Isaia 14:13 - Baibuli Ekibono kya Katonda 2014

¹³ Wakobanga mule oti, ‘Ndidha kuniina mu igulu nte eyo ekityamo kyange eky'obwakyabazinga ere ghaigulu gh'emuunienie dha Katonda. Ndidha kutyama ku lusozi emisambwa lwe gyesolokezaaku, eyo eghala ku luuyi olw'omukono omugooda olw'e buvandhuba.

Isaia 14:13 ပူးပေါင်းရင်းမြစ်များ

Yobu 20:6

Omubi asobola okukula yaawaiguka okutuuka ku igulu, ng'omutwe gwe gutuuka ku bire.

Zabbuli 48:2

Sioni olusozi lwa Katonda luleeyiriri era luboneka bulungi; ekibuga kya kyabazinga omukologho kisanhusa ensi yoonayoona.

Isaia 2:2

Olunaku lwidha kutuuka, olusozi oluliku eisinzizo, lube nga n'olusinga buleeyi mu dhoonadhoona, era nga lusooloobye n'obusozi bwonabwona. Abantu abamaghanga kamaala balisomboka, baidha ku lusozi olwo,

Yeremia 49:16

Okwekuluntaza kwo kukulimbye, era ghazira akutya kuba olowooza oti ekifo ky'olimu kyesigika inho, ng'oti n'ekifo ekigumu eky'okwewogomamu ekyabaadhibwa mu ibaale. Era weesigulira inho ku ky'amaka go okuba nga gali ghaigulu mu nsozi. Aye Musengwa Katonda oyo alikughanulayo yaakwisa ghansi. Musengwa Katonda mwene n'akobye.”

Ezekieli 27:3

ekyazimbwa ku mwalo ogw'enhandha, era ekisuubulagana n'abantu ab'omu biketezo eby'oku nhandha kamaala. Kikobe oti Musengwa Katonda akoba ati: Iwe Tiro, weesaaka ng'okoba oti obulungi obw'emboneka yo buziraku kamogo.

Ezekieli 28:2

“Iwe omuntu, kobera omufuzi ow'e Tiro oti nze Musengwa Katonda ndi kumukoba nti: Olw'okwekudumbaza kw'oli nakwo, weeyeta katonda. Okoba oti niiwe otyama ku kityamo kya bakatonda, eyo ghagati mu nhandha. Ate nga oli muntu buntu toli katonda naire, waire nga weetwala okuba ng'oli katonda mulamba.

Ezekieli 28:9

Obwo era oliba ng'okaakoba oti oli katonda, ng'oli mu maiso g'abo abaja okukwita? Busa naire, bw'oliba ng'oli mu ngalo dhaibwe oliba muntu buntu se ti katonda.

Ezekieli 29:3

Mukobe oti, nze Musengwa Katonda ndi kukoba nti: Bona eno, buti nfuuse muzigu y'oli, iwe kyabazinga wa Misiri. Niiwe ogusota ogukologho oguba mu miiga ni gukoba guti, ‘Omwiga Kiyira gwange ku bwange, ninze eyagukola.’

Ezekieli 31:10

“Agho ni, nze Musengwa Katonda kyenva ndi kukoba nti: Ng'omuti ogwo bwe gwaleegherera, obusanso bw'ensaga dhaagwo butuuka ni mu bire, era ni gwekuluntaza olw'obuleeyi obwo,

Ezekieli 40:2

Era nga ndi mu kubonekerwa, Katonda yambeeda yantwala mu nsi Isiraeli, yandhisa ku lusozi oluleeyi, olwaliku ekyaboneka ng'oti kibuga, nga kiri agho emberi wange.

Danieli 11:36

“Kyabazinga wa Siria oyo alikola nga bw'ayenda, yeegulumiza era yeekudumbaza ng'alowooza ati n'asinga bakatonda boonaboona. Alyogera ebintu ebitiisa einho ku Katonda asinga bakatonda boonaboona. Era ebintu birimujiira bukalamu okutuusa Katonda lw'alimumaliraku obusungu bwe kuba Katonda oyo kye yategeka kiri n'okutuukirira.

Danieli 5:20

Aye bwe yatoolera okwekuluntaza, n'akalangusa omwoyo gwe nga takaagondera biragiro, Katonda oyo yaamutoola ku kityamo kye eky'obwakyabazinga, era yaamutoolaku n'ekitiisa kye yali nakyo.

Obadia 1:3

Okwekuluntaza kwo kukulimbye, kuba odhuuba oti ekifo ky'olimu kyesigika inho ng'oti n'ekifo ekigumu eky'okwewogomamu ekyabaadhibwa mu ibaale. Era olw'okuba amaka go gali ghaigulu mu nsozi, okoba oti, ‘Naani alisobola okumpanula eno n'andhisa ghansi?’

Zefania 2:15

Ebyo n'ebija okutuuka ku kibuga ekyali kyeidhi nga n'ekirigho kyonka, era nga kirowooza kiti ezira kibuga kindi kyaga nakyo bukologho. Aye kija kuzikirira kifuuke ekifo ensolo edh'omu nsiko ghe dhisula. Buli muntu anaakibitangaku, aneesimoozanga era yaata omukono mu nkoto yeinhamira.

Matayo 11:23

Ate imwe abantu be Kaperinaumu, koodhi mwegulumiza kwenda kutuuka bwa mu igulu? Mwidha kwisibwa bwa mu magombe kuba nguli ebyewuunhio ebyabaagho mu imwe byali kubaagho mu Sodoma, nguli kikaaligho n'okutuusa olwaleero.

Luka 10:15

“Ate iwe Kaperinaumu olisitulibwa okutuuka mu igulu? Busa, oliisibwa mu magombe waazikirira!

2 Ab'e Thessalonika 2:4

Oyo n'atakania era ni yeegungumaza okusinga kiisi kyetebwa katonda, oba ekintu kyonakyona ekisinzibwa. Aja ni mu isinzizo lya Katonda yeetyebeka omwo nga yeeyeta mwene okuba Katonda.