Isaia 1:18 - Baibuli Ekibono kya Katonda 2014

¹⁸ Musengwa Katonda akoba ati: “Kale ni mwidhe twogere ku bintu ebyo twisanie. Ebibi byaimwe ni bwe biba nga byabamyusa bwe myu myu myu, ndidha kubanaaza mutukule ng'oti mugozi; era ebibi ebyo ni bwe biba nga byabafuula ba kasaayisaayi omugemu, ndidha kubaamula mube beeru ng'oti n'enhonhi dhe beeta enhange.

Isaia 1:18 ပူးပေါင်းရင်းမြစ်များ

Yobu 9:33

Aye ghazira mulamuzi ghagati wange naye, anaatuwozesa n'atusaliragho.

Zabbuli 51:7

Nnaazaaku ebibi ndidha kutukula; era onhamule ndidha kuba mweru okusinga n'omugozi.

Zabbuli 51:9

Otalingirira bibi byange, era sasaagho okwonoona kwange kwonakwona.

Isaia 1:23

Abakulembeze bo badheemu, era bagemagana na baibi. Buli muntu agonza kulya nguzi era yaagunirira okugheebwa ebirabo. Tibalwaniriraku bamulekwa, waire okuwulirisa ensonga banamwandu dhe babaleetera.

Isaia 3:13

Musengwa Katonda asitwike yaidha okulumiriza abantu be, yeetegeike okubasalira omusango.

Isaia 41:1

Katonda akoba ati: “Musirike imwe ab'omu biketezo eby'oku nhandha, muwulirise kye nkoba. Abantu abamaghanga ka bairemu amaani buyaaka, baseete beewozeeku. Ka baseete tube ghalala omusango gusalwe.

Isaia 41:21

Musengwa Katonda kyabazinga wa Isiraeli akoba ati: “Imwe bakatonda ab'amaghanga mwandhule ensonga dhaimwe, mutooleyo n'obudhulizi obukakasa.

Isaia 44:22

Ndheyiiyaagho ebibi byo byavaagho ng'oti kire, ebyonoono byo ebyo byabulagho ng'oti lufu. Kyuka oire ye ndi, kuba ninze nakununula.”

Isaia 50:8

Katonda oyo ali kumpi, era aidha kwoleka nga bwe nziraku musango. Kale naani ali ni ky'anvunaana? Aseete ghe ndi. Naani ali kuneesimbamu? Ka yeesimbegho tuwoze naye.

Isaia 55:7

Ababi balekeyo empisa dhaibwe embi; aboonooni bave mu ndowooza yaibwe embi. Baire eri Musengwa Katonda, aidha kubagemerwa ekivunika; Katonda waife oyo aidha kubasoniyira irala na mwoyo mulala.

Yeremia 2:5

Musengwa Katonda akoba ati: “Kisobyo ki badhaadha baimwe kye bambonamu, memale ni basalagho okunvaaku. Ni baja okusinza ebintuntu ebiziramu makulu, era ni beene ni bafuuka abaziramu makulu?

Ezekieli 18:27

Aye omwonooni bw'akyuka n'alekera okukola ebibi, n'akola ebituufu ebigwaniire ng'ajiira ku mateeka, aliwonia obulamu bwe

Ezekieli 33:16

Ebibi byonabyona bye yakola birimusoniyibwa yaaba mulamu, kuba yakola ebituufu ebigwaniire ng'ajiira ku mateeka.

Mika 6:2

Imwe ensozi n'imwe emisingi egy'ensi egy'olubeerera, muwulirise omusango gwa Musengwa Katonda. Musengwa Katonda ali n'omusango gw'aghaghabira abantu be. Aja kulumiriza Abaisiraeli.

Ebikolwa by'Abatume 17:2

Agho ng'empisa ya Paulo bwe yali, yaaja mu sinagoga. Yaamala Sabbato isatu ng'akubagania ebidhuubo n'abantu okuva mu Byaghandiikibwa.

Ebikolwa by'Abatume 18:4

Ku buli Sabbato Paulo yatakananga n'Abayudaaya n'Abagureki nga agezaaku okubaikirizisa.

Ebikolwa by'Abatume 24:25

Aye Paulo bwe yayogera ku butuukirivu, ni ku muntu okufuga omubiri gwe, era ni ku lunaku olw'okusaliraku omusango, Felikisi yaatya, yaakoba ati: “Mperaano ja ndidha kufunayo ekiseera nkwetese.”

Ab'e Roma 5:20

Amateeka gaidha ekibi kyeyongere. Aye ekibi ye kyakoma okweyongera, n'ekisa kya Katonda ye kyakoma okweyongera.

Okwolekebwa 7:14

Naamwiramu nti: “Isebo, niiwe oidhi.” Yankoba ati: “Abo n'abaabita mu kudaazibwadaazibwa okunene ni baamula ebivaalo byaibwe n'omusaayi ogw'Entaama Ento, ni bifuuka ebyeru.

1 Samueli 12:7

Kale ni, buti mwemerere bukalamu mbalumirize mu maiso ga Musengwa Katonda olw'ebirungi byonabyona bye yabakolera imwe ni badhaadha baimwe.