Isaia 11:4 - Baibuli Ekibono kya Katonda 2014

⁴ Aye aidha kusalanga emisango gy'abaavu mu butuufu, era akolerenga abaziraku bwogereso ebyo bye bagwaniire okukolerwa. Aliragira bulagire, abantu mu nsi baabonerezebwa, era ababi baitibwa.

Isaia 11:4 ပူးပေါင်းရင်းမြစ်များ

2 Samueli 8:15

Kale atyo Daudi yaafuga Isiraeli yoonayoona, yaakoleranga abantu be ebintu mu butuufu ni mu mazima.

Yobu 15:30

Era taja kuva mu nzikiiza. Aliba ng'oti n'ensaga dh'omuti edhibabwirwa omuliro, era nga n'ebimuli byagwo bitwaliibwa empewo.

Yobu 4:9

Katonda abafuuwa omuuka ogw'obusungu bwe oguli ng'oti kiwunga, yaabazikiriza.

Zabbuli 110:2

Musengwa Katonda era abunisa obufuzi bwo woonawoona ng'aviira mu Sioni. Fuga abazigu bo abakwezungulwire.

Zabbuli 18:8

Omwosi gwamuva mu nhindo, ate enimi edh'omuliro n'amanda agaaka, byamuva mu kanwa.

Zabbuli 2:9

Amaghanga ago oligamenhamenha n'omwigo ogw'ekyuma, era waagamaniangula ng'oti ntamu ya muwumbi.’ ”

Zabbuli 76:10

Iwe oleetera obusungu obw'abantu okukusaaka obusaake, abo abaliwonagho mu ntalo balikusinza ku nnaku dho edh'ebibinuko.

Isaia 1:17

mwege okukolanga ebirungi. Mufubenga okukola mu butuufu, mulekezenga agho abantu okutuntuza banaibwe, mulwanirirenga bamulekwa era muwolerezenga banamwandu.”

Isaia 13:11

Musengwa Katonda akoba ati: “Ndisindika ekibamba ku nsi, naabonereza abantu olw'ebibi byaibwe. Ndiisa ghansi abo abeetwala okuba aba ghaigulu, naabonereza abo abeekuluntaza n'abakola ebikolwa eby'obukambwe.

Isaia 14:30

Musengwa Katonda aligha abaana ababeri ab'abanaku einho eky'okulya, n'abali mu bwetaavu baliba mu miraala. Aye imwe Abafilisiti Musengwa Katonda alibaisa endhala, n'abo abaliba bawoniegho boona alibaita n'obukambwe.

Isaia 16:5

Olwo omuntu ow'oku lulyo lwa Daudi, alityama ku kityamo eky'obwakyabazinga, yaafuga abantu n'ekisa ng'abagonza obutalekera era nga tasaliriza. Aliba mwangu mu kukola ebituufu ng'akolera ku mazima.”

Isaia 2:4

Musengwa Katonda aliramula amaghanga, yaasalira abantu kamaala emisango gyaibwe. Edhibaire empiima dhaibwe edh'okulwanisa balidhigheesaamu mbago, ate amafumo gaibwe baagagheesaamu busolobyo bwa kuwoolera. Amaghanga tigaliirayo kugema bya kulwanisa kuja kulumba gainaago, waire okwirayo okutendekebwa mu by'entalo.

Isaia 26:6

Mpegaano abaavu n'abanaku, n'abali kukityankirira n'ebigere byaibwe.

Isaia 29:19

Abawombeefu baliiramu kabiri okusagambiranga mu Musengwa Katonda, n'abaavu beesiimiranga mu Katonda oyo Omutukuvu wa Isiraeli.

Isaia 3:14

Musengwa Katonda aja kusalira omusango abakulembeze n'abakungu ab'abantu be, ati: “N'imwe omwamaliriragho amasamba g'emizabbibu, era endhu dhaimwe dhiidhwire bintu bye mwanhagulula ku baavu.

Isaia 30:28

Omuuka gw'agheera guli ng'oti n'omwiga ogubanze ni gutaayaaya, ng'amaadhi gaagwo gatuuka mu nkoto, olwo gaaja nga geeyaagho amaghanga bwe gagazikiriza, era gaalekeza amaghanga okutuukiriza entegeka dhaago embi.

Isaia 30:31

Abassiria balitya inho bwe baliwulira amamiro ga Musengwa Katonda, ng'ali kubabonereza n'omwigo gwe mu bukambwe.

Isaia 30:33

Ekifo eky'okwokeramu kyabazinga w'e Assiria kyategekebwa ira. Ekifo ekyo kinene era kirimu olwina oluleeyi, olwidhwire enku. Musengwa Katonda alifuuwa omuuka oguli ng'oti buganga bwa salufa, gwakikunaaniaku omuliro.

Isaia 32:1

Bona, ekiseera kiri kwidha ghabeegho kyabazinga alifugira ku butuufu, ghabeegho n'abakulembeze abalikolera ku mazima.

Isaia 32:7

Omukupankupania muntu mubi, ni by'akola bibi byereere. Asala amagezi okwitaitana abaavu ng'ayogera eby'obuguya, ni bwe baba nga bye basaba okukolerwa n'ebyo ebituufu bye bagwaniire.

Isaia 33:22

Musengwa Katonda mwene n'aliba omulamuzi waife, yaaba kyabazinga waife atufuga, era yaaba omulokozi waife.

Isaia 40:7

Musengwa Katonda bw'agheera obugheere ati omuuka, eisubi liniala n'ekimuli kyamagala. Bwenebwene abantu bali ng'oti isubi, tibaghangaala naire.

Isaia 49:2

Yaleetera ebibono bye ndhogera okuba ng'oti mpiima endhogi. Yankuuma n'omukono gwe naaba ng'oti kalaso ke akaghagale mu kiruutu kye.

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Yeremia 33:15

Mu kiseera ekyo nditaagho omuntu omutuufu, nga mwidhukulu wa Daudi, yaaba kyabazinga. Kyabazinga oyo alikola amazima n'ebituufu mu nsi.

Yeremia 5:28

era baaba banene nga banhirivu. Tibalekera kukola bibi. Tiboogererayo bamulekwa kufuna bye bagwaniire, waire okulwanirira abatuntuzibwa.”

Hosea 6:5

Kyenva ni ntuma abalanzi ye muli, ni babaleetera obukwenda bwange obw'okubazikiriza era obubalumiriza imwe omusango. Kye mbendaku kibonekeragho ng'oti butangaavu.

Zefania 2:3

Imwe abantu ab'ensi eno abeesigwa eri Musengwa Katonda era abagondera ebiragiro bye, mukole ebyo ebituufu era muteekuluntaza mu maiso ga Musengwa Katonda. Oba katyo mwakawona ekibonerezo ku lunaku Musengwa Katonda lw'aja okulagiraku obusungu bwe.

Malaki 4:6

Oyo alireetera balata b'abaana okwisania n'abaana baibwe, olwo ndobe kwidha kuzikiriza nsi yaimwe.”

Matayo 11:5

Abatulu babona, abalema batambula, abali n'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi.

Matayo 5:5

Ba nkabi abawombeefu, kuba baligheebwa ensi Katonda ye yasuubiza.

Ebikolwa by'Abatume 9:1

Aye Saulo yali ng'ali kutuubatuuba n'obusungu obw'okwita abeegeresebwa ba Musengwa. Yaaja ew'Omukulu wa Bakabona,

2 Ab'e Korintho 10:1

Ninze Paulo mwene, abandi mu imwe ye bakoba okuba omugonvu nga ndi n'imwe, aye abakambughalira nga tiri n'imwe. Olw'obuguminkiriza n'obwikaikamu bwa Kurisito,

Ab'e Galatia 5:23

buwombeefu, na kwefuga. Ebyo biziraku iteeka libitakania.

2 Ab'e Thessalonika 2:8

Olwo ni ng'Omubi Isaababi oyo yeeyoleka. Aye Musengwa Yesu lw'aliidha aja kumwita n'omuuka gwe ogw'omu kanwa, era aja kumuzikiriza n'okumesunkana okw'okwidha kwe.

Tito 3:2

Bakubirizenga balobenga kwogeranga ku muntu yeenayeena bubi, waire okusoolanga n'omuntu yeenayeena, aye babenga ba idembe era abazira ikabyo

Yakobo 3:13

Ghaligho mu imwe ali n'amagezi n'okumanha? Kale akakase ekyo nga yeebisa bukalamu mu bulamu bwe, mu bikolwa ebikalamu eby'okwewombeeka n'amagezi.

Okwolekebwa 1:16

Mu mukono gwe omusaadha, yali agemye emuunienie musanvu. Mu munwa gwe mwavaamu empiima eri n'obwogi ku ndhuyi dhaayo dhombi. Mu maiso ge ng'ali ng'oti ndhuba nga erikwaka inho.

Okwolekebwa 19:11

Agho naabona eigulu nga liigule, era okuja okulinga nti nga mbona embalaasi endheru! Eyali ali kugivuga nga ayetebwa Mwesigwa, Owamazima, asala emisango era n'alwana entalo mu butuufu.

Okwolekebwa 19:15

Mu munwa gwe mwavaamu empiima endhogi ey'okughangula amaghanga. Aligafuga n'omwigo ogw'ekyuma, yaatyankirira emizabbibu mu kikunhiro mwavaamu omwenge ogw'obusungu obungi obwa Katonda Aghanga Ebintu Byonabyona.

Okwolekebwa 2:16

Kale weenenie: oba ti n'ekyo, ndidha kukwidhira mangu nwane n'abantu abo n'empiima ey'omu munwa gwange.