Isaia 14:10 - Baibuli Ekibono kya Katonda 2014

¹⁰ Boonaboona balyogera baakukoba bati, ‘Leero weena amaani gakuwoire, waafuuka munafu ng'oti niife, waatufaananira irala?

Isaia 14:10 ပူးပေါင်းရင်းမြစ်များ

Zabbuli 49:20

Ebitiibwa by'omuntu tibimulobera kufa, awaagho ng'ensolo bwedhiwaagho.

Omulangirizi 2:16

kuba omugezi tibamwidhukira, ng'oti n'omusiru yeena bwe batamwidhukira. Mu biseera ebiidha, boonaboona baliba beerabirwa ira. Ng'omugezi bw'afa, n'omusiru yeena bw'afa.

Ezekieli 26:20

Ndikusindika waaja ghansi, waaba eyo n'abafu ab'eira abaika e magombe. Ndikuta ghansi eyo waaba mutyamye w'eyo mu nsi ey'abafu, ghalala n'abo abaika eyo mu lwina, mu bifulukwafulukwa eby'ebyanda ebyabita. Olwo ghabulegho omuntu asenga mu iwe kabiri, waire iwe mwene okwirayo okubalirwa mu nsi ya balamu.

Ezekieli 32:21

Eyo mu nsi ey'abafu, abantu ab'amaani abaalwaniranga ku luuyi olw'Abamisiri abo, baliboogeraku bati, ‘Bona, abatatya Katonda abaitirwa mu lutalo baabo baise eno ghansi, era balambaire baasirika aghazira kwesegenhia naire!’