Isaia 10:24 - Baibuli Ekibono kya Katonda 2014

²⁴ Kale Musengwa Katonda Afuga Amagye akoba ati: “Imwe abantu bange ababa mu Sioni, mutatya Bassiria bwe babaswanhula era ni babakuba emiigo ng'Abamisiri bwe baakolanga

Isaia 10:24 ပူးပေါင်းရင်းမြစ်များ

2 Bakyabazinga 19:6

Isaia yaabakoba okwirayo ye musengwa waibwe, bamukobe bati: “Musengwa Katonda akoba ati, ‘Otatya bibono by'owuliire, abakungu ba kyabazinga w'e Assiria bye boogeire nga banvuma.

Okuvaayo 14:9

Abalwani ba Misiri boonaboona, n'embalaasi dhaibwe dhoonadhoona, n'ebigaali byaibwe eby'omu lutalo, n'abavuzi boonaboona, baabingirira Abaisiraeli baabaagaana nga basimbye weema dhaibwe ku mbali kw'enhandha, kumpi n'ekibuga Pihahirothi emberi wa Baaluzefoni.

Okuvaayo 5:14

Era baagwa ku Baisiraeli be baataagho okukaka banaibwe emirimo baabakuba nga bababuuza bati: “Lwaki omughendo ogw'amatoofaali ge muli n'okuwumba buli lunaku tiguwoireeyo olwaleero?”

Isaia 10:5

Musengwa Katonda yaakoba ati: “Assiria, n'omwigo gwe ngema nga nsungughaire, gwe nkozesa okubonereza abo be ndiku n'ekiruyi.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 12:6

Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”

Isaia 14:29

“Imwe Abafilisiti mwenamwena, mulobe kusanhuka inho waire ng'omwigo ogwabakuba mwenamwena gumenheike; kuba aghabairenga omusota ogwabuliidho, ghaidha kwiragho kiyiri. Era mu igi ly'ekiyiri mulivaamu omusota oguguluka ng'oti nhonhi.

Isaia 27:7

Musengwa Katonda tiyabonereza inho bantu be Baisiraeli na bukambwe, ng'oti ni bwe yabonereza abazigu baibwe. Era tibaafiirwa bantu kamaala inho ng'oti n'abaabaitanga bwe baafiirwa.

Isaia 30:19

Imwe abantu ababa mu Yerusalemu, timukairamu kabiri kulira maziga. Oluliba okulira muti, nga Musengwa Katonda abagemerwa kivunika ng'awuliire okulira kwaimwe, ng'abagha kye mumusabye.

Isaia 30:32

Musengwa Katonda alibanga eno ng'alikubabonereza, ng'ere abantu be bali kusagambira na kwembera ku bugoma na ku ndingidi. Musengwa Katonda mwene n'alirwanisa abazigu abo Abassiria, ng'akozesa eby'okulwanisa ebitiisa.

Isaia 35:4

Mukobe abo abawoiremu amaani muti: “Mube bagumu, mutatya. Mubone, Katonda waimwe ali kwidha okubalokola, yeesasuulize ku bazigu baimwe ng'ababonereza.”

Isaia 37:22

Era bino Musengwa Katonda oyo by'akoba ku kyabazinga Sennakeribu oyo, ati, ‘Ekibuga Sioni kikunhoomye kyakusekerera iwe Sennakeribu; era ekibuga ekyo Yerusalemu kikukongoire.

Isaia 37:6

Isaia oyo yaabakoba okwirayo ye musengwa waibwe, bamukobe bati: “Musengwa Katonda akoba ati, ‘Otatya bibono by'owuliire, abakungu ba kyabazinga w'e Assiria bye boogeire nga banvuma.

Isaia 4:3

Kiisi muntu yeenayeena aliba ng'asigairegho mu Sioni, ng'alondeibwa okusigala nga mulamu mu Yerusalemu, alyetebwa mutukuvu.

Isaia 46:13

Obulokozi bwange mbuseesiisa kumpi, tibukaali ghala naire. Tija kulwagho kulokola bantu bange. Ndinunula Yerusalemu olwa Isiraeli okumpeesanga ekitiisa.”

Isaia 51:13

Obwo mwerabiire Musengwa Katonda Omutonzi waimwe eyabamba eigulu, n'ataagho n'emisingi gy'ensi? Lwaki buli kaakyeire muba mu kutya, olw'obusungu bw'abo ababatuntuza, abeetegeike okubazikiriza? Mpegaano obusungu bwaibwe mukaabubonaku naire?

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Isaia 7:4

Omukobe oti, ‘Guma obe mwikaikamu, otatya era otawaamu maani. Obusungu obubitirivu obwa Rezini, n'obw'Abasiria, n'obwa Peka mutabane wa Remalia, buli ng'oti mwosi bwosi oguva ku buti obubiri obunioka.

Isaia 9:4

Kuba obatoireku obuzito obwabavunanga, waamenhamenha emiigo gye baabakubisanga ku mabega, waaghangula amaghanga agaatuntuzanga abantu bo, ng'oti ni bwe waghangula Abamidia.

Mika 5:5

Kino kija kuleetagho emiraala. Ab'e Assiria bwe balitulumba, ni baghagula ebifo byaife ebigumu bye twesiga, tuja kusindika abakulembeze ab'amaani babalwanise.