Isaia 11:5 - Baibuli Ekibono kya Katonda 2014

⁵ Aidha kufuganga mu butuufu ni mu bwesigwa.

Isaia 11:5 ပူးပေါင်းရင်းမြစ်များ

Zabbuli 109:19

Leka abivaale nga tibimuvaaku ng'oti kivaalo, era abyesibe mu nkende ng'oti lusibiro.

Zabbuli 45:4

Iwe kyabazinga, ja mu lutalo obe mughanguzi ng'olwanirira amazima n'obutuufu. Amaani go ka gakole ebyewuunhisa!

Zabbuli 89:9

Niiwe ofuga okwefuukuula okw'enhandha, era bwe yeefuukuula ogiragira yaalaala.

Zabbuli 93:1

Musengwa Katonda ni Kyabazinga ali n'ekitiisa n'amaani. Ensi kyeva n'eba engumu mu kifo kyayo, ni ghabula ekisobola okugiseseetula.

Isaia 25:1

Wo Musengwa Katonda wange, ndidha kukugulumizanga era nsaakenga eriina lyo. Kuba okoze ebyewuninkiriza, waatuukiriza n'obwesigwa n'amazima ebyo bye wategeka okukola okuva eira.

Isaia 32:1

Bona, ekiseera kiri kwidha ghabeegho kyabazinga alifugira ku butuufu, ghabeegho n'abakulembeze abalikolera ku mazima.

Isaia 59:17

Alivaala obutuufu ng'ekivaalo eky'omu kifuba eky'ekyuma, yaavaala obulokozi ku mutwe gwe ng'enkuufiira ey'ekyuma. Era okwesasuuliza ku bazigu be kulimubaaku ng'oti kivaalo kya munda, n'obusungu bwamubaaku ng'oti kivaalo kya ku ngulu.

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Hosea 2:20

Ndiba mwesigwa y'oli, era olwo olimanha nga ninze Musengwa Katonda.

Zekaria 8:16

Bino bye mugwaine okukolanga: buli muntu akobere mwine amazima. Musalenga mu mazima mu mbuga dhaimwe edh'amateeka, mu nsambo ereetagho emiraala.

2 Ab'e Korintho 6:7

Twogera amazima n'amaani ga Katonda, era twakozesa obutuufu ng'eky'okulwanisa kyaife mu kulumba ni mu kwetaasa.

Ab'Efeso 6:14

Mwemerere nga muli bagumu, ng'amazima n'olusibiro lwe mwesibye mu nkende, ate obutuufu nga n'ekivaalo eky'omu kifuba eky'ekyuma.

Abaheburayi 2:17

Mbeeni kye kyava kimugwanira okuba nga baganda be mu byonabyona, memale asobole okugheereza Katonda ng'Omukulu wa Bakabona, ow'ekisa era omwesigwa, asoniyise abantu ebibi byaibwe.

1 Petero 4:1

Nga Kurisito bwe yadaazibwadaazibwa mu mubiri, mwena mwekuume n'ekyo mu myoyo gyaimwe mubenga beetegefu okudaazibwadaazibwa, kuba kiisi adaazibwadaazibwa mu mubiri aba takaafugibwa kibi.

1 Yoanne 1:9

Aye bwe twatula ebibi byaife, oyo omwesigwa era ow'amazima atusonigha ebibi byaife era yaatunaazaaku byonabyona ebitali bituufu.

Okwolekebwa 1:13

Ghagati mu bikondo ebyo, nabonamu afaanana ng'oti mwana wa muntu ng'avaire ekivaalo ekituuka ku bigere, era nga yeesibye mu kifuba olusibiro olwa zaabu.

Okwolekebwa 3:14

“Ghandiikira malaika w'Ekikunsu eky'Abaikiriza mu Kurisito eky'e Laodikea, oti: Oyo oyetebwa Amiina, omudhulirwa omwesigwa, ow'amazima, era ensimuko y'ebyo Katonda bye yatonda, akoba ati: