Isaia 1:16 - Baibuli Ekibono kya Katonda 2014

¹⁶ Munaabe, mutukule mukomye agho bye mukola nga mbona, ebitali bya butuukirivu. Mulekere agho okukolanga ebibi,

Isaia 1:16 ပူးပေါင်းရင်းမြစ်များ

2 Bakyabazinga 17:13

Ate nga Musengwa Katonda yalabulanga Isiraeli ni Buyudaaya ng'abita mu balanzi ni mu baboni, ng'akoba ati: “Mukyuke, muve mu mpisa dhaimwe embi mugeme ebiragiro byange ebiri mu Mateeka gange, ge nagha badhaadha baimwe nga mbita mu bagheereza bange abalanzi.”

Zabbuli 26:6

Wo Musengwa Katonda, okumanha nga nziraku musango, nnaabye mu ngalo, era naatambula okwezungulula alutaari nga nkusinza.

Zabbuli 34:14

Ave mu kukola ebibi akole ebituufu, anoonie eidembe era alitambuliremu.

Zabbuli 37:27

Lekera agho okukola ebibi, okole ebikalamu, oidha kuba ku nsi ebyanda n'ebyanda.

Zabbuli 51:2

Nnaaliza irala omaleku embiidhabiidha, era ontukuze nveeku ebibi!

Ensambo 21:3

Okukola ebituufu n'okukolera ku mazima, bisiimya Musengwa Katonda okuwula okumugha emisengo.

Ensambo 4:27

Tambulanga butereevu aghazira kudaaliimira eno n'ere; otaganhanga kigere kyo kuja mu ngira ya kukola bibi.

Isaia 52:11

Muje, muje, muve mu Babiloni, imwe ababbeeda ebintu ebikozesebwa mu isinzizo lya Musengwa Katonda. Mutagema ku kintu kyonakyona ekitali kirongoofu. Muje mwekuume nga muli balongoofu.

Yeremia 18:11

Kale ni kobera abantu b'omu Buyudaaya n'ab'omu Yerusalemu, oti ndi kukola entegeka okubakolaku akabi, era neetegeike okubabonereza. Bakobe buli muntu alekere okukola ebibi, era akyuse empisa dhe n'ebikolwa bye ebibi.

Yeremia 25:5

abaabakobanga bati, ‘Buli muntu alekere okukola ebibi era akyuse empisa dhe embi. Memale olwo musigale nga muli mu nsi Musengwa Katonda ye yabagha, imwe ni badhaadha baimwe, ebenga yaimwe ku bwaimwe.

Yeremia 26:3

Oba katyo banaawulira, baakyuka baalekayo empisa dhaibwe embi. Olwo nze ndidha kukyusa ekirowoozo kyange, ndobe kubakolaku kabi olw'ebikolwa byaibwe ebibi, nga bwembaire ntegeike okukola.

Yeremia 35:15

Buliidho mbaire ntumanga ye muli abagheereza bange abalanzi aghazira kukoogha naire, babakobe mulekere okukola ebibi, mukole ebituufu. Era mulobe kujiiranga ku bakatonda abandi nga mubasinza, olwo musobole okusigalanga mu nsi ye nabagha imwe ni badhaadha baimwe. Aye nga imwe timumpulirisa, waire okufaayo ku bye nkoba.

Yeremia 4:14

Imwe ab'e Yerusalemu, munaaze emyoyo gyaimwe mugimalemu ebibi, memale mulokolebwe. Mulituusa li okubanga n'ebirowoozo ebibi mu myoyo gyaimwe?

Amosi 5:15

Mukyaghe ebibi, mugonze ebirungi. Musalenga mu mazima mu mbuga dhaimwe edh'amateeka. Oba katyo Musengwa Katonda Afuga Amagye, yaakagemerwa abaliwonagho ku Baisiraeli ekivunika.

Yona 3:8

Buli muntu ateekwa okwesiba ekutiya, na buli nsolo esibibwe ekutiya. Buli muntu ateekwa okulekayo ebibi by'akola n'ebikolwa eby'obukambwe, yeeghembe Katonda n'omwoyo mulala okumusonigha.

Zekaria 13:1

Musengwa Katonda Afuga Amagye akoba ati: “Ekiseera ekyo bwe kirituuka, ensulo eriigulwagho olw'okunaaza ebibi n'obwonoonefu ku baidhukulu ba Daudi n'abantu b'omu Yerusalemu, basobole okwetukuza.

Zekaria 7:7

Byene ebyo Musengwa Katonda bye yayogera ng'abita mu balanzi abaaligho mu biseera eby'eira. Mu biseera ebyo ekibuga Yerusalemu bye kyabeeranga ng'ebintu bikijiira bukalamu nga kiidhwire abantu. Era ng'abantu bali kamaala mu bibuga ebikyezungulwire, ni mu biketezo ebiri ku luuyi olw'omukono omusaadha olw'e buvandhuba, n'ebyo ebiri mu biiko.

Matayo 3:8

Kale ni mwanie ebibala ebyoleka okwenenia.

Ebikolwa by'Abatume 22:16

Kale mperaano olinda ki? Situka obatizibwe onaazibweku ebibi byo ng'osinza Katonda.’

Ab'e Roma 12:9

Okugonza kwaimwe kubenga kwa mazima, mulekenga kukola kibi, mukalangukirenga ku kikalamu.

2 Ab'e Korintho 7:1

Bakagwa, nga bwe tuli n'ebisuubizo bino, ka twenaazeeku buli kintu kyonakyona ekyonoona omubiri n'omwoyo, tube mu bulamu obutuukiriire nga tutya Katonda.

Yakobo 4:8

Museete kumpi ni Katonda, yeena aidha kuseeta kumpi n'imwe. Munaabe mu ngalo dhaimwe mwetukuze imwe abakozi b'ebibi. Mutukuze emyoyo gyaimwe imwe abaguya.

1 Petero 2:1

Kale ni mwetoolemu emize gyonagyona emibi, obuguya, okwewoomya ku ngulu, ensaalwa n'okuvuma.

1 Petero 3:11

Ave mu kukola ebibi akole ebituufu, anoonie eidembe era alitambuliremu;

Okwolekebwa 7:14

Naamwiramu nti: “Isebo, niiwe oidhi.” Yankoba ati: “Abo n'abaabita mu kudaazibwadaazibwa okunene ni baamula ebivaalo byaibwe n'omusaayi ogw'Entaama Ento, ni bifuuka ebyeru.