Isaia 13:1 - Baibuli Ekibono kya Katonda 2014

¹ Buno n'obukwenda obugema ku Babiloni, Isaia mutabane wa Amozi bwe yafuna mu kubonekerwa.

Isaia 13:1 ပူးပေါင်းရင်းမြစ်များ

2 Bakyabazinga 9:25

Yehu yaakoba omugheereza we Bidikari ati: “Mubbeede, omusuule mu kibandha ekyali ekya Nabothi Omuyezireeli, kuba oidhukira bukalamu nga iwe ninze bwe twali ku mbalaasi twembi nga tuli kunonereza lata we Ahabu, Musengwa Katonda yayogera ebibono bino ebikolimira Ahabu, ati,

Isaia 1:1

Buno n'obukwenda obugema ku Buyudaaya ni Yerusalemu, Katonda bwe yagha Isaia mutabane wa Amozi mu kubonekerwa. Yabumugha mu kiseera eky'obufuzi bwa bakyabazinga ba Buyudaaya bano: Uzzia, ni Yothamu, ni Ahazi, ni Hezekia. Musengwa Katonda yaakoba ati:

Isaia 13:19

Waire obwakyabazinga bwa Babilonia n'obusingamu okuba obw'ekitiisa era obweyagaza inho abantu baayo, nze Musengwa Katonda ndibuzikiriza ng'oti ni bwe nazikiriza Sodoma ni Gomorra.

Isaia 14:28

Buno n'obukwenda obwalangibwa mu mwaka kyabazinga Ahazi gwe yafiiramu.

Isaia 15:1

Buno n'obukwenda obugema ku Moabu. Ebibuga Ari ni Kiri ebya Moabu babizikiriiza mu bwire bulala buti byafuuka bifunfugu, era ensi Moabu yaawolongera.

Isaia 17:1

Buno n'obukwenda obugema ku Damasiko. Musengwa Katonda akoba ati: “Bona, Damasiko kija kulekera agho okuba ekibuga, kifuuke bwa mmungo dha bifunfugu.

Isaia 19:1

Buno n'obukwenda obugema ku Misiri. Bona, Musengwa Katonda atyaime ku kire ekirumuka embiro, ali kukivuga ng'aja e Misiri. Ebisinzibwa ebitali Katonda eby'e Misiri bija kudhugumira mu maiso ge, n'Abamisiri emyoyo gija kubatekemuka.

Isaia 20:2

Mu kiseera kyene ekyo Musengwa Katonda yaakoba Isaia mutabane wa Amozi ati: “Ja otoolemu ekutiya y'ovaire, otoolemu n'engaito mu bigere.” Isaia yaakola atyo, yaatambula ng'ali madu era ng'azira ngaito mu bigere.

Isaia 21:13

Buno n'obukwenda obugema ku Buwarabu: Imwe abatambuze Abadedani mwidha kusulanga mu bisaka mu Buwarabu,

Isaia 22:1

Buno n'obukwenda obugema ku kyetebwa Ekiiko eky'Okubonekerwa. Kiki ekibatuuseeku ekibaniiniisa mwenamwena, ni muja ghaigulu ku busolya bw'endhu?

Isaia 22:25

Musengwa Katonda Afuga Amagye akoba ati: “Olunaku olwo bwerulituuka, enkondo ye baali bakomereire mu kifo kyayo n'eguma, erisimbukayo yaagwa. Era eyo n'eriba enkomerero y'ebyo byonabyona ebigighanikiibwaku.” Musengwa Katonda n'ayogeire.

Isaia 43:14

Musengwa Katonda Omununuzi waimwe era Omutukuvu wa Isiraeli akoba ati: “Olw'okwenda okubawonia ndisindika eigye okulumba Babiloni. Ndimenha eminhololo egisiba endhigi dh'ekibuga, era okwasiikana kw'abantu baayo okubaire okw'amasanhu, ndikufuulamu kulira maziga.

Yeremia 24:1

Agho Musengwa Katonda yandeetera okubonekerwa ebiibo bibiri nga birimu emitiini, nga biri agho emberi w'eisinzizo lye. Ekyo kyaligho nga Nebukadinezzari kyabazinga w'e Babilonia amaze okutoola e Yerusalemu kyabazinga Yekonia mutabane wa Yehoiakimu, yaamutwala e Babilonia mu bunhage ghalala n'abakungu b'omu Buyudaaya, n'abagheesi, n'abakugu mu mirimo egy'endhawulo.

Yeremia 28:8

Abalanzi abaayogera eira, nga iwe ninze tukaali, baakoba entalo, n'endhala, n'endwaire ya kawumpuli, ebyali eby'okwidha biite abantu mu maghanga kamaala ni mu bwakyabazinga obw'amaani.

Yeremia 50:1

Buno n'obukwenda Musengwa Katonda bwe yampa obugema ku kibuga Babiloni n'abantu baamu:

Yeremia 51:51

Imwe mukoba muti, ‘Baatuvuma era baatuswazaswaza inho. Ensoni dhaatugema ira, kuba abagwira bangira baatwala ebifo ebitukuvu eby'omu isinzizo.’

Ezekieli 12:10

Bakobe oti nze Musengwa Katonda ndi kubakoba nti obukwenda buno bugema ku mufuzi ali mu Yerusalemu, ni ku Baisiraeli boonaboona abali mu kibuga ekyo.

Danieli 5:28

‘OKUGABANIA,’ obwakyabazinga bwo abugabainiamu ghabiri, yaabugha Abamedi n'Abaperusi.”

Danieli 5:6

Agho kyabazinga amaiso gaamumyuka, yaatya inho, amagulu gaamudhugumira, n'ebikiryaivu byakontagana.

Nahumu 1:1

Buno n'obukwenda obwava ye Katonda nga bugema ku kibuga Nineve. Nahumu ow'oku kyalo Elikoshi yafuna okwolekebwa, era bye yabona mu kwolekebwa ni bino ebyaghandiikibwa mu kitabo kino.

Habakkuku 1:1

Buno n'obukwenda bwa Katonda omulanzi Habakkuku bwe yafuna mu kwolekebwa.

Zekaria 12:1

Buno n'obukwenda bwa Musengwa Katonda obugema ku Isiraeli. Musengwa Katonda oyo n'eyabambagho eigulu, yaatonda n'ensi, era yaagha abantu obulamu. Era akoba ati:

Zekaria 9:1

Buno n'obukwenda bwa Musengwa Katonda: Musengwa Katonda asazeegho okubonereza ensi Haduraki n'ekibuga ky'e Damasiko. Era ekibuga kya Siria ekikulu kya Musengwa Katonda oyo, n'ebika byonabyona eby'omu Isiraeli byona bibye.

Malaki 1:1

Buno n'obukwenda Musengwa Katonda bwe yagha Malaki okutwalira Abaisiraeli.

Matayo 1:11

Yosia yazaala Yekonia ni baganda be, mu byanda eby'okuwangangusibwa okw'e Babiloni.

Okwolekebwa 14:8

“Ni malaika owundi owokubiri yairaku ng'akoba ati: Agwire, agwire Babiloni omukologho, eyanhwesa amaghanga goonagoona omwenge ogw'obutwa ogw'obwenzi bwe!”