Isaia 14:12 - Baibuli Ekibono kya Katonda 2014

¹² Iwe emuunienie eyaka einho ku nkyo, oghanwike ku igulu waagwa! Iwe eyaghangulanga amaghanga, buti osuuliibwa ku itaka!

Isaia 14:12 ပူးပေါင်းရင်းမြစ်များ

Isaia 13:10

Emuunienie edha buli nsambo ku igulu dhirirekera agho okwaka, endhuba yaagema enzikiiza ng'eri kuvaayo, n'omwezi gwaloba kwaka.

Isaia 34:4

Endhuba n'omwezi n'emuunienie, birighanuka ku igulu byagwa, eigulu lyazingibwaku ng'oti nzingo ya kitabo. Eby'oku igulu byonabyona birimagala, ng'oti n'amakaba bwe gava ku muzabbibu oba ku mutiini, ni gagwa.

Yeremia 50:23

Ensi Babilonia yakontakontanga amaghanga agandi goonagoona ag'omu nsi, ng'oti nhundo, yaagamaniangula. Aye yoona mperaano bagikonsekonse baagimaniangula. Era amaghanga goonagoona gatiire inho olw'ebyo ebigituuseeku.

Yeremia 51:53

Abababilonia ni bwebaniina ku igulu, ni bazimba okwo ekifo eky'okwewogomamu, era ndisindikayo abo abazikiriza, baaja baakizikiriza. Nze Musengwa Katonda, ninze nkobye.”

Okulira 2:1

Ha, Musengwa asungughaire era yeesoomeire okubonereza ekibuga Sioni! Ebintu byamu abantu bye baatwalanga okuba eby'omughendo, abiswire ghansi ng'oti bikaba. Waire ng'ekibuga ekyo n'ekibaire ekityamo eky'obwakyabazinga bwe, Musengwa oyo akirekuliire agho olw'okuba asungughaire.

Ezekieli 26:17

Balirira amaziga ku lulwo nga bakoba bati: Wo, ozikiriire iwe ekibuga ekibaire ekimanhifu einho. Iwe owalinga n'amaato ag'amaani ku nhandha. Iwe n'abatyamye bo mwaleeteranga abantu abasaabala ku maadhi okutya okw'amaani!

Obadia 1:4

Aye waire ojiira ghaigulu inho ng'enkookooma, era waazimba ekisu eyo ghaigulu mu muunienie, ndidha kukughanulayo.

Luka 10:18

Yesu yaabakoba ati: “Nabona Sitaani ng'agwa okuva mu igulu oti lukuba.

2 Petero 1:19

Tuja nga tweyongera okukakasa ebibono abalanzi bye baakoba. Mubitengaku omwoyo, kuba biri ng'oti n'eitaala eryaka mu nzikiiza okutuusa obwire lwe bulikya, emuunienie ey'oku nkyo n'evaayo, n'eyakira mu myoyo gyaimwe.

2 Petero 2:4

Katonda tiyasaasira bamalaika abaayona, aye yaabasuula mu geyeena, yaabasibira mu nzikiiza okutuusa ku lunaku olw'okusalirwaku omusango.

Okwolekebwa 2:28

Era ndimugha emuunienie ey'oku nkyo.

Okwolekebwa 22:16

“Nze Yesu, ntumye malaika wange okubakobera ebintu bino mu bikunsu eby'abandhikiriza. Ndi wa ku luzi lwa Daudi era nsimuka mu oyo. Ninze emuunienie ey'oku nkyo eyaka einho.”

Okwolekebwa 8:10

Malaika owokusatu yaafuuwa eigwala lye. Emuunienie enkologho yaaghanuka ku igulu ng'eyaka ng'oti kisiki, yaagwa ku kitundu kirala kirala ku buli bitundu bisatu eby'emiiga, ni ku nsulo edh'amaadhi.

Okwolekebwa 9:1

Malaika owokutaanu yaafuuwa eigwala lye. Naabona emuunienie eyava ghaigulu n'egwa ku nsi, yaagheebwa ekisumuluzo ekiigula olwina olutakoma.