Isaia 12:3 - Baibuli Ekibono kya Katonda 2014

³ Ng'amaadhi amalungi bwe gasanhusa abali endiwo, n'abantu ba Katonda batyo bwe basagamba nga Katonda abalokoire.”

Isaia 12:3 ပူးပေါင်းရင်းမြစ်များ

Zabbuli 36:9

Kuba niiwe oli n'ensulo ey'obulamu, era mu butangaavu bwo mwe tubonera obutangaavu bwene.

Zabbuli 87:7

Abembi n'abakini bakoba bati: “Mu Sioni n'omuva enkabi dhaife dhoonadhoona.”

Olwembo 2:3

Ng'omuti ogw'ebibala bwe guba n'omuganhulo okusinga emiti egindi egy'omu kibira, n'omugonzi wange atyo bw'abasinga basaadha baine. Nnhumirwa okutyama mu kinsense eky'omuti ogwo, era ebibala byagwo bimpoomera inho.

Isaia 41:18

Ndireetera emiiga okukuuluula nga giva ghaigulu ku nsozi edhiziraku kantu, naataagho enhindo edh'ensulo dh'amaadhi mu biiko. Ndifuula eirungu lyaba kidiba kya maadhi, n'eitaka eikalu lyabaamu ensulo edh'amaadhi agakuuluula.

Isaia 49:10

Endhala teribalumanga waire endiwo okubagemanga. Empewo ebabula teribafuuwanga waire omusana okubookyanga; kuba oyo abagemerwa ekivunika alibakulembera, yaabatuusa ku nsulo dh'amaadhi.

Yeremia 2:13

Kuba abantu bange bakoze ebintu ebibi bibiri: banvaaku nze, ali ng'oti n'ensulo ey'amaadhi ag'obulamu, beesimira ebidiba ebiwomofuwomofu, ebitasobola kukuuma maadhi.

Ezekieli 47:9

Amaadhi ago ag'omu mwiga ogwo, buli ye galikuuluulira eribaayo ebitonde ebiramu kamaala, yaabaayo ebyenhandha kamaala, era buli kintu ekiriba eyo kirifuna obulamu kuba galirongoosa amaadhi ag'omu nhandha gaafuuka malungi.

Zekaria 13:1

Musengwa Katonda Afuga Amagye akoba ati: “Ekiseera ekyo bwe kirituuka, ensulo eriigulwagho olw'okunaaza ebibi n'obwonoonefu ku baidhukulu ba Daudi n'abantu b'omu Yerusalemu, basobole okwetukuza.

Yoanne 1:16

Olw'ekisa kye ekitawa, twenatwena atugha emikisa gye emikuzi kamaala.

Okwolekebwa 22:1

Agho malaika yandholeka omwiga ogw'amaadhi ag'obulamu agabitamu amaiso, oguva mu kityamo kya Katonda n'eky'Entaama Ento.

Okwolekebwa 22:17

Mwoyo n'Omugole bakoba bati: “Idha!” N'oyo awulira bino akoba ati: “Idha!” Kiisi ali ndiwo aidhe, era kiisi ayenda maadhi ga bulamu, agafune aghazira kusasula.

Okwolekebwa 7:17

Entaama Ento eri ghagati gh'ekityamo ky'obwakyabazinga, enaabalabiriranga ng'omwayi, yaabakulemberamu, okubatuusa ku nsulo edh'amaadhi ag'obulamu. Era Katonda alyeya buli iziga mu maiso gaibwe.”

1 Samueli 2:1

Hanna yaasaba ng'akoba ati: “Ndi kusagamba olwa Musengwa Katonda ky'ankoleire, Musengwa Katonda andhiziizaamu amaani. Nsekerera abazigu bange, naasagamba kuba iwe Musengwa Katonda omponiiza.