Isaia 13:7 - Baibuli Ekibono kya Katonda 2014

⁷ Emikono egya buli muntu girinafugha, abantu boonaboona emyoyo gyabatekemuka.

Isaia 13:7 ပူးပေါင်းရင်းမြစ်များ

Zabbuli 58:7

Leka babulegho ng'oti n'amaadhi agakuuluula; batyankirire babe ng'oti isubi baniale.

Okuvaayo 15:15

Ab'obuyinza ab'omu Edomu baatya inho; abafuzi ab'omu Moabu baatengera; abantu ab'omu Kanaani baazirika.

Isaia 19:1

Buno n'obukwenda obugema ku Misiri. Bona, Musengwa Katonda atyaime ku kire ekirumuka embiro, ali kukivuga ng'aja e Misiri. Ebisinzibwa ebitali Katonda eby'e Misiri bija kudhugumira mu maiso ge, n'Abamisiri emyoyo gija kubatekemuka.

Isaia 37:27

N'abaabirimu kye baava ni baweeramu irala amaani, ni batya einho era ni batabulwa, ni baba ng'oti n'eisubi erimera mu nimiro, era ng'oti n'ebisubi ebimera ghaigulu ku ndhu, ebiniala nga bikaali na kukula.

Isaia 51:20

Abantu bo baziriike bali agho beegolomoire mu maagaanana aga buli luguudo. Bali ng'oti mpongo egwire mu lutuula lw'omuyiizi. Musengwa Katonda abanoziiza n'obusungu bwe, Katonda oyo abakangaiviire n'amaani.

Yeremia 50:43

Kyabazinga w'ensi Babilonia aliwulira ebiri kwidha, n'emikono gyamuwaamu amaani; yaawulira obulumi ng'oti bwa mukazi ali kulumwa okuzaala.

Yeremia 51:30

Abalwani Abababilonia ab'amaani baleseeyo okulwana, baasigala bwa mu bifo byaibwe eby'okwewogomamu. Amaani gabawoiremu, baafuuka banafu inho. Emiryango egy'ekibuga abazigu bagimenhiegho, n'endhu dhoonadhoona baadhikunaaniaku omuliro.

Ezekieli 21:12

Iwe omuntu, lira amaziga era owowoole, kuba empiima eno eidhiriire bantu bange, n'abakulembeze boonaboona ab'omu Isiraeli. Baja kugheebwayo baitibwe ghalala n'abantu bange abandi boonaboona. Agho ni weekube ku bisambi weepampagule olw'okusoberwa.

Ezekieli 21:7

Bwebakubuuza bati, ‘Lwaki oli kusinda?’ Ng'obairamu oti, ‘Ndi kusinda olw'amawulire ge mpuliire, ag'ebyo ebiri kwidha. Bwe birituuka, boonaboona emyoyo giribatekemuka, emikono gyabalebera, ebikiryaivu byabadhugumira, era baazirika. Bona eno, ebyo bija kubaagho bituukirire.’ ” Musengwa Katonda atyo bw'akoba.

Ezekieli 7:17

Amakono gaibwe galibalebera, n'ebikiryaivu byaibwe byabadhugumira.

Nahumu 1:6

Bw'asungughala ghazira abaagho nga mulamu, era ghazira aghanga kugumira busungu bwe obuli ng'oti muliro. Obusungu bwe obwo bwe butumbuka, ni bwe luba olubaale lumenhekamenheka, lwesa ng'oti nkungu.

Nahumu 2:10

Nineve kizikiriire, kirekeibwa agho kityo, era kiwolongeire. Abantu emyoyo gyabawaamu ira, amagulu gabadhugumira budhugumire, mu mikono muzira maani, n'ensaya dhaabalekuka.

Nahumu 2:11

Ekibuga kino kyaba ki ekyalinga oti mpuku ya mpologoma, empologoma ento mwe dhaabanga enkulu n'edhireetera by'eyiize nga ghazira kidhitiisa?

Yoshua 2:11

Bwe twawulira ekintu ekyo twatya inho era twawaamu n'amaani olwaimwe, kuba twidhi nga Musengwa Katonda waimwe, ni Katonda ow'eigulu ghaigulu era ow'ensi ghansi.