Isaia 1:25 - Baibuli Ekibono kya Katonda 2014

²⁵ Ndidha kubakolaku, mbasaanuuse ng'oti bwe basaanuusa ekyuma, era mbakenenule mbamaliremu irala ebidomboodo byonabyona ebibalimu.

Isaia 1:25 ပူးပေါင်းရင်းမြစ်များ

Zabbuli 119:119

Abakozi b'ebibi boonaboona obabona nga baziramu makulu ng'oti bidomboodo, kyenva ni ngonza okukola ebyo by'okoba.

Isaia 1:22

Iwe Yerusalemu wali wa mughendo ng'oti feeza, aye mperaano ozira mugaso ng'oti iseedha buseedha; wali mulungi ng'oti mwenge gwa mizabbibu, aye mperaano oli ng'oti maadhi buudhi.

Isaia 27:9

Aye Abaisiraeli balisoniyibwa ebibi byaibwe, nga bamaze okumenhamenha alutaari dh'emisambwa n'okusekulasekula amabaale gaadho ni gafuuka ensaano. Era nga bamaze okukomya okuniokezanga obubbaani ku alutaari edho, era nga basaaniizaagho kiisi kamanhiso akooleka omusambwa omukazi Ashera.

Isaia 4:4

Agho Musengwa Katonda aliba ng'amaze okukozesa obuyinza bwe okusalira omusango abantu b'omu Yerusalemu, n'okubanaazaaku ebibi byaibwe, n'okutoola ku Yerusalemu omusango ogw'obutemo bwe baakikoleramu.

Yeremia 6:29

Ng'omuntu bw'asaanuusa ekyuma n'omuliro ogw'amaani ogukumiibwa emivuba gy'abagheesi, aye nikisigala nga kikaalimu ebiteetaagibwa, n'abantu bange boona batyo bwe bali, tosobola kubatoolamu kukola bibi.

Yeremia 9:6

Baja bwa mu maiso na kukiriga bandi, na kwogera bya buguya. era baaloba okuumanha. Musengwa Katonda atyo bw'akoba.

Yeremia 9:7

Kale ni Musengwa Katonda oyo Afuga Amagye akoba ati: “Bona eno, ndidha kubasaanuusa ng'omuntu bw'asaanuusa ekyuma, era mbeekebeedhe; kuba nzira kindi kya kukolera bantu bange abo.

Ezekieli 20:38

Ndibasunsulamu abo abadheemu, n'abo abakola ebibi ni bansungughaza. Ndibatoola mu nsi dhe baasengamu, aye tiribaganha kwirayo mu Isiraeli. Olwo mulimanha nga ninze Musengwa Katonda.”

Ezekieli 22:19

Agho ni, nze Musengwa Katonda kyenva ni mbakoba nti: Olw'okuba boonaboona baafuuka iseedha buseedha, ndibasololeza ghalala mu Yerusalemu,

Ezekieli 22:20

ng'abantu bwe basoloza feeza, n'ekyuma eky'ekikomo, n'ekyuma ekigumu einho, n'ekyuma ekizitogha einho n'eibaati, ni babita mu kyokero ni babisaanuusa. Zeena ntyo bwe ndibasoloza, nga ndiku obusungu n'ekiruyi, naabata agho naabasaanuusa.

Ezekieli 22:22

Nga feeza bw'asaanuukira mu kyokero, boona bwe balisaanuukira mu Yerusalemu, memale baamanha nga nze Musengwa Katonda mwene, ninze mbamaliireku obusungu bwange.”

Zefania 3:11

Mu kiseera ekyo, imwe abantu bange timuja kugemwa nsoni kabiri olw'okudheema kwe mwandheemeranga. Nja kubatoolamu abo boonaboona abeekuluntaza mu imwe n'abo abeegulumiza. Era timuja kwirayo kundheemera ku lusozi lwange olutukuvu.

Malaki 3:3

Alityama okusala omusango ng'omufumbi w'ebyuma bw'akenenula feeza. Alisengeedha bakabona baidhukulu ba Levi yaabakenenula, ng'ole bw'akenenula zaabu ni feeza, okutuusa lwe balitoolera okughaayo ebigheebwayo ebituufu eri Musengwa Katonda.

Matayo 3:12

Agemye olugali mu ngalo, aidha kulongoosa bukalamu ekifo kye aghakubirwa engaano, engaano agikungaanize mu kyagi, omusinsi agwokye mu muliro ogutazikira.”

Amateeka Agokubiri 32:43

“Agho Musa yaakoba ati: ‘Imwe amaghanga musaake abantu ba Musengwa Katonda, kuba yeesasuuliza ku bazigu be abaita abagheereza be, yaagemerwa ensi ye n'abantu be ekivunika.’

Okwolekebwa 3:19

“Nze abo be ngonza mbanenia era mbakangaivula. Kale fuba weenenie.