Isaia 10:9 - Baibuli Ekibono kya Katonda 2014

⁹ Naghangula ekibuga Kalino ng'oti ni bwe naghangula ekibuga Karikemishi, naaghangula ni Hamathi ng'oti ni bwe naghangula Arupadi, era naaghangula ni Samaria ng'oti ni bwe naghangula Damasiko.

Isaia 10:9 ပူးပေါင်းရင်းမြစ်များ

Amainhama 10:10

Mu kusooka obwakyabazinga bwe bwalimu ebibuga bino: Babeli, Ereki ni Akkadi nga byonsatuli biri mu kiketezo eky'e Shinari.

2 Samueli 8:9

Kyabazinga Toi ow'e Hamathi bwe yawulira nga Daudi aghangwire eigye lyonalyona erya Hadadezeri.

2 Bakyabazinga 16:9

Kyabazinga w'e Assiria yaikiriza, yaaja yaalumba ekibuga Damasiko yaakigema, yaita kyabazinga Rezini, era yaatwala abantu baayo e Kiri nga banhage.

2 Bakyabazinga 17:24

Agho kyabazinga w'e Assiria yaasengula abantu okubatoola mu bibuga, Babiloni, ni Kutha, ni Avva, ni Hamathi, ni Sefarivaimu. Yaabatwala okubasenza mu bibuga bya Samaria, mu kifo ky'Abaisiraeli. Abantu abo baatwala ensi Samaria yaaba yaibwe, baabanga mu bibuga byayo.

2 Bakyabazinga 18:34

Emisambwa egy'e Hamathi n'egy'e Arupadi, buti giri gha? Ate emisambwa egy'e Sefarivaimu, n'egy'e Hena, n'egy'e Ivva, buti giri gha? Gyali giwoniizaaku ekibuga Samaria, kyanva mu ngalo?

2 Ebyomubyanda 32:14

Mundageku katonda yeenayeena, ku bakatonda boonaboona ab'amaghanga ago badhaadha bange ge baasaaniagho, eyasobola okutoola abantu be mu ngalo dhange n'abawonia. Obwo mperaano imwe kiki ekibalowoozesa nti Katonda waimwe aidha kusobola okubawonia, abatoole mu buyinza bwange?

2 Ebyomubyanda 35:20

Ebyo byonabyona bwe byamala okuwa, Yosia ng'amaze okutegeka eisinzizo, kyabazinga Neko owa Misiri yaidha okulwanira olutalo e Karikemishi ku mwiga Eufurate. Yosia yaaja okumulwanisa.

Isaia 10:8

Yeesuuta ati, ‘Kiisi muduumizi wa magye gange yeenayeena, aba kyabazinga mulamba.

Isaia 17:1

Buno n'obukwenda obugema ku Damasiko. Musengwa Katonda akoba ati: “Bona, Damasiko kija kulekera agho okuba ekibuga, kifuuke bwa mmungo dha bifunfugu.

Isaia 17:3

Ensi Isiraeli eriba nga tekaali na bifo bya kwewogomamu kwewonia bazigu, ni Damasiko nga tikikaali na bwakyabazinga. Abasiria abaliwonagho baliswala inho ng'oti n'Abaisiraeli. Nze Musengwa Katonda Afuga Amagye ntyo bwe nkobye.”

Isaia 33:8

Enguudo tidhikaabitikamu kuba dhitiisa, abatambuze abaadhibitangamu baawaayo. Endagaano kamaala dhimenheibwa, n'ebibuga byanhoomebwa. Era tighakaali ateebwamu kinhagansi.

Isaia 36:19

Emisambwa egy'e Hamathi n'egy'e Arupadi, buti giri gha? Ate emisambwa egy'e Sefarivaimu, buti giri gha? Gyali giwoniizaaku ekibuga Samaria, kyanva mu ngalo?

Isaia 37:11

Wawulira bakyabazinga ab'e Assiria bye baakola ensi dhoonadhoona, ni badhizikiriza okudhisaaniagho. Obwo iwe olowooza oti onaawona?

Isaia 37:13

Bakyabazinga ab'ebibuga, Hamathi, ni Arupadi, ni Sefarivaimu, ni Hena, ni Ivva, buti bali gha?’ ”

Isaia 7:8

kuba Rezini afuga Siria yonka n'ekibuga kyayo ekikulu Damasiko. Ate mu myaka nkaaga n'etaanu, Isiraeli eriba yeekutwirekutwiremu nga tekaali ighanga irala.

Yeremia 46:2

ng'atoolera ni Misiri. Bino bye yayogera ku igye lya kyabazinga Neko ow'e Misiri, Nebukadinezzari kyabazinga w'e Babilonia lye yaghangulira e Karikemishi okumpi n'omwiga Eufurate, mu mwaka ogwokuna nga Yehoiakimu ni kyabazinga wa Buyudaaya:

Yeremia 49:23

Bino Musengwa Katonda bye yakoba ku Damasiko, ati: “Abantu b'omu bibuga Hamathi ni Arupadi beeraliikirivu era basobeirwa, kuba baawulira amawulire amabi agatiisa. Okweraliikirira kuli kubeefuukuula mu myoyo gyaibwe ng'oti kwefuukuula kwa nhandha. Era bazira miraala naire.

Ezekieli 47:16

n'e Berotha, n'e Siburaimu ekiri ku nsalosalo eyawula ekiketezo eky'e Damasiko n'eky'e Hamathi, yaaja yaatuuka e Hazeri Hattikoni ekiri ku nsalosalo ni Haurani.

Habakkuku 1:10

Tibata kinhagansi mu bakyabazinga, era batwala buli mufuzi ng'eky'okuzaanhisa. Ezira kifo kya kwewogomamu kibalema; bakibungaku emungo ey'eitaka kwe baniinira, baakitwala.

Okubala 34:8

Bw'enaavanga ku lusozi Hori eidha kujanga etuuke aghaingirirwa e Hamathi okukoma e Zedadi,