Isaia 10:13 - Baibuli Ekibono kya Katonda 2014

¹³ Kyabazinga oyo yeesuuta ati, “Ebyo nze nabikola lwa maani gange, na lwa magezi gange, kuba ndi mugezigezi. Namala okutoolagho ensalosalo edh'amaghanga, naanhagulula eby'obukombe byago, naadhooga abantu baago, naabatoola ku bityamo eby'obwakyabazinga ng'oti nte nume etyankirira isubi.

Isaia 10:13 ပူးပေါင်းရင်းမြစ်များ

2 Bakyabazinga 15:29

Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

2 Bakyabazinga 16:8

Agho Ahazi yaatoolayo feeza ni zaabu ebyali mu isinzizo ni mu iterekero ly'ekisaagaati kya kyabazinga, yaabigheereza kyabazinga w'e Assiria ng'ekirabo.

2 Bakyabazinga 17:24

Agho kyabazinga w'e Assiria yaasengula abantu okubatoola mu bibuga, Babiloni, ni Kutha, ni Avva, ni Hamathi, ni Sefarivaimu. Yaabatwala okubasenza mu bibuga bya Samaria, mu kifo ky'Abaisiraeli. Abantu abo baatwala ensi Samaria yaaba yaibwe, baabanga mu bibuga byayo.

2 Bakyabazinga 17:6

Mu mwaka ogwomwenda nga kyabazinga Hoshea n'afuga Isiraeli, kyabazinga w'e Assiria yaagema ekibuga Samaria, era yaakukumba abantu ab'omu Isiraeli yaabatwala mu Assiria nga banhage. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedia.

2 Bakyabazinga 18:11

Kyabazinga w'e Assiria yaakukumba abantu ab'omu Isiraeli yaabatwala mu Assiria. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedi.

2 Bakyabazinga 18:15

Hezekia yaamugha feeza yeenayeena eyali mu isinzizo, ni mu iterekero ly'ekisaagaati kya kyabazinga.

2 Bakyabazinga 18:32

okutuusa lwe ndiidha ni mbatwala mu nsi eri ng'oti n'eyaimwe, ensi erimu engaano, n'omwenge ogw'emizabbibu, n'amasamba ag'emizabbibu, n'omuzigo ogw'emiti emyoliva, era n'omudheenene gw'endhuki. Bwe munaakola mutyo, mwidha kuba balamu mulobe kufa. Aye mutawulirisa Hezekia ali kubaguyaguya ati Musengwa Katonda aidha kubawonia!

1 Ebyomubyanda 5:26

Agho Katonda wa Isiraeli yaasiikuula enzigu mu mwoyo gwa Puli kyabazinga w'e Assiria, eriina lye erindi nga ni Tigulathi Pileseri, yaaja yaatwala mu bunhage Abareubeni, n'Abagadi, n'ekitundu ku Bamanasse. Yaabatwala e Hala, n'e Habori, n'e Hara, ni ku mwiga Gozani, baabeera irala eyo ni ye buli eno.

Ensambo 28:11

Omukombe yeebona nga mwene mugezi, aye omwavu omutegeevu azuula ki kyene omukombe oyo ky'ali.

Isaia 10:8

Yeesuuta ati, ‘Kiisi muduumizi wa magye gange yeenayeena, aba kyabazinga mulamba.

Isaia 5:21

Bakagwireku abo abeetwala okuba abagezi, ni beesuuta okuba abaidhi buli kintu.

Yeremia 46:8

Ensi Misiri n'eri kusituka ng'oti kwefuukuula kwa mwiga Kiyira, ng'oti n'omwiga ogwidhwire ni gubanda. Ensi eyo Misiri n'eyakoba eti, ‘Ndidha kusituka ng'oti kwefuukuula kwa mwiga Kiyira, mmaamire ensi yoonayoona. Era nzikirize ebibuga n'abantu ababibaamu.

Yeremia 48:14

Imwe ab'e Moabu, lwaki mweyeta ab'amaani era ni mweyeta abalwani abaziramu ntete?

Ezekieli 25:3

Koba Abammoni bawulire nze Musengwa Katonda bye ndi kubakoba nti: Imwe mwasanhuka mwakoba muti, ‘Otyo, kirongoolo,’ eisinzizo lyange lwe baalyonoona, ensi Isiraeli ni bagizikiriza, n'Abayudaaya ni babatwala mu bunhage.

Ezekieli 26:2

“Iwe omuntu, mpulira abantu b'e Tiro nga boogera ku Yerusalemu bati, ‘Otyo, Yerusalemu ekyali omulyango ogw'obusuubuzi bw'amaghanga nga bwe bakimenhie ni kifuuka ebifulukwa, buti niife twize mu kifo kyakyo, tukombaghale.’

Ezekieli 29:3

Mukobe oti, nze Musengwa Katonda ndi kukoba nti: Bona eno, buti nfuuse muzigu y'oli, iwe kyabazinga wa Misiri. Niiwe ogusota ogukologho oguba mu miiga ni gukoba guti, ‘Omwiga Kiyira gwange ku bwange, ninze eyagukola.’

Ezekieli 35:13

Era naawulira ebibono byaimwe ebibi kamaala bye mwandhogeraku n'eminwa gyaimwe nga muli kuneekudumbalizaaku.”

Danieli 4:27

Agho ni, Isebantu kyabazinga, ganha amagezi ge nja okukugha: Lekera okukola ebibi okole ebituufu, era olekere okwonoona oyoleke okusaasira eri abo abanhigirizibwa. Oba katyo, olwo ebintu binaakujiiranga bukalamu.”

Danieli 4:30

yaakoba ati: “Ha, bona Babiloni bwekiri ekikologho! Nakizimba n'obukumu bwange n'amaani gange, kibe ekibuga omuli ekisaagaati kyange eky'obwakyabazinga obw'ekitiisa.”

Amosi 5:27

ku lunaku lwe ndibaghaayo okutwalibwa mu bunhage mu nsi eri eyo ng'omaze okubisa Damasiko.” Atyo Musengwa Katonda bw'akoba, ayetebwa eriina, “Katonda Afuga Amagye.”

Amosi 6:13

Mweyagala mbu kuba mwagema ekibuga Lodebari, era mwesuuta nga mukoba muti: “Titwaghamba kibuga Karanaimu na maani gaife beene?”

Habakkuku 1:11

Agho baafuumuuka embiro ng'oti mpewo baaja. Abantu abo bali n'omusango, amaani gaibwe ge batwala okuba katonda waibwe.”

Habakkuku 1:16

Era baaghaayo n'emisengo eri obutimba bwaibwe obutono, baaniokeza obutimba bwaibwe obunene obubbaani; kuba ebyo n'ebibafunisa ebirungi mu bulamu era ni balya emere esinga bulungi.

Habakkuku 2:6

Aye abantu abo abaghangulwa baja kuyeeyereza abo ababaghangula, era babanhoome nga babakoba bati: “Mukagwireku! Mubaire munhaganga ebitali byaimwe era mwebungaku emisingo gy'abo be muwola. Aye ebyo muja kubirekera li?”

Amateeka Agokubiri 8:17

Kale ni mulobenga kukoba mule muti, “Amagezi gaife n'amaani gaife n'ebitufuniisa obukombe.”

Abalamuzi 7:2

Musengwa Katonda yaakoba Gideoni ati: “Abantu abali n'iwe babitiriire obungi, nze okubagha okughangula Abamidia, kuba baghanga okuneesuutiraku nga bakoba bati baghangwire lwa maani gaibwe.