Isaia 13:18 - Baibuli Ekibono kya Katonda 2014

¹⁸ Balikozesa obulaso bwaibwe okutirimbula abaisuka, aghazira kusaasira baana bato, waire okusonigha abaana abaghere.

Isaia 13:18 ပူးပေါင်းရင်းမြစ်များ

2 Bakyabazinga 8:12

Hazaeli yaabuuza ati: “Musengwa Katonda wange, lwaki oli kulira?” Elisha yairamu ati: “Lwa kuba ndidhi ebiinoino by'olikola ku Baisiraeli. Olikuma omuliro ku bifo byaibwe eby'okwewogomamu, waita abaana baibwe abaakaisuka, era waabaagamu abakazi baibwe abali enda.”

2 Ebyomubyanda 36:17

Agho Musengwa Katonda yaaleeta kyabazinga w'e Babilonia okwidha okubalwanisa, yaitira abaana baibwe abaakaisuka ni mu isinzizo mwene, aghazira kusaasira muntu waire omulala k'abe mukulu oba muto, musaadha oba mukazi, mulamu oba mulwaire. Musengwa Katonda yaabaghaayo boonaboona mu ngalo edh'abazigu.

Zabbuli 127:3

Bona eno, abaana n'omugabo omuntu gw'afuna okuva ku Musengwa Katonda. Bw'ozaala, Musengwa Katonda aba akughaire bwa kirabo.

Isaia 13:16

Abaana baibwe abaghere balibakuba ghansi, baabamanhiangula okutuusa okufa, nga balingiriire bulingirire. Endhu dhaibwe balidhinhagululamu ebintu, ni bakazi baibwe baabagema baabakaka.”

Isaia 47:9

Aye ebyo byombi birikwidhira mu kaseera buseera era ku lunaku lulala luti, waafiirwa abaana era wafuuka namwandu. Era waire eirogo lyo n'okulagula kwo, by'okozesa tibirikuwonia naire.

Isaia 5:28

Obusaale bwaibwe bwogi, n'obulaso bwaibwe bwonabwona babudhuumwire. Ebinuulo by'embalaasi dhaibwe bibbalangafu ng'oti mabaale, n'enkede edh'ebigaali byaibwe eby'omu lutalo dhirumuka ng'oti n'empewo eyeezungulula n'amaani.

Yeremia 18:21

Wo Musengwa Katonda, kale ni leka abaana baibwe balambuke endhala bafe, obaleke bafiire mu ntalo. Abakazi baibwe ka babuleku abaana era babe banamwandu. Abasaadha ka bafe endwaire ya kawumpuli, abaisuka baitibwe mu ntalo.

Yeremia 5:16

Abantu b'omu ighanga eryo boonaboona balwani ba maani, era ebiruutu bye bataamu obusaale bwaibwe bitiisa ng'oti magombe masime.

Yeremia 50:30

Kale ni, ku lunaku olwo abazigu baliitira abaisuka b'omu kibuga ekyo mu nguudo dhaakyo, n'abaisirukale baakyo boonaboona baabazikiriza. Nze Musengwa Katonda, ninze nkobye.

Yeremia 50:42

Baligema obulaso n'empiima, nga bakambwe era nga tibasaasira naire. Empindo dhaibwe nga bali ku mbalaasi dhirivuuma ng'oti kuwolomboka kwa maadhi ga nhandha. Balyetegekera olutalo, okulwanisa imwe abantu b'omu Babiloni.

Yeremia 51:22

Nakukozesa okwita abasaadha n'abakazi, n'abakulu n'abato, n'abalenzi n'abaghala.

Yeremia 6:23

Bagemye obulaso n'amafumo, bakambwe era tibasaasira naire. Empindo dhaibwe nga bali ku mbalaasi dhivuuma ng'oti kuwolomboka kwa maadhi ga nhandha. Beetegekeire olutalo, okulwanisa imwe abantu b'omu Yerusalemu.”

Ezekieli 9:10

Aye tirisaasiraku naire omulala ati, oba okumugemerwa ekivunika. Ndibeesasuulizaaku olw'ebyo bye baakola.”

Danieli 7:5

Kabiri naja okulinga nti nga mbona ekisolo ekyokubiri ekikambwe. Kyali kisitwikeku oluuyi olundi aye ng'olundi luli ku itaka. Era nga kiri n'embavu isatu mukanwa dhe kigemereire n'amaino gaakyo. Baakikoba bati: “Situka olye emamba nhingi.”

Hosea 13:16

Ab'e Samaria balivunaanibwa omusango olw'okundheemera nze Katonda waibwe. Abazigu balibaitira mu ntalo, era abazigu abo balikuba abaana baibwe abaghere ku itaka, baabasekembula okutuusa okufa. N'abakazi baibwe abali enda balibasala amabunda baagaawuza.”

Nahumu 2:1

Imwe abantu ab'e Nineve, babalumbye. Oyo aja okumenhamenha ekibuga abatuuseeku! Mute abaisirukale ghaigulu ku kimante ekigumu ekyezungulwire ekibuga era mukuume enguudo edh'omu kibuga. Mwesibe mwenhwegule. Mwetegeke okulwana olutalo.

Nahumu 3:10

Aye waire kyali kityo, abantu b'omu kibuga ekyo Thebesi baabatwala mu bunhage. Abaana baamu abato baabakuba ghansi mu buli maagaanana gaakyo baabasekembula okutuusa okufa. Abantu baamu ab'ekitiisa baasibwa ku ndhegere era baakubwaku akalulu okusalagho abe abatwale.