Isaia 13:5 - Baibuli Ekibono kya Katonda 2014

⁵ Bava mu maghanga ag'eghala ere ensi y'ekanga. Musengwa Katonda ali kwidha n'obusungu okuzikiriza ensi yoonayoona.

Isaia 13:5 ပူးပေါင်းရင်းမြစ်များ

2 Samueli 1:27

Abantu ab'amaani bagwire inho, n'eby'okulwanisa baabirekulira bw'agho.”

Isaia 10:5

Musengwa Katonda yaakoba ati: “Assiria, n'omwigo gwe ngema nga nsungughaire, gwe nkozesa okubonereza abo be ndiku n'ekiruyi.

Isaia 13:17

Musengwa Katonda akoba ati: “Bona, nja kubaghendulira Abamedi abatafa ku feeza waire okusendebwasendebwa ni zaabu, baidhe babalumbe babalwanise.

Isaia 24:1

Bona, Musengwa Katonda alyonoonayonoona ensi eno yaagireka ng'eri bw'agho etyo aligifunhafunha yaaleetera abagibaamu okusansaana.

Isaia 26:20

Mwidhe imwe abantu bange, mwingire mu ndhu dhaimwe, mweigalize mwegise omwo okumala akaseera, okutuusa obusungu bwa Katonda lwe buliwaagho.

Isaia 30:27

Bona ere, obuyinza n'ekitiisa kya Musengwa Katonda biri kwidha, waire nga bikaali ghalaku. Omwosi ghalala n'omuliro, byoleka obusungu bwe obubitirivu. Bw'ayogera, ebyo by'ayogeire byokya ng'oti bwa muliro gwene oguzikiriza.

Isaia 34:2

Musengwa Katonda asungughaliire amaghanga goonagoona, yaasungughalira n'amagye gaago goonagoona, era yaagaghaayo y'abazigu bagazikirize goonagoona.

Isaia 48:14

Mwidhe mwenamwena mwesolokeze ghalala, muwulire. Naani ku bakatonda boonaboona eyaali alanzeeku ati nze nonze omuntu ye nhenda, aja okulumba Babiloni asobole okukikolaku nga nze bwe nhenda?

Isaia 5:26

Musengwa Katonda alikola akamanhiso okweta abamaghanga agali eghala. Alibafuuyira endeka baava ensi y'ekoma, baidha amangu geene ago nga balumuka embiro.

Isaia 66:14

Ekyo mulikibona mwasagamba mu myoyo ni mu mibiri, mwairamu obulamu n'amaani. Era kirimanhikana nga nze Musengwa Katonda nhamba abagheereza bange abampulira, aye naasungughalira abazigu bange.”

Isaia 7:18

“Olunaku olwo bwe lulituuka, Musengwa Katonda alifuuwa endeka okweta Abamisiri baidhe ng'oti nsowera, nga baviira ku mwiga gw'e Misiri. Era alyeta n'Abassiria baidhe ng'oti ndhuki, nga baviira mu nsi yaibwe.

Yeremia 50:25

Ndhigwiregho eiterekero ery'eby'okulwanisa byange, era naabifulumya nga nsungughaire inho kuba nze Musengwa Katonda Afuga Amagye ndi ni kye nja okubikozesa mu nsi eyo ey'Abakaladea.

Yeremia 50:3

“Eighanga liviire ku luuyi olw'omukono omugooda olw'e buvandhuba, lyalumba ensi Babilonia era lija kugireetera okufuuka eirungu. Abantu n'ensolo baja kugirumukamu, ghabulegho omuntu agibaamu waire omulala ati.”

Yeremia 50:9

Ndi kuja kusiikuula amaghanga ag'amaani agali ku luuyi olw'omukono omugooda olw'e buvandhuba, ngaleetere okulumba ensi Babilonia. Balisimba enhiriri baalumba ensi eyo, baagighangula. Abantu abo bakugu mu kulasa obulaso, era mu kuteeba tibasubwa naire.

Yeremia 51:11

Musengwa Katonda asiikwire enzigu mu bakyabazinga ab'e Media, baidhe balumbe Babilonia, kuba ayenda kugizikiriza. Olwo agyesasulizeeku olw'okuzikiriza eisinzizo lye. Agho abaduumizi b'eigye einunuzi, baalagira bati: “Mughagale obusaale bwaimwe! Mugeme engabo dhaimwe!

Yeremia 8:19

Wulira, abantu bange bali kulira woonawoona mu ighanga, bati: “Musengwa Katonda takaaba mu Sioni? Oyo Kyabazinga ow'ensi eno takaabaamu?” Aye Musengwa Katonda yaabairamu ati: “Lwaki mwansoononkereza ni mundeetera okusungughala, nga musinza ebifaananie ebibaadhe, ni musinza ebintu ebitali Katonda?”

Ezekieli 22:31

Kale ndibamaliraku obusungu bwange, naabazikiriza n'omuliro gw'ekiruyi ekindiku, naabeesasuulizaaku olw'ebyo bye baakola. Nze Musengwa Katonda ninze nkobye.”

Matayo 24:31

Eigwala ery'amaani bwe lirifuuwa, alituma bamalaika be baasoloza abalonde be okuva mu mpewo eina, okuva eigulu ye liva okutuusa ye likoma.