Isaia 10:1 - Baibuli Ekibono kya Katonda 2014

¹ Mukagwireku imwe abataagho amateeka agatakolera ku mazima, ni mutaagho ebighandiiko ebireetera abantu okutuntuzibwa.

Isaia 10:1 ပူးပေါင်းရင်းမြစ်များ

1 Bakyabazinga 21:13

Abantu babiri abazira kye bagasa baidha baatyama mu maiso ge, era baamulumiriza mu maiso g'abantu nga bakoba bati: “Nabothi yavuma Katonda era yaavuma ni kyabazinga.” Kale abantu baamutwala kuliya kw'ekibuga, baamukuba amabaale, yaafa.

Zabbuli 58:2

Busa! Mu myoyo gyaimwe muyiiya bwa ngeri ye munaakolamu ekikyamu, era imwe beene mukola ebikolwa eby'obukambwe ku nsi.

Okuvaayo 23:3

Era oteekubiranga ku luuyi lwa mwavu n'omuleetera kusinga musango, mbu olw'okuba mwavu.

Okuvaayo 23:6

“Otabuzaabuzanga nsonga dha muntu mwavu ng'ali kuwozesebwa.

Isaia 29:21

Katonda alizikiriza abo abaghaayiriza banaibwe emisango gye batakoze, n'abo abayamba abaizi ab'emisango ni batabonerezebwa, era n'abo abaguya ni balemesa omutuufu okusalirwa omusango mu mazima.

Isaia 3:11

Aye ababi bakagwireku! Ebyaibwe bibi, kuba byene bye baakolanga ku bandi, ni byene ebyo bye baidhanga boona okubakolaku.

Isaia 3:14

Musengwa Katonda aja kusalira omusango abakulembeze n'abakungu ab'abantu be, ati: “N'imwe omwamaliriragho amasamba g'emizabbibu, era endhu dhaimwe dhiidhwire bintu bye mwanhagulula ku baavu.

Isaia 5:11

Bakagwireku abo abawuuna ku nkyo okunoonia eby'okunhwa ebitamiiza, ni banhwa omwenge okuzibya obwire okutuusa lwe gubatamiiza.

Isaia 5:18

Bakagwireku abo abaloba okuva ku kwonoona, obuguya bwaibwe ni bubasibiikirira ku kukola ebibi ng'oti n'emigugha bwe gisibiikirira ekigaali ekighaluzibwa.

Isaia 5:23

Beedheereza abantu abaliku emisango baabaleetera okugisinga olw'enguzi, aye abaziraku musango baaloba okubakolera ekituufu ekibagwaniire.

Isaia 5:8

Mukagwireku imwe abagula endhu nga mwongereza ku dhe muli nadho, ni mugula n'enimiro okwongereza ku dhe muli nadho, okutuusa nga ghazira ghe mutaguze, olwo ensi mugibeemu mwenka.

Isaia 59:13

Twakudheemera twakuvaaku iwe Musengwa Katonda, twaloba kukunonereza iwe Katonda waife. Twatuntuza banaife era twakudheemera. Bye tulowooza bikyamu, ni bye twogera bya buguya.

Isaia 59:4

Ghaziragho muntu awoza musango mu butuufu ng'ali kukolera ku mazima. Aye muwoza ebiziragho, mwayogera eby'obuguya, memale mwasinga omusango. Mutegeka okukola ebibi era mwamala mwabikola, mwayonoonera irala.

Yeremia 22:13

“Akagwireku oyo azimba endhu ye mu kukupankupania, n'agitaaku n'ebisenge ebya ghaigulu mu kulyaka, ng'akozesa abantu emirimo ku bwereere aghazira kubagha mpeera yaibwe.

Amosi 2:7

Batyankirira abaavu ng'oti n'abatyankirira enkungu, baasindika ere abaghafu babaviire mu ngira. Omulenzi n'ise baja ku mukazi mulala, mu nsambo eyo baaba nga boonoona eriina lyange eitukuvu.

Mika 6:16

Ebyo bija kuba bityo lwa kuba mwasalagho okugema empisa embi edha kyabazinga Omiri ni mutabane Ahabu n'ab'endhu y'Ahabu oyo. Era timulekerangaku kujiira ku ngeri dhaibwe, kale nja kubazikiriza era abantu boonaboona babalingengaku nga babeesiimooza era nga bwe babasekerera.”

Habakkuku 2:12

Mukagwireku, imwe abazimba ekibuga mu ebyo bye mufuna mu kutemula, era ni mukibeesaagho mu ebyo bye mufuna mu kukola ebibi.

Habakkuku 2:15

Mukagwireku, imwe abakozesa obukambwe ku maghanga ge mwaghangula, ni mubaleetera okutagala ng'oti n'abatamiire, era ni baswala.

Habakkuku 2:19

Mukagwireku imwe abakoba ekiti muti: “Zuuka,” oba eibaale eritaghanga na kwogera muti: “Situka.” Ghaligho okwolekebwa kw'oghanga okufuna okuva y'ekintu ng'oti n'ekyo? Ni bwe baba nga baakirimbyaku kyonakyona feeza ni zaabu, era kisigala nga kiziramu bulamu naire.

Habakkuku 2:6

Aye abantu abo abaghangulwa baja kuyeeyereza abo ababaghangula, era babanhoome nga babakoba bati: “Mukagwireku! Mubaire munhaganga ebitali byaimwe era mwebungaku emisingo gy'abo be muwola. Aye ebyo muja kubirekera li?”

Habakkuku 2:9

Mukagwireku, imwe abakombaghaza ab'omu ndhu dhaimwe nga munhaga ebintu eby'abantu abandi. Era ni muzimba endhu dhaimwe mu bifo ebitatuukikamu, nga mugenderera okwewonia.

Matayo 11:21

Yaakoba ati: “Abantu ab'e Korazini, mukagwireku! N'abe Bethisaida, mukagwireku! Kuba ebyewuunhio ebikolerwa mu imwe nguli byali bikoleirwa mu Tiro ni Sidoni, nguli beenenia, baavaala ekutiya, beebbaaka n'eivu.

Matayo 23:23

“Mukagwireku Abanamateeka n'Abafarisaayo, abakuusa imwe, kuba mughaayo ekitundu kirala kirala ku buli bitundu ikumi eky'obuwoowo obuwoomesa eiva, nga buno: eduosimo, anetho, ni kumino. Aye mwaleka ebisinga obukulu ebiri mu Mateeka, bino: Okukolera banaimwe ebibagwaniire, ekisa, n'okwikiriza. Ebyo mugwaine okubikola ate ni bire obutabireka.

Matayo 23:27

“Mukagwireku Abanamateeka n'Abafarisaayo, abakuusa imwe, kuba mufaanana ng'amagombe ge basiizeeku langi endheru obulungi, nga gaboneka bulungi ku ngulu, aye nga munda gaidhwire magumba ga bafu na buli kivundu kyonakyona.

Matayo 23:29

“Mukagwireku Abanamateeka n'Abafarisaayo abakuusa imwe, kuba muzimba amagombe g'abalanzi, mwatimba ebiidhukizo eby'abatuukirivu,

Matayo 26:24

Kale Omwana w'Omuntu aja kufa nga bwe kyamughandiikibwaku, aye akagwireku oyo anaaghaayo Omwana w'Omuntu! Omuntu oyo kyandimubeereire kikalamu nguli tiyazaalibwa.”

Luka 11:52

“Mukagwireku imwe Abeegeresa b'Amateeka, kuba mwatoolagho ekisumuluzo eky'okumanha! Imwe beene timwangira ate mwalobera n'abandingiire.”

Yoanne 19:6

Bakabona Abakulu n'abakuumi bwe baamubona baayasiikana bati: “Mukomerere ku musalaba! Mukomerere ku musalaba!” Pilato yaabakoba ati: “Imwe mumutwale mumukomerere ku musalaba, kuba nze tibona musango gw'aiziiza.”

Yoanne 9:22

Baayogera batyo lwa kutya Abayudaaya, kuba Abayudaaya baali bamaze okusalagho bati omuntu yeenayeena ayatula ati Yesu ni Kurisito wa kubingibwa mu sinagoga.

Yuda 1:11

Bakagwireku! Kuba bagema engira nga Kaini ye yagema. Olw'okugonza einho empiiya bagwa mu nsobi ya Balaamu. Era nga Kora bwe yakola, boona badheemera ababafuga, era baazikirizibwa nga bwe yazikirizibwa