Isaia 10:12 - Baibuli Ekibono kya Katonda 2014

¹² “Aye Musengwa Katonda akoba ati: ‘Bwe ndimala okukola ekyo kye ndi n'okukola ku Lusozi Sioni ni ku Yerusalemu, ndibonereza kyabazinga w'e Assiria olw'okwesuuta n'okwekuluntaza.’”

Isaia 10:12 ပူးပေါင်းရင်းမြစ်များ

2 Bakyabazinga 19:31

Ghaja kubaagho abandi abaliwonagho mu Yerusalemu, abaliva ku lusozi Sioni. Musengwa Katonda amaliriire okutuukiriza ekyo.

Zabbuli 18:27

Olokola abo abagonvu aye waisa ghansi abo abeetwala nga ba ghaigulu.

Zabbuli 21:10

Kyabazinga alizikiriza abaana baibwe okubamala ku nsi, era taja kulekera okutuusa nga boonaboona abamazeegho.

Zabbuli 76:10

Iwe oleetera obusungu obw'abantu okukusaaka obusaake, abo abaliwonagho mu ntalo balikusinza ku nnaku dho edh'ebibinuko.

Zabbuli 76:5

Abalwani baibwe abaziramu ntete baabasuuza byonabyona bye baali nabyo. Era buti bali mu ndoolo dhire dheene edh'okufa. Amaani gaibwe n'obumanhi bwaibwe mu by'okulwana entalo tibyabagasa.

Ensambo 21:4

Ababi batwalirizibwa okwebona n'okwekuluntaza, era ekyo kibi.

Ensambo 30:13

Ghaligho abeetwala okuba aba ghaigulu, era nga batwala abandi boonaboona okuba ghansi ghaibwe.

Isaia 2:11

Olunaku lwidha kutuuka, okwekuluntaza okuli mu bantu kumalibwegho, n'okwegulumiza kwaibwe kusaanizibwegho. Ku olwo, Musengwa Katonda yenka n'aligulumizibwa.

Isaia 2:12

Kuba ghaligho olunaku, Musengwa Katonda oyo Afuga Amagye lw'aliikizaaku ghansi, abo abeekuluntaza ni beebona nga ba ghaigulu, n'abo abeekudumbaza ni beegulumiza.

Isaia 24:21

Ku lunaku olwo Musengwa Katonda alibonereza obuyinza bwonabwona obuli ghaigulu mu igulu, n'abafuzi abali ghansi ku nsi.

Isaia 27:7

Musengwa Katonda tiyabonereza inho bantu be Baisiraeli na bukambwe, ng'oti ni bwe yabonereza abazigu baibwe. Era tibaafiirwa bantu kamaala inho ng'oti n'abaabaitanga bwe baafiirwa.

Isaia 27:9

Aye Abaisiraeli balisoniyibwa ebibi byaibwe, nga bamaze okumenhamenha alutaari dh'emisambwa n'okusekulasekula amabaale gaadho ni gafuuka ensaano. Era nga bamaze okukomya okuniokezanga obubbaani ku alutaari edho, era nga basaaniizaagho kiisi kamanhiso akooleka omusambwa omukazi Ashera.

Isaia 29:14

Kale ni ndikola mu bantu bano ebyewuunhisa n'ebyewuninkiriza. Ndizikiriza amagezi g'abagezi, era naamaliragho irala okumanha okw'abeegerese.”

Isaia 33:1

Mukagwireku imwe abazikiriza banaimwe, ate nga imwe ghazira abazikirizangaku; n'imwe abaghemukira abantu ni mubeefuulaku ate nga imwe ghazira abaghemukirangaku n'abeefuulaku. Ekiseera kyaimwe eky'okuzikiriza bwe kiriwaaku, olwo mwena balibazikiriza; era ekiseera kyaimwe eky'okughemukira abantu nga mubeefuulaku bwe kiriwaaku, olwo mwena balibaghemukira baabeefuulaku.

Isaia 37:23

Olowooza oti naani y'ovumye era y'onhoomye? Naani y'okaabukiire era y'oziimwire? Ninze Omutukuvu wa Isiraeli!

