia 41:9

Ensulo Ishimaeli ye yasuulamu emirambo egy'abasaadha be yaita, yali nga n'ere enene kyabazinga Asa owa Buyudaaya ye yasima, bweyalumbibwa kyabazinga Baasha owa Isiraeli. Ishimaeli yaidhuza ensulo eyo emirambo.

Yeremia 51:4

Kale balibafumita, bafiira mu nguudo edh'omu bibuga byaibwe

Ezekieli 32:23

Amagombe gaibwe gali mu kifo ekisembayo ghansi, mu nsi ey'abafu. Abaisirukale baayo boonaboona bali eyo mu magombe gaibwe okugyezunguluza, nga boonaboona baitirwa mu lutalo. Ate nga bwe baali bakaali balamu baaleeteranga abantu okutya einho mu nsi.

Ezekieli 32:27

Aye tibaaziikibwa ghalala na balwani ab'eira abaali ab'amaani abataali bakekete, abaika ghansi mu nsi ey'abafu n'eby'okulwanisa byaibwe: ng'empiima dhaibwe dhiteereibwa emintwetwe waibwe, n'engabo dhaibwe dhaateebwa ku mibiri gyaibwe. Abasaadha abo baali ba maani nga baleetera abantu okutya einho mu nsi.