Isaia 10:34 - Baibuli Ekibono kya Katonda 2014

³⁴ Musengwa Katonda alibatema n'empasa ng'oti n'atema emiti mu kibira ghagati, n'agwisa n'emiti emirungi egy'e Lebanoni.

Isaia 10:34 ပူးပေါင်းရင်းမြစ်များ

Zabbuli 103:20

Musaake Musengwa Katonda imwe bamalaika be mwenamwena ab'amaani, abawulira ebiragiro bye era abagondera by'akoba.

Isaia 10:18

Musengwa Katonda alizikiriza ebibira ebyesiimisa Assiria, n'amasamba amagimu, ng'oti n'obulwaire namusiza bwe bugoogombya omuntu n'aweekereragho.

Isaia 2:13

Musengwa Katonda alizikiriza emiti emivule gyonagyona egy'e Lebanoni egyaleegherera ni gigungumala, era yaazikiriza n'emiti emikologho gyonagyona egy'e Bashani.

Isaia 31:8

Abassiria baliitibwa inho mu lutalo, aye nga bantu ti n'ababaita. Abassiria abo balirumuka olutalo, era abaisuka baibwe balifuulibwa bairu.

Isaia 33:9

Abantu tibakaalima, eitaka liri bw'agho. Ebibira by'e Lebanoni biri kuwaagho. Ekiiko ky'e Sharoni kiri ng'oti irungu. Ate mu kiketezo ky'e Bashani ni ku lusozi Karumeli, emiti giwaawiiza amakaba.

Isaia 37:24

Otumye abakwenda bo okuneesuutiraku nze Musengwa Katonda, nga bakoba nga bwe wakozesa ebigaali byo eby'omu lutalo, n'oghangula ensozi dhoonadhoona endeeyi edh'omu Lebanoni. Weesuuta ng'eyo bwe watemayo emivule egisinga obuleeyi, era waatemayo n'emiti emisipuressi egisinga bulungi. Waakoba nga bwe waingirira irala mu bibira, mu kitundu ekisinga kuba kizibirivu.

Isaia 37:36

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

Yeremia 22:7

Nja kusindika abantu baidhe bakizikirize. Baliidha n'empasa dhaibwe, baatematema empango dhaakyo edh'emivule edhiboneka obulungi einho, baadhisuula mu muliro.

Yeremia 48:2

Ekitiibwa kya Moabu kiwoiregho. Abazigu bagemye ekibuga Heshiboni ye baategekera okuzikiririza eighanga ly'e Moabu eryo. Imwe abantu b'omu kibuga Madimeni, abazigu baidha kubasirisa, amagye gaibwe gaidha kwidha galumbe ekibuga kyaimwe ekyo.

Ezekieli 31:3

Bona eno, ndidha kubageza ku muti omuvule mu kibira e Lebanoni. Oguli n'ensaga enungi edhikola ekinsense ekizibirivu, era omuleeyiriri, ng'obusanso bw'ensaga dhaagwo butuuka ni mu bire.

Danieli 4:23

Isebantu kyabazinga, era wabona nga malaika omukuumi omutukuvu ali kwika okuva mu igulu. Malaika oyo yaakoba ati, ‘Temagho omuti ogwo oguzikirize, aye olekegho ekikolo kyagwo kisigale mu itaka, nga bakisibyeku endhegere edhaakolebwa mu kyuma ekigumu einho ni mu kyuma eky'ekikomo. Ekikolo ekyo ka kisigale eyo mu isubi mu nsiko. Omusulo oguva ku igulu ka gukube muntu oyo gumuboze, era asigale eyo mu isubi ghalala n'ensolo edh'omu nsiko, okumala emyaka musanvu.’

Nahumu 1:12

Aye Musengwa Katonda akoba ati: “Abantu bange Abaisiraeli, waire nga Abassiria bali kamaala batyo era nga ba maani inho, nja kubazikiriza baweegho. Imwe waire nabatuusa ku kudaazibwadaazibwa, tija kwirayo kubaganha kudaagadaaga.

2 Ab'e Thessalonika 1:7

era ife ghalala n'imwe abadaagadaaga alitugha okwesiima. Kino alikikola, Yesu lw'aliva mu igulu ni yeeyoleka ni bamalaika be abakola eby'amaani.

2 Petero 2:11

Ate nga bamalaika, waire nga basinga abantu bano amaani n'obukumu, tibabavuma nga babaseegha ye Musengwa.

Okwolekebwa 10:1

Agho naabona malaika owundi ow'amaani ng'ava mu igulu. Yali avaire ekireri, era ku mutwe gwe nga kuliku musoke, mu maiso ge ng'ali kwaka ng'oti ndhuba, ate amagulu ge nga gali ng'oti mpango dha muliro.

Okwolekebwa 18:21

Agho naabona malaika ow'amaani, yaaginga eibaale eriri ng'oti lubengo lukologho, yalisuula mu nhandha ng'akoba ati: “Babiloni ekibuga ekikologho kityo bwe kirisuulibwa ghansi n'amaani amangi, ni kitairayo kuboneka kabiri.