Isaia 37:29

Mmaze okuwulira nga bw'oneedundeekezaaku, era nga bw'oneekuluntalizaaku. Mpegaano nja kukutunga eirobo lyange mu nhindo yo, nkusibe n'olukoba lwange mu kanwa mwo, nkwiririzeeyo mu ngira yeene ye wabitamu ng'oidha.’ ”

Isaia 5:15

Buli muntu aliswazibwa, n'abo abeekuluntaza baliisibwa ghansi.

Isaia 50:11

Imwe mwenamwena abasala enkwe okuzikiriza banaimwe, mumanhe nti imwe beene niimwe mulyezikiriza mu nkwe dhaimwe dheene. Ekyo Musengwa Katonda mwene n'alikireetera okuba kityo, era mulifiira mu bulumi.

Isaia 65:7

olw'ebibi byaibwe ghalala n'ebya badhaadha baibwe kuba baaniokezanga obubbaani ku nsozi enene, era banvumiranga ku busozi obutono. Kale ni ndibabonereza, naabeesasuulizaaku nga njiira ku bye baakola. Nze Musengwa Katonda, ninze nkobye.”

Isaia 9:9

Abantu boonaboona ab'omu Isiraeli n'abatyamye b'omu Samaria balimanha. Buti beekuluntaza era beesaakiriza nga bakoba bati:

Yeremia 25:29

kuba bona, nja kusookera mu kibuga kyange mwene okukola akabi. Balowooza bati beene baliwona okubonerezebwa? Busa, tibaliwona kubonerezebwa naire, kuba nja kusindika olutalo ku bantu boonaboona ab'oku nsi. Nze Musengwa Katonda Afuga Amagye, ninze nkobye.’

Yeremia 50:18

Kale olw'ekyo, nze Musengwa Katonda Afuga Amagye, Katonda wa Isiraeli, nkoba nti ndibonereza kyabazinga Nebukadinezzari n'ensi ye, ng'oti ni bwe nabonereza kyabazinga ow'e Assiria.

Yeremia 50:32

Iwe ensi eyeekuluntaza, olyekontola waagwa aye ghaabulagho n'omuntu alikuyamba okusitukagho. Ebibuga byo ndibikunaaniaku omuliro, gwazikiriza ebintu byonabyona ebyezungulwire agho.”

Ezekieli 31:10

“Agho ni, nze Musengwa Katonda kyenva ndi kukoba nti: Ng'omuti ogwo bwe gwaleegherera, obusanso bw'ensaga dhaagwo butuuka ni mu bire, era ni gwekuluntaza olw'obuleeyi obwo,

Ezekieli 31:14

Ekyo kiriba kityo, olwo ghalobe kubaagho muti gwonagwona guleegherera nga guli n'obusanso bw'ensaga dhaagwo obutuuka ni mu bire, waire nga guliba aghali maadhi. Era ghalobe kubaagho muti ogulinhwa amaadhi ni gutuuka ku buleeyi bwa gule, kuba emiti gyonagyona giteekwa kufa ng'abantu obuntu bwe bafa. Era giteekwa okuja mu nsi ey'abafu ghalala n'abo abaika eyo ghansi mu lwina.”

Danieli 11:45

Alisimba weema dhe enkologho edh'obwakyabazinga, ghagati gh'enhandha n'olusozi olutukuvu oluliku eisinzizo. Aye ate alituuka okufa nga ghazira n'amuyamba.”

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Okubala 24:24

Abalwani baliidhira mu maato okuva e Kittimu, baalumba Abasshuri n'Abaeberi, aye era boona balizikirizibwa.”

Matayo 12:33

“Omuti mugwete mukalamu nga n'ekibala kyagwo kikalamu oba omuti mugwete mubi nga n'ekibala kyagwo kibi kuba omuti gumanhirwa ku kibala kyagwo.

Matayo 15:19

kuba ku mwoyo n'okuva ebidhuubo ebibi, obutemo, okwenda, okwemadula, obwibi, okughaayiriza, n'okuvuma Katonda.

Amateeka Agokubiri 32:27

Aye naatya nti abazigu baibwe ababakyagha baidha kwesuuta ebiziramu, bati beene n'ababaghangwire se ti nze Musengwa Katonda.’

1 Petero 4:17

Ekiseera eky'okusalirwa omusango kituuse era abantu ba Katonda beene n'abaja okusooka okusalirwa. Kale oba nga aja kusooka n'ife, memale leero kiriba kitya n'abo abaloba okuwulira Amawulire Amalungi agava ye Katonda?