Isaia 13:20 - Baibuli Ekibono kya Katonda 2014

²⁰ Tikiriiramu kabiri kubaamu bantu. Tighalibaagho Muwarabu asimbayo weema, waire okubaagho omwayi ayayirayo ebyayo bye.

Isaia 13:20 ပူးပေါင်းရင်းမြစ်များ

2 Ebyomubyanda 17:11

Abandi ku Bafilisiti baaleetera Yehoshafati ebirabo era baamugha ni feeza ng'omusolo. Abawarabu boona baamugha entaama enume kasanvu na lusanvu (7,700), n'embuzi enume dhoona kasanvu na lusanvu (7,700).

Yobu 3:7

Bwenebwene obwire obwo, bulobe kwirayo kubaamu mukazi wundi abutooleramu nda bulobe kuwulirwamu muzira naire.

Olwembo 1:7

Iwe omwoyo gwange ye gugonza, nkobera y'oyayira ebyayo byo, ni ye birambaala okuwuumulaku mu kasana ghagati. Lwaki mba ng'oti n'omuntu ali kutambulatambula eyo atyo, nga ndi kukunooneza mu byayo bya baayi baino?

Isaia 14:23

Ndikifuula ekifo ekibaamu obw'ebiwigulu n'ebidiba by'amaadhi, era ndikyeya n'olweyo oluzikiriza. Nze Musengwa Katonda Afuga Amagye ntyo bwe nkobye.”

Isaia 21:1

Buno n'obukwenda obugema ku Babiloni. Ng'empewo eyeezungulula n'amaani bw'eidha ng'ebitira mu kiketezo ekikalukalu eky'oku luuyi olw'omukono omusaadha olw'e buvandhuba, n'akabi katyo bwe kaliidha nga kava mu nsi etiisa.

Isaia 25:2

Ebibuga obireeteire okufuuka emungo dh'ebimunku, waazikiriza ebifo byamu eby'okwewogomamu. Ebisaagaati eby'abazigu baife eby'obwakyabazinga tibikaaligho, era tibiriiramu kuzimbwa kabiri.

Isaia 34:17

Musengwa Katonda n'alibigabaniamu ensi eyo, yaabisimbira n'ebiroowa ku bitundu byabyo. Ensi eyo eriba yaabyo ense n'ense, era birigibangamu ebyanda n'ebyanda.

Yeremia 49:33

Hazori kija kufuulibwa irungu ebyanda n'ebyanda, era kibe ekifo omuba obw'ebibe. Abantu tibaliiramu kusengayo. Tighaliba muntu alibangayo kabiri. Nze Musengwa Katonda, ninze nkobye.”

Yeremia 50:13

Olw'obusungu bwange, ezira muntu aliirayo kubanga mu nsi Babilonia, erisigala agho etyo ng'eri bifulukwa byereere. Abantu boonaboona abaligibitangamu baligyezindukanga era baatya einho olw'okuzikirizibwa kwayo.

Yeremia 50:21

Musengwa Katonda akoba abazigu ati: “Muje mulumbe abantu ab'e Merathaimu n'ab'e Pekoda, mu baite mubazikirize. Mukole byonabyona bye mbalagiire. Nze Musengwa Katonda, ninze nkobye.

Yeremia 50:3

“Eighanga liviire ku luuyi olw'omukono omugooda olw'e buvandhuba, lyalumba ensi Babilonia era lija kugireetera okufuuka eirungu. Abantu n'ensolo baja kugirumukamu, ghabulegho omuntu agibaamu waire omulala ati.”

Yeremia 50:39

“Kale ni ekibuga Babiloni kiribangamu bisolo bya mu irungu, na mpiti, na nhonhi dhitali nongoofu. Tikiriirayo kabiri kubaamu bantu mu biseera byakyo byonabyona eby'omu maiso.

Yeremia 50:45

Kale ni muwulire kye ntegeike okukola ku kibuga Babiloni, akabi ke neesoomeire okutuusa ku bantu baakyo. Ni bwe baba abaana baibwe, abazigu balibakwekwebya baabatwala, era abantu boonaboona balitya inho.

Yeremia 51:25

Iwe Babilonia, oli ng'oti lusozi oluzikiriza ensi yoonayoona. Aye nze Musengwa Katonda mwene ndikukolaku. Ndigolola omukono gwange naakumaniangulamaniangula, naakuleka ng'oli bwa ivu, ng'oti n'olusozi lwe bookiikya omuliro.

Yeremia 51:29

Ensi eri kudhugumira era yaatengeeta, kuba Musengwa Katonda aja kutuukiriza entegeka ye ey'okufuula Babilonia eirungu omutaba bantu.

Yeremia 51:37

Ensi eyo erifuuka bwa mmungo dha bifunfugu, era yaafuuka ekifo ekitiisa einho omuba obw'ebibe, nga ghazira muntu akibaamu.

Yeremia 51:43

Ebibuga byakyo bifuuse bifo ebitiisa einho. Biri ng'oti irungu omuzira maadhi, era omuzira bantu babibaamu waire ababibitamu obubite.