Isaia 13:11 - Baibuli Ekibono kya Katonda 2014

¹¹ Musengwa Katonda akoba ati: “Ndisindika ekibamba ku nsi, naabonereza abantu olw'ebibi byaibwe. Ndiisa ghansi abo abeetwala okuba aba ghaigulu, naabonereza abo abeekuluntaza n'abakola ebikolwa eby'obukambwe.

Isaia 13:11 ပူးပေါင်းရင်းမြစ်များ

Yobu 40:12

Bwenebwene lingirira buli mwepansi omumale amaani. Otyankirire ababi agho gheene ghe bali.

Ensambo 11:31

Bona eno, oba nga abantu abatuufu mu nsi bagheebwa empeera ebagwaniire, memale ababi n'aboonooni baliroba batya okusasulwamu ekibajaamu?

Ensambo 8:13

Okutya Musengwa Katonda kitegeeza kukyagha kukola bibi. Nze nkyagha okwekuluntaza n'okwetwala ng'owa ghaigulu n'okukola ebibi, era n'okwogera eby'obuguya.

Isaia 11:4

Aye aidha kusalanga emisango gy'abaavu mu butuufu, era akolerenga abaziraku bwogereso ebyo bye bagwaniire okukolerwa. Aliragira bulagire, abantu mu nsi baabonerezebwa, era ababi baitibwa.

Isaia 14:21

Mukole mwite abaana ba kyabazinga oyo olw'ebibi bya badhaadha baibwe, balobe kusituka kutoola nsi efuuke yaibwe, na kugiidhuza yoonayoona bibuga.”

Isaia 14:5

Musengwa Katonda atoiregho abafuzi ob'omwoyo ogw'ekyoniyoni, yaatoolagho obufuzi bwaibwe,

Isaia 2:11

Olunaku lwidha kutuuka, okwekuluntaza okuli mu bantu kumalibwegho, n'okwegulumiza kwaibwe kusaanizibwegho. Ku olwo, Musengwa Katonda yenka n'aligulumizibwa.

Isaia 2:12

Kuba ghaligho olunaku, Musengwa Katonda oyo Afuga Amagye lw'aliikizaaku ghansi, abo abeekuluntaza ni beebona nga ba ghaigulu, n'abo abeekudumbaza ni beegulumiza.

Isaia 2:17

Okwekuluntaza okuli mu bantu kulimalibwagho, n'okwegulumiza kwaibwe kwasaanizibwagho. Ku olwo Musengwa Katonda yenka n'aligulumizibwa.

Isaia 22:14

Musengwa Katonda Afuga Amagye yankoba ati: “Bwenebwene ekibi ekyo tija kukibasonigha okutuusa lwe mulifa.” Musengwa Katonda oyo Afuga Amagye atyo bw'akoba.

Isaia 23:9

Musengwa Katonda Afuga Amagye n'eyaleetera ebyo okubaagho, asobole okumalagho okwekuluntaza kwaibwe, era aise ghansi abo abazira muntu wundi abasinga kuba na kitiibwa mu nsi.

Isaia 24:21

Ku lunaku olwo Musengwa Katonda alibonereza obuyinza bwonabwona obuli ghaigulu mu igulu, n'abafuzi abali ghansi ku nsi.

Isaia 25:3

Abantu b'omu maghanga ag'amaani baidha kukughanga ekitiisa; n'ebibuga by'amaghanga amakambwe biidha kukutyanga.

Isaia 25:5

era bwaba ng'oti n'olwota bwe lumamula mu nsi enkalu. Aye iwe Musengwa Katonda osiriisa abazigu baife, waakomya okwasiikana kw'abakambwe abo, ng'oti n'ekire bwekiwoleezaaku ku lwota lw'omu kasana ghagati.

Isaia 26:21

Musengwa Katonda wuuyo ali kuva mu igulu y'aba, ng'aidha okubonereza abantu ku nsi olw'ebibi byaibwe. Abantu abaatemulwa mu ngiso balimanhibwa mu lwatu. Eitaka liriba tirikaasobola kugisa abo abaitibwa.

Isaia 29:20

Abantu abakambwe balimalibwagho, abo abeekuluntaza baakomezebwa, n'abo boonaboona abanhumirwa okukola ebibi baazikirizibwa.

Isaia 29:5

“Aye iwe Yerusalemu, waire abazigu bo bali lukunkumuli, balifuumuulwa ng'oti nkungu, n'abalwani baibwe abakambwe olukunkumuli, baliba ng'oti bikaba empewo by'efuuwa ere. Ate amangu geene, mu kaseera buseera,

Isaia 3:11

Aye ababi bakagwireku! Ebyaibwe bibi, kuba byene bye baakolanga ku bandi, ni byene ebyo bye baidhanga boona okubakolaku.

Isaia 5:15

Buli muntu aliswazibwa, n'abo abeekuluntaza baliisibwa ghansi.

Isaia 65:7

olw'ebibi byaibwe ghalala n'ebya badhaadha baibwe kuba baaniokezanga obubbaani ku nsozi enene, era banvumiranga ku busozi obutono. Kale ni ndibabonereza, naabeesasuulizaaku nga njiira ku bye baakola. Nze Musengwa Katonda, ninze nkobye.”

Yeremia 48:29

Nawulira abantu b'e Moabu nga bwe beekuluntaza. Beekuluntaza inho, beetwala okuba aba ghaigulu, beedundeeza, beedunkumaza, era beebona inho bonka.

Danieli 4:34

Agho kyabazinga Nebukadinezzari yaakoba ati: “Ekiseera ekyo nga kiwoireku, nze Nebukadinezzari nalinga ghaigulu ku igulu, nairamu okutegeera obukalamu. Agho neebaza oyo Ali Ghaigulu Yeene, naamusaaka era naamugha ekitiisa, oyo omulamu ebyanda n'ebyanda. Kuba obwakyabazinga bwe bwa byanda na byanda, era obufuzi bwe bulibaagho ense n'ense.

Habakkuku 2:4

Buno ni, n'obukwenda bw'obe oghandiike, oti, ‘Abo boonaboona abatali beesimbu, ba kufa. Aye abo abatuufu baidha kuba balamu olw'obwesige bwaibwe ye ndi.’ ”