Isaia 1:23 - Baibuli Ekibono kya Katonda 2014

²³ Abakulembeze bo badheemu, era bagemagana na baibi. Buli muntu agonza kulya nguzi era yaagunirira okugheebwa ebirabo. Tibalwaniriraku bamulekwa, waire okuwulirisa ensonga banamwandu dhe babaleetera.

Isaia 1:23 ပူးပေါင်းရင်းမြစ်များ

2 Ebyomubyanda 36:14

Ni bakabona abakulu nga kw'otaire n'abakulembeze abantu, boona baakola ebibi einho nga bajiira ku byenhinhalwa byonabyona eby'abamaghanga agandi. Kale baayonoona batyo eisinzizo Musengwa Katonda mwene lye yatukuza mu Yerusalemu.

Okuvaayo 23:8

“Otalyanga nguzi, kuba enguzi eziba abantu amaiso era yaafuulaniafuulania ensonga dh'oyo omutuufu.

Ensambo 17:23

Omulamuzi omubi aganha baamugha enguzi mu ngiso, olwo yaabuzaabuza amazima.

Ensambo 29:24

Omuntu akolagana n'omwibi akyagha obulamu obubwe mwene, era ni bwe bamulayiza takwekula mazima.

Isaia 1:17

mwege okukolanga ebirungi. Mufubenga okukola mu butuufu, mulekezenga agho abantu okutuntuza banaibwe, mulwanirirenga bamulekwa era muwolerezenga banamwandu.”

Isaia 1:18

Musengwa Katonda akoba ati: “Kale ni mwidhe twogere ku bintu ebyo twisanie. Ebibi byaimwe ni bwe biba nga byabamyusa bwe myu myu myu, ndidha kubanaaza mutukule ng'oti mugozi; era ebibi ebyo ni bwe biba nga byabafuula ba kasaayisaayi omugemu, ndidha kubaamula mube beeru ng'oti n'enhonhi dhe beeta enhange.

Isaia 1:22

Iwe Yerusalemu wali wa mughendo ng'oti feeza, aye mperaano ozira mugaso ng'oti iseedha buseedha; wali mulungi ng'oti mwenge gwa mizabbibu, aye mperaano oli ng'oti maadhi buudhi.

Isaia 28:14

Kale muwulire imwe abanhoomi abafuga abantu bano mu Yerusalemu.

Isaia 3:14

Musengwa Katonda aja kusalira omusango abakulembeze n'abakungu ab'abantu be, ati: “N'imwe omwamaliriragho amasamba g'emizabbibu, era endhu dhaimwe dhiidhwire bintu bye mwanhagulula ku baavu.

Isaia 30:1

Musengwa Katonda akoba ati: “Bakagwireku abakulembeze abo abadheemu, abajiira ku ntegeka nze dhe ntakoze, era ni bakola endagaano edh'enkolagana n'amaghanga agandi; kuba agho baba bongera kibi ku kibi.

Isaia 33:15

Ole akola ebituufu era n'ayogera eby'amazima, atakozesa buyinza bwe kunhigiriza baavu olw'okwenda okubafunamu, atayenderaku irala kulya nguzi, ateeyimba na bantu abatemula banaibwe, era atayendera irala kubona muntu akola kibi,

Isaia 5:23

Beedheereza abantu abaliku emisango baabaleetera okugisinga olw'enguzi, aye abaziraku musango baaloba okubakolera ekituufu ekibagwaniire.

Isaia 65:2

Olunaku lwonalwona nayandhuluzanga emikono gyange okusangaaza abantu abadheemu, abeebisa mu nsambo etali nkalamu nga bajiira ku ebyo beene bye bayiiya okukola.

Yeremia 22:17

Aye iwe weemalira mu bya kufuna mu bukyamu byonka, waita abantu abaziraku musango, era waatuntuza abantu b'ofuga n'obukambwe.”

Yeremia 32:32

olw'ebibi byonabyona abantu b'omu Isiraeli n'ab'omu Yerusalemu bye baakola. Baakola ebibi ghalala ni bakyabazinga baibwe, n'abakulembeze baibwe, ni bakabona baibwe, era n'abalanzi baibwe.

Yeremia 4:17

Balizingizanga Yerusalemu okukyezunguluza, ng'oti n'abakuuma enimiro bwe bakola, kuba abantu baamu bandheemera. Nze Musengwa Katonda, ninze nkobye.

Yeremia 5:5

Ndidha kuja y'abakulembeze ndhogere nabo; kuba abo baidhi Musengwa Katonda by'ayenda, era baidhi amateeka ga Katonda waibwe oyo.” Aye boonaboona aghalala baadheemera Musengwa Katonda, baaloba kuwulira mateeka ge.

Yeremia 5:6

Abantu abo bali n'ebibi kamaala era baava inho ku Katonda. Kale ni empologoma dhiriva mu kibira dhaabaita, emisege gyava mu irungu gyabazikiriza, n'empala dhaabeeteega mu bibuga byaibwe, nga kiisi muntu afuluma dhimuyuzayuza.

Ezekieli 12:2

“Iwe omuntu, oli mu bantu abadheemu, abali n'amaiso aye nga tibabona era abali n'amatu aye nga tibawulira, olw'okuba badheemu.

Ezekieli 22:27

Abakulembeze baamu bali ng'oti misege egikankanula kye gigemye. Baita abantu baabazikiriza, basobole okutwala ebintu byaibwe, bakombaghale.

Hosea 4:18

Bwe bamala okutamiira beemalira mu bwenzi; baasanhukira ebibaswaza, okusinga ebyo ebibateesaamu ekinhagansi.

Hosea 5:10

Musengwa Katonda akoba ati: Abakulembeze b'omu Buyudaaya, bafuuse ng'oti n'abantu abakyusa embibi ni banhaga eitaka lya banaibwe. Kale ndibamaliraku ekiruyi kyange ng'oti n'ali kubabboomaku amaadhi.

Hosea 9:15

Musengwa Katonda akoba ati: “Baatandiikira Giligali okukola ebibi. Era eyo nze ye natandiikira okubakyagha. Kale ni ndibabinga mu nsi yange olw'ebibi bye bakola. Tiriiramu kabiri kubagonza. Abakulembeze baibwe boonaboona bandheemera.

Amosi 5:12

kuba ndidhi ebibi byaimwe bwe byaga obungi, era naamanha emisango gye mwaiza bwe gyaga obunene. Mudaazadaaza abantu abatuufu, mwalya enguzi. Era mwafuulaniafuulania ensonga edh'abaghafu, mwabasaliriza mu mbuga dh'amateeka.

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Mika 3:9

Imwe abakulu ab'ebikunsu mu Isiraeli muwulire bino: mukyagha okukola ebituufu, era ebikolwa ebyandibaire ebirungi mwabifuulania byaba bibi.

Mika 6:12

Abakombe mu imwe batuntuza abaavu era mwenamwena mwidhwire buguya.

Mika 7:3

Abantu banaze okukola ebibi, abafuzi n'abalamuzi balya enguzi. Omukungu bw'abakobera ekibi ky'ayenda okukola, beeyimba naye baayiiya bwe babe bakikole.

Zekaria 7:10

Mutafuginkirizanga muntu yeenayeena, k'abe namwandu, oba mulekwa, oba omusenze, oba omwavu. Era mutayiiyanga mu myoyo gyaimwe kukola kabi ku banaimwe.’

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Okubala 22:7

Kale abakulembeze b'e Moabu n'abakulembeze b'e Midia baaja, nga beetwise eby'okusasula Balaamu olw'okukolima. Bwe baatuuka ye Balaamu baamugha obukwenda Balaki bwe yabatuma.

Matayo 21:13

Era yaabakoba ati: “Kyaghandiikibwa kiti, ‘Endhu yange enaayetebwanga ndhu ya kusabiramu,’ aye imwe mugifiire mpuku ya banhazi!”

Mariko 11:17

Agho yaayegeresa ng'abakoba ati: “Tikyaghandiikibwa kiti, ‘Endhu yange enaayetebwanga yaakusabiramu amaghanga goonagoona.’ Aye imwe mugifiire mpuku ya banhazi!”

Luka 19:46

Yaabakoba ati: “Kyaghandiikibwa kiti, ‘Endhu yange enaabanga ndhu yaakusabiramu.’ Aye imwe mugifiire mpuku ya banhazi!”

Luka 24:27

Agho yaatoolera okubainhonhola Ebyaghandiikibwa, ebyo byonabyona ebimugemaku, eby'abalanzi boonaboona okuviira irala ku Musa.

Amateeka Agokubiri 16:19

Batasalirizanga, waire okwekubiranga, oba okulyanga enguzi, kuba enguzi etulughaza amaiso g'omugezi gaava ku kituufu, era ereetera omuntu okufuulaniafuulania by'akoba.

Yakobo 1:27

Okwikiriza okutuufu era okuziramu buguya mu maiso ga Katonda Lata ni kuno: okulabirira bamulekwa, ni banamwandu, n'okwekuuma obutoonoonebwa nsi eno.

1 Samueli 8:3

Aye batabane ba Samueli abo tibeebisanga mu nsambo iseibwe ye yeebisangamu. Baajiiranga inho ku by'okufuna, n'okulya enguzi, era n'okusaliriza emisango.