Isaia 10:23 - Baibuli Ekibono kya Katonda 2014

²³ Bwenebwene Musengwa Katonda Afuga Amagye aja kuleeta okuzikirira mu ighanga lyonalyona, nga bwe yategeka okukola.

Isaia 10:23 ပူးပေါင်းရင်းမြစ်များ

Zabbuli 46:9

Alekeza okulwana entalo mu nsi yoonayoona; yaakutulakutula mu bulaso, era yamenhamenha amafumo, n'engabo yaadhikumaku omuliro.

Isaia 28:22

Kale ni mulobe kunhoomerera kulabula kuno, tiikulwa ng'endhegere edhibasibye bongera bwa kudhinhwegula; kuba mpuliire nga Musengwa Katonda Afuga Amagye mumalirivu okusaaniagho ensi eno.

Danieli 11:36

“Kyabazinga wa Siria oyo alikola nga bw'ayenda, yeegulumiza era yeekudumbaza ng'alowooza ati n'asinga bakatonda boonaboona. Alyogera ebintu ebitiisa einho ku Katonda asinga bakatonda boonaboona. Era ebintu birimujiira bukalamu okutuusa Katonda lw'alimumaliraku obusungu bwe kuba Katonda oyo kye yategeka kiri n'okutuukirira.

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Danieli 9:27

Omufuzi oyo alikola endagaano ey'amaani n'abantu kamaala okumala emyaka musanvu, era ghagati gh'emyaka egyo alirekeza okughaayo emisengo n'ebigheebwayo. Ole akola ogw'okuzikiriza alitaagho ku ntwiko y'eisinzizo Ekyenhinhalwa Ekizikiriza, okutuusa enkomerero eyategekerwa oyo azikiriza bw'erituuka.”

Ab'e Roma 9:28

kuba Musengwa taliroba kutuukiriza mangu kye yakoba okukola ku nsi.”