Isaia 14:17 - Baibuli Ekibono kya Katonda 2014

¹⁷ Bwenebwene n'ole eyazikirizanga ebibuga, n'ensi n'agifuula eirungu, era ataalekulanga basibe kwirayo waibwe?’

Isaia 14:17 ပူးပေါင်းရင်းမြစ်များ

Isaia 14:16

Abanaakubonanga ng'oli eyo baidha kukulingiriranga obutatemya, nga beebuuza bati, ‘Bwenebwene ono n'omusaadha ole eyayuuguumyanga ensi era n'adhugumizanga buli bwakyabazinga?

Isaia 14:18

Bakyabazinga boonaboona ab'ensi baziikibwa mu bitiibwa, buli kyabazinga mu magombe agage geene.

Isaia 45:13

Ninze nasiikuula Kuro naamuleetera okuja okutereeza ebyali byonooneike. Era ndidha kuleeteranga by'akola byonabyona okuja obukalamu. Alizimba buyaaka ekibuga kyange Yerusalemu, era yaaleetera abantu bange okuva mu bunhage. Ekyo alikikola aghazira muntu kumugulirira waire okumugha empeera.” Musengwa Katonda Afuga Amagye, n'akobye.

Isaia 58:6

“ ‘Okusiiba nze kwe nhenda ni kuno: Musibule endhegere n'ebikoligo ebisibiriire abantu mu kutuntuzibwa. Abasibe abatuntuzibwa, mubalekule baje nga ba idembe. Mumaliregho irala ebikoligo byonabyona ebireetera abantu okutuntuzibwa.

Isaia 64:10

Ebibuga byo ebitukuvu byafuuka ng'oti irungu: olusozi Sioni luli ng'oti irungu, ekibuga Yerusalemu kyafuuka ng'oti kifulukwa.

Yeremia 50:33

Musengwa Katonda Afuga Amagye akoba ati: “Abantu Abaisiraeli n'Abayudaaya batuntuzibwa. Era abo boonaboona abaabagema ni babatwala mu bunhage babakuuma butiribiri, aghazira kubalekula kuja.

Ezekieli 32:23

Amagombe gaibwe gali mu kifo ekisembayo ghansi, mu nsi ey'abafu. Abaisirukale baayo boonaboona bali eyo mu magombe gaibwe okugyezunguluza, nga boonaboona baitirwa mu lutalo. Ate nga bwe baali bakaali balamu baaleeteranga abantu okutya einho mu nsi.

Ezekieli 6:14

Ndigolola omukono gwange naababonereza, era naazikiriza ensi yaibwe yaafuuka bifulukwa, okuviira irala ku irungu okutuukira irala e Ribula. Olwo abantu boonaboona baamanha nga ninze Musengwa Katonda.”

Yoeli 2:3

Aghantu ghe dhiriire ebimera ghaba ng'oti muliro n'ogwokiikyagho. Emberi ye dhikaali kutuuka, ensi eba ng'oti n'enimiro ey'e Edeni, aye einhuma ye dhimaze okubita efuuka bifulukwa byereere omutaba bantu. Ghazira kintu waire ekirala kiti kye dhitazikiriza.

Habakkuku 1:7

Abababilonia abo batiisa era beeraliikiriza bubi inho. Beidhi nga bonka n'ab'amaani, era ng'ezira iteeka libafuga.