Isaia 10:33 - Baibuli Ekibono kya Katonda 2014

³³ Bona eno, Musengwa Katonda Afuga Amagye alibaghanulayo ng'oti n'olusaga olutemeibwa ku muti ni lugwa. Abaleeyi abaawaiguka alibasuula ghansi, n'abeetwala okuba aba ghaigulu yaabaisa.

Isaia 10:33 ပူးပေါင်းရင်းမြစ်များ

2 Ebyomubyanda 32:21

Musengwa Katonda yaatuma malaika, yaita okumaliragho irala abaisirukale boonaboona ab'amaani abaziramu ntete, n'abaduumizi, n'abakulu b'eigye, abaali mu kifo kyabazinga w'e Assiria mwe yasimba weema dhe. Agho kyabazinga w'e Assiria yairayo mu nsi ye nga yeenayeena ensoni dhimugemye. Lwali lulala ng'ali mu isabo lya katonda ye yasinzanga, abandi ku batabane be baamufumita empiima yaafa.

Isaia 18:5

Alizikiriza abalwani b'abantu abo nga bakaali na kulumba, ng'oti n'omuntu bwe yandiidhie ku muti ogumaze okumulisa ekimuli, nga gutaireku n'ebibala era nga biri na kwenga, aye nga bakaali bwa kubinoga, memale n'atema ensaga n'adhighanulayo yoonayoona ye dhaalandira.

Isaia 32:19

Aye amabaale ag'omugozi galikuba ebibira byasaanagho, n'ekibuga kyazikirizibwa.

Isaia 33:3

Bw'osituka okutulwanirira, amaghanga gasansaana gaalumuka okuwowoigana kw'olutalo.

Isaia 37:38

Olundi bwe yali mu isabo ng'ali kusinza omusambwa gwe Nisiroki, batabane be Adurammeleki ni Sharezeri baamwita n'empiima, baamala baalumukira mu nsi y'e Ararati. Agho mutabane we owundi Esarahaddoni yaamusikira ku bwakyabazinga.

Isaia 5:15

Buli muntu aliswazibwa, n'abo abeekuluntaza baliisibwa ghansi.

Yeremia 22:7

Nja kusindika abantu baidhe bakizikirize. Baliidha n'empasa dhaibwe, baatematema empango dhaakyo edh'emivule edhiboneka obulungi einho, baadhisuula mu muliro.

Ezekieli 31:3

Bona eno, ndidha kubageza ku muti omuvule mu kibira e Lebanoni. Oguli n'ensaga enungi edhikola ekinsense ekizibirivu, era omuleeyiriri, ng'obusanso bw'ensaga dhaagwo butuuka ni mu bire.

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Amosi 2:9

“Ate nga ku lwaibwe nze nazikiriza nasaaniagho Abamori, abaali abaleeyiriri ng'oti mivule era ab'amaani ng'oti n'emiti emikologho.

Nahumu 1:12

Aye Musengwa Katonda akoba ati: “Abantu bange Abaisiraeli, waire nga Abassiria bali kamaala batyo era nga ba maani inho, nja kubazikiriza baweegho. Imwe waire nabatuusa ku kudaazibwadaazibwa, tija kwirayo kubaganha kudaagadaaga.

Luka 14:11

Kuba buli eyeetwala ati wa ghaigulu aja kwisibwa, ate buli eyeisa aja kutwalibwa nga wa ghaigulu.”