Isaia 10:29 - Baibuli Ekibono kya Katonda 2014

²⁹ Bamaze okubita aghaingirirwa, baaja baasula e Geba. Ab'omu kibuga Rama bali kudhugumira olw'okutya, ab'omu kibuga kya kyabazinga Saulo eky'e Gibea balumwike.

Isaia 10:29 ပူးပေါင်းရင်းမြစ်များ

1 Bakyabazinga 15:23

Ebindi byonabyona Asa bye yakola eby'amaani, n'ebibuga bye yazimba, byaghandiikibwa mu Kitabo ky'Ebyomubyanda bya Bakyabazinga ba Buyudaaya. Aye mu biseera eby'obukaire bwe, yalwala ebigere.

Yeremia 31:15

Musengwa Katonda yaakoba ati: “Mu Rama yaawulikikayo amamiro ag'okugegenga n'okukuba empungu edh'amaani. Rakeli ng'agegenga olw'abaana be era nga tayenda na kusaasirwa, kuba baali nga tibakaaligho.

Hosea 10:9

Musengwa Katonda akoba ati: “Abaisiraeli tibalekeranga kukola bibi, okuviira irala ku biseera bye baakoleramu ebibi e Gibea. Kale yeene eyo e Gibea olutalo ye lulibaagaana.

Hosea 5:8

Mufuuwe endeka e Gibea! Mufuuwe amagwala e Rama! Era mukube enduulu edh'omu lutalo e Bethaveni! Mwete Ababenjamini baidhe mu lutalo.

Hosea 9:9

Beeyonoine inho ng'oti bwe beeyonoona e Gibea. mu biseera ebyabita. Aye Katonda talyerabira bibi byaimwe, alibabonereza olw'okwonoona kwaimwe.

Yoshua 21:17

Okuva ku kiketezo kya Benjamini baabaghaaku ebibuga bina, nga ni bino: Gibeoni, Geba,

1 Samueli 10:26

Ni Saulo yeena yaaja ewuwe e Gibea. Yaaja n'abasaadha abaziramu ntete naire, Katonda be yagumya emyoyo.

1 Samueli 11:4

Abakwenda bwe baatuuka e Gibea ekya Saulo, baakobera abantu ebibono ebyo. Agho abantu boonaboona baalira inho amaziga.

1 Samueli 13:16

Saulo, ni mutabane we Yonathani, n'abantu abaali aghalala nabo, baasigala e Geba ekya Benjamini. Aye Abafilisiti baasimba weema dhaibwe e Mikamashi.

1 Samueli 13:2

Saulo yalonda mu Baisiraeli abasaadha enkumi isatu (3,000). Ku abo yaatoolaku enkumi ibiri (2,000) baabanga ghalala naye e Mikamashi ni mu kiketezo eky'oku nsozi eky'e Betheli. Ate olukumi (1,000) baabanga ghalala ni Yonathani e Gibea mu kiketezo kya Benjamini. Abantu abandi boonaboona yaabasiibula, bairayo ewaibwe.

1 Samueli 13:23

Abafilisiti abalwani baava mu nkambi, baaja okukuuma aghaingirirwa e Mikamashi.

1 Samueli 14:2

Saulo oyo yali ali kumpi ni Gibea, ghansi gh'omuti omukomamawanga ogwali e Migironi, era ng'ali n'abantu ng'oti lukaaga.

1 Samueli 14:4

Aghantu aghaingirirwa, Yonathani ghe yali n'okubita okutuuka mu nkambi ey'abalwani Abafilisiti, ghaaligho embaale ku buli luuyi edhaalimu enkompe. Olubaale olundi nga lwetebwa Bozezi, ate olundi lwayetebwa Sene.

1 Samueli 14:5

Olubaale olundi lwali ku luuyi olw'omukono omugooda olw'e buvandhuba ng'olingiriire Mikamashi, ate olundi lwaba ku luuyi olw'omukono omusaadha olw'e buvandhuba ng'olingiriire Geba.

1 Samueli 15:34

Agho Samueli yaaja e Rama, ni Saulo yeena yaaja mu maka ge e Gibea ekya Saulo.

1 Samueli 7:17

Bwe yamalanga, yairayo e Rama, n'eyabanga amaka ge. Era eyo yoona yaalamulirangayo Abaisiraeli, era yaazimbirayo Musengwa Katonda alutaari.