Isaia 1:15 - Baibuli Ekibono kya Katonda 2014

¹⁵ Agho ni, bwe munaayandhuluzanga emikono gyaimwe nga muneeghemba, tiidhanga kubalingaku; ni bwe munansabanga einho mutya, tiidhanga kubawulirisa; kuba engalo dhaimwe dhisaabaine musaayi.

Isaia 1:15 ပူးပေါင်းရင်းမြစ်များ

1 Bakyabazinga 8:22

Agho Solomoni yaayemerera mu maiso g'alutaari ya Musengwa Katonda, ng'Abaisiraeli boonaboona abeesoloiza baligho, yaayandhululiza emikono gye eri eigulu.

1 Bakyabazinga 8:54

Solomoni bwe yamala okusaba Musengwa Katonda ebyo byonabyona ng'amweghemba, yaasituka gh'alutaari ya Musengwa Katonda, ghe yali akubye amakiryaivu ng'ayandhululiiza emikono gye y'eigulu.

Ezera 9:5

Ekiseera eky'okughaayo omusengo ogw'eigulo bwe kyatuuka, naasituka ghe nali ntyaime nga ndi kusiiba era nga nkaali mu bivaalo byange ebikanufu. Naakuba amakiryaivu era naayandhululiza eri Musengwa Katonda wange emikono nga nkoba nti:

Yobu 27:20

Ebitiisa bimugwira mangu ng'oti mwidhuzo gwa maadhi ogazindula obuzindule, era obwire kiwunga yaamutwaliriza.

Yobu 35:13

Bwenebwene balirira bwereere, Katonda tabawulira naire, oyo Aghanga Ebintu Byonabyona talingaku ye bali.

Zabbuli 134:2

Mulingirize emikono gyaimwe eri ekifo ekitukuvu, musaake Musengwa Katonda.

Zabbuli 55:1

Wo Katonda wange, wulira okusaba kwange, otankuba nkoone nga ndi kukweghemba.

Zabbuli 66:18

Ngoli nali n'ebibi mu mwoyo gwange, Musengwa Katonda tiyandiwuliriisa kusaba kwange.

Okuvaayo 9:29

Musa yaamwiramu ati: “Olunaafuluma ekibuga kino nti, ndidha kughanika emikono nsabe Musengwa Katonda, okubwatuka okw'olukuba kusirike era n'omugozi gwonagwona guweegho, olwo omanhe ng'ensi ya Musengwa Katonda yenka.

Ensambo 1:28

olwo mulindheta aye naabasiriikirira, mulindhagala mu buli kankondo aye nga timulimbona.

Ensambo 6:17

okwebona ng'owa ghaigulu, okuba omuguya, okutemula abantu abaziraku musango,

Isaia 4:4

Agho Musengwa Katonda aliba ng'amaze okukozesa obuyinza bwe okusalira omusango abantu b'omu Yerusalemu, n'okubanaazaaku ebibi byaibwe, n'okutoola ku Yerusalemu omusango ogw'obutemo bwe baakikoleramu.

Isaia 45:15

Katonda Omulokozi wa Isiraeli, ni Katonda eyeekweka.

Isaia 58:4

Okusiiba kwaimwe kubaleetera bukambwe, mwasoola era mwalwana, mwafuntagana bwa bifunsi.’ “Mulowooza muti bwe musiiba mu nsambo ng'oti n'eyo, nze nsobola okuwulirisa okusaba kwaimwe?

Isaia 58:7

Abo abali endhala mubaghenga ku mere yaimwe, n'abaavu abazira maka mubaingizenga mu maka gaimwe. Abo ababita amadu mubaghenga eby'okuvaala, era mutalobanga kuyamba bantu babaliku luganda.

Isaia 64:7

Ghazira aidha y'oli kukusaba ghazira asitukiramu kulumukira y'oli omuyambe. Iwe watwegisaaku era waatulekulira agho mu bibi byaife.

Isaia 8:17

Ndidha kuteegerera Musengwa Katonda atubeere, waire nga mpegaano yeegisiisa ku bantu be. Oyo nze ye ndidha okusuubiriramu.

Yeremia 11:11

Mperaano ni, nze Musengwa Katonda ndi kubalabula nti nja kubasindikira akabi ke bataidha kuwona. Ni bwebalirira nga benda nze mbayambe, tiribafaaku naire.

Yeremia 14:12

Ni bwe banaasiiba, nze tija kuwulirisa bye bansaba nga bandirira. Era ni bwe banampanga ebigheebwayo ebyokebwa n'ebigheebwayo eby'emere y'empeke, nze tiidha kubasiimanga. Aye ndidha bwa kubazikiriza mu ntalo era mbasindikire endhala n'endwaire ya kawumpuli bibaite.”

Yeremia 4:31

Mpuliire okusinda ng'oti n'okw'omukazi ali kulumwa okuzaala, era naawulira okwana ng'oti n'okw'omukazi ali kuzaala omwana we omuberi. Okwo n'okulira kwa Yerusalemu ali kusika omuuka nga tigwidha, n'ayandhuluza emikono ng'akoba ati: ‘Nkagwireku nze! Abatemo bali kwenda kundhita!’”

Ezekieli 11:6

Mweyongeire inho okuja nga mwita abantu mu kibuga kino, mwaidhuza enguudo dhaakyo emirambo.

Ezekieli 14:3

“Iwe omuntu, abantu abo baghaireyo emyoyo gyaibwe okusinza ebitali nze Katonda, era ebyo bye bajiiraku byabaleetera okukola ebibi. Kale nsobola ntya okubaganha baneebuuzeeku?

Ezekieli 39:23

Era amaghanga galimanha ng'ab'eighanga Isiraeli baatwalibwa mu bunhage lwa bibi byaibwe, kuba baaneefuulaku bandeetera okubalekulira agho, naabaghaayo mu ngalo edh'abazigu baibwe baabaita boonaboona.

Hosea 5:6

Ni bwebalija okunoonia Musengwa Katonda bagheeyo ku mbuzi, ni ku nte, ni ku ntaama dhaibwe ng'emisengo, tibalimuzuula gh'ali; kuba yabavaaku.

Mika 3:4

Aye ekiseera kiri kwidha, mulirire Musengwa Katonda, aye alobe kubafaaku. Mumusabe, aye alobe kubakolera kye muli kumusaba. Kuba ebikolwa byaimwe bibi.

Zekaria 7:13

era olw'okuba baaloba okuwulira bye nabakobanga, zeena naalobanga okubagha bye bansabanga.

Matayo 23:13

“Mukagwireku Abanamateeka n'Abafarisaayo abakuusa imