Isaia 1:29 - Baibuli Ekibono kya Katonda 2014

²⁹ Ensoni dhiribagema imwe olw'emiti emikologho gye mwasinzanga, n'olw'enimiro dhe mwasengangamu emisambwa.

Isaia 1:29 ပူးပေါင်းရင်းမြစ်များ

Isaia 30:22

Olwo mulitoola ebifaananie byaimwe ebibaadhe bye mwalimbyaku feeza, n'ebyo bye mwakola mu zaabu, mwabisuula ere ng'ebintu ebitali birongoofu, nga mukoba muti: “Muje ere, era timwiranga!”

Isaia 31:7

Ku lunaku olwo, mwenamwena mulisuula ere ebisinzibwa ebitali Katonda ebya feeza ni zaabu, imwe beene bye mwekolera ebibaleetera okukola ebibi.

Isaia 42:17

Abo abeesiga ebifaananie ebibaadhe, ni bakoba ebifaananie ebyakolebwa mu kyuma ekisaanuusiibwa bati, ‘Niimwe bakatonda baife’, ndibaleetera okunhoomebwa n'okuswazibwa.”

Isaia 45:16

Abo boonaboona abakola ebisinzibwa ebitali Katonda, ensoni dhiribagema era baaswazibwaswazibwa.

Isaia 57:5

Mweguguna okukola obwamalaaya obw'omu masabo, nga musinza emisambwa ghansi mu binsense eby'emiti emikologho emizibirivu. Era mwitira abaana baimwe mu biiko ebirimu entanda edheeyatisa mu mbaale.

Isaia 65:3

Bansoononkereza ekiseera kyonakyona nga bagheera emisengo mu nimiro dhe baasengamu emisambwa, era nga baniokeza obubbaani mu bifo ebigulumivu eby'okusinzizaamu.

Isaia 66:17

Musengwa Katonda akoba ati: “Abo abeerongoosa ni beetukuza, era ni basimba enhiriri okuja ku mikolo egiba mu nimiro dhe basengamu emisambwa, ni balya emamba y'embiidhi, n'empube, n'ebyenhinhalwa ebindi, balizikirizibwa boonaboona ghalala.

Yeremia 2:20

Musengwa Katonda akoba ati: “Imwe Abaisiraeli, mwava ira nga muloba nze okubafuga, mwandheemera, mwakoba muti, ‘Titwidha kumusinzanga.’ Era mwasinzizanga emisambwa ku buli lusozi olugulumivu, na buli ghansi mu kinsense eky'omuti omuzibirivu.

Yeremia 3:6

Yosia bwe yaba nga ni kyabazinga, Musengwa Katonda yankoba nti: “Oboine abantu abo Abaisiraeli abatali beesigwa ng'oti n'omukazi malaaya, kye baakola? Banvaaku ng'oti n'omukazi malaaya bw'ava ku iba, baajanga ku buli lusozi olugulumivu na buli ghansi mu kinsense eky'omuti omuzibirivu, baasinziza eyo.

Ezekieli 16:63

Era ndikusonigha ebyo byonabyona bye wakola, aye waabiidhukiranga ensoni dhaakugema, nga tosobola kwogera kintu kyonakyona olw'okuswala.” Musengwa Katonda atyo bw'akobye.

Ezekieli 36:31

Agho muliidhukira empisa dhaimwe edhaali embi n'ebikolwa byaimwe ebyali ebibi. Olwo mwekyagha olw'ebibi byaimwe n'olw'ebikolwa ebyenhinhalwa bye mwakola.

Ezekieli 6:13

Emirambo gy'abo abaitiibwa girigwa bw'agho gityo ghagati mu bisinzibwa ebitali Katonda, okwezunguluza alutaari dhaibwe. Era gityo bwe girigwa ku buli kasozi kagungumavu, na buli ku ngulu kwa lusozi lunene, na buli ghansi gha muti mukologho muzibirivu, na buli mu kifo abantu kye baajangamu okughaayo ebigheebwayo eby'obuwoowo obusangaaza. Olwo abantu boonaboona baamanha nga ninze Musengwa Katonda.

Hosea 14:3

Ensi Assiria tesobola kutuwonia, n'embalaasi edh'omu lutalo tidhiidha kutuyamba. Era tituliirayo kabiri kweta ebintu bye twekolera n'engalo dhaife, tuti, ‘Katonda waife’; kuba iwe ogemerwa ekisa abo abaziraku babayamba.”

Hosea 14:8

Abaisiraeli tibaliirayo kabiri kusinza ebitali Katonda. Ndidha kubaghanga kye banansabanga, era ndidha kubalabiriranga. Ndidha kubateerangagho ekinsense ng'oti n'omuti ogutawaawuza makaba. Ninze ensimuko ey'ebirungi byonabyona bye bafuna.”

Hosea 4:13

Baghaayo emisengo ku ngulu okw'ensozi enene, baaghaayo ebigheebwayo ku busozi obutono, ni ghansi gh'emiti emikologho emizibirivu, kuba ebinsense byagyo birungi. Baghala baibwe kyebava ni bakola obwamalaaya, ni bakazi baibwe ni bakola obwenzi.

Hosea 4:19

Empewo eribawungula yaaja nabo, era ensoni dhiribagema olw'emisengo gye baghaayo mu kusinza ebitali Katonda.”

Ab'e Roma 6:21

Aye mwaganhulwamu ki okukola ebintu ebyo ebibagemya n'ensoni mperaano? Kuba enkomerero y'ebintu ebyo kufa.