Isaia 12:4 - Baibuli Ekibono kya Katonda 2014

⁴ Ku lunaku olwo mulikoba muti: “Musiime Musengwa Katonda, mumusaake. Mumanhise amaghanga goonagoona by'akola, mubakobere nga bw'ali omukologho.

Isaia 12:4 ပူးပေါင်းရင်းမြစ်များ

1 Ebyomubyanda 16:8

Mwenamwena musiime Musengwa Katonda, musaake eriina lye, mumanhise amaghanga agandi ebyo bye yakola.

1 Ebyomubyanda 29:11

Wo Musengwa Katonda, niiwe omukologho, ow'obuyinza, ow'ekitiisa, omughanguzi era omufuzi kuba byonabyona ebiri mu igulu n'ebiri mu nsi, bibyo iwe Musengwa Katonda. Niiwe kyabazinga ali ghaigulu gh'ebintu byonabyona.

Nehemia 9:5

Agho Abalevi bano: Yeshua, Kadimieli, Bani, Hashabuneia, Hodia, Shebania, ni Pethahia, baakoba abantu bati: “Mwemerere musaake Musengwa Katonda waimwe; mumusaakenga ebyanda n'ebyanda. Eriina lye ery'ekitiisa lisaakibwenga, eriswikiriire okusaaka okw'abantu kwonakwona.”

Zabbuli 105:1

Mwenamwena musiime Musengwa Katonda, musaake eriina lye; mumanhise amaghanga agandi ebyo bye yakola.

Zabbuli 107:22

Era bagwainenga bagheeyo emisengo olw'okumwebaza, bembenga n'enhembo edh'eisanhu edhoogera ku by'abakolera.

Zabbuli 113:5

Naani ali ng'oti ni Musengwa Katonda waife, oyo aba eyo ghaigulu yeene,

Zabbuli 148:13

Boonaboona ka basaake eriina lya Musengwa Katonda, kuba eriina lye n'erisinga agandi goonagoona obukologho; ekitiisa kye kiri ghaigulu okusinga ensi n'eigulu.

Zabbuli 18:46

Musengwa Katonda mulamu! Oyo n'olubaale mwe neewogoma, agwaine asaakibwenga; Katonda oyo n'obulokozi bwange, agulumizibwenga!

Zabbuli 21:13

Wo Musengwa Katonda, ogulumizibwenga buliidho olw'amaani go. Ife tunaayembanga era twakusaakanga olw'obukumu bwo.

Zabbuli 22:31

era balikobera abo abaja okuzaalibwa, nga Musengwa Katonda bw'awonia abantu be.

Zabbuli 34:3

Muneeyimbeku twatule nga Musengwa Katonda bw'ali omukulu, era tusaakire ghalala eriina lye.

Zabbuli 40:5

Wo Musengwa Katonda waife, otukoleire ebintu kamaala ebyewuninkiriza, era ezira akutuukaku mu ngeri y'otuyiiyizaamu. Ni bwengezaaku okubyogeraku n'okubibala, biri kamaala tibibalika.

Zabbuli 46:10

Era alagira ati: “Mulekere agho! Mumanhe nga ninze Katonda. Nsinzibwa amaghanga goonagoona, era nsinzibwa ebiri ku nsi byonabyona.”

Zabbuli 57:5

Wo Katonda wange, yoleka obukulu bwo bubonebwe ghaigulu okusinga eigulu, era n'ekitiisa kyo kimaamire ensi yoonayoona.

Zabbuli 68:5

Oyo ni Katonda aba mu kifo kye ekitukuvu, ni lata w'abo abazira balata baibwe era n'akuuma banamwandu.

Zabbuli 73:28

Aye nze nkibona nga kikalamu inho okuba ni Katonda, era nasalagho Musengwa Katonda abe omukuumi wange, olwo nkoberenga abantu byonabyona by'akola.

Zabbuli 9:11

Mwembe enhembo edhisaaka Musengwa Katonda atyama mu Sioni; mukobere abamaghanga goonagoona ebyo by'akola.

Zabbuli 96:3

Mumanhise ensi dhoonadhoona nga bw'ali ow'ekitiisa, abantu boonaboona bamanhe nga bw'akola eby'amaani.

Zabbuli 97:9

Wo Musengwa Katonda, niiwe oli ghaigulu yeene, ofuga ebintu byonabyona eby'oku nsi; oli mukologho okusinga bakatonda ab'amaghanga agandi boonaboona.

Okuvaayo 15:2

Bwemba ni Musengwa Katonda nfuna amaani n'okwemba naayemba; Musengwa Katonda oyo amponia abazigu. Oyo ni Katonda wange era ndidha kumusaakanga. Oyo ni Katonda wa lata wange era mmugulumiza.

Okuvaayo 33:19

Musengwa Katonda yaamwiramu ati: “Ndidha kubisa obulungi bwange bwonabwona mu maiso go, era ndhatule eriina lyange nze Musengwa Katonda ng'owulira. Ndidha kugemerwa ekivunika oyo ye nhenda okugemerwa ekivunika, era nsaasire oyo ye nhenda okusaasira.

Isaia 12:1

Olunaku olwo bwerulituuka, abantu balyemba bati: “Wo Musengwa Katonda, nze ndidha kukusiimanga. Waire nga wali onsungughaliire, obusungu bwo bwamala bwawaagho, wangumya.

Isaia 2:11

Olunaku lwidha kutuuka, okwekuluntaza okuli mu bantu kumalibwegho, n'okwegulumiza kwaibwe kusaanizibwegho. Ku olwo, Musengwa Katonda yenka n'aligulumizibwa.

Isaia 2:17

Okwekuluntaza okuli mu bantu kulimalibwagho, n'okwegulumiza kwaibwe kwasaanizibwagho. Ku olwo Musengwa Katonda yenka n'aligulumizibwa.

Isaia 24:15

Abo abaliba ku luuyi olw'e buvandhuba boona balimusaaka; n'abo abaliba mu biketezo eby'oku nhandha baamusaaka, oyo Musengwa Katonda, Katonda wa Isiraeli.

Isaia 25:1

Wo Musengwa Katonda wange, ndidha kukugulumizanga era nsaakenga eriina lyo. Kuba okoze ebyewuninkiriza, waatuukiriza n'obwesigwa n'amazima ebyo bye wategeka okukola okuva eira.

Isaia 26:8

Wo Musengwa Katonda, ife tujiira ku ebyo by'oyenda, era titwerabira liina lyo; kuba mu eryo mwe tufunira bye twegomba.

Isaia 33:5

Musengwa Katonda mukologho, kuba n'afuga ebintu byonabyona. Aliidhuza mu Sioni amazima n'obutuufu,

Isaia 42:12

Abo abali mu biketezo eby'oku nhandha leka basaake Musengwa Katonda, era bamuteemu ekitiisa.

Isaia 48:20

Muve mu Babiloni, mulumuke muje! Mulangirire amawulire gano buli ghantu nga mukuba emizira, mugasansaanie gatuuke eyo yoonayoona ensi y'ekanga. Mukobe muti: “Musengwa Katonda anunwire omugheereza we Yakobo.”

Isaia 66:19

era naakola akamanhiso nga babona. Abo abaliwonagho ku abo, ndibatuma mu maghanga ni mu biketezo eby'oku nhandha eby'eghala ye batampulirangaku, waire okubona ku kitiisa kyange. Balija baalangirira ekitiisa kyange mu maghanga: e Tarushishi, e Puti, e Ludi eri abakugu mu kulasa obusaale, e Tubali, n'e Yavani.

Yeremia 50:2

“Langirira amawulire gano ogakobere amaghanga! Ghanika bendera osansaanie amawulire gano! Otagakweka ng'oti kyama! Aye koba bukobe oti, ‘Babiloni bakigemye! Omusambwa gwakyo Merodaki baguswaziiza, baaguleetera okutya einho. Ebifaananie by'ekibuga ekyo baabimenhiemenhie, n'ebisinzibwa byakyo ebitali Katonda baabizikiriza!’

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Yoanne 17:26

Nabamanhisa eriina lyo era ndidha kwongera okulimanhisa, okugonza kw'ongonza kubabeemu era zeena mbabeemu.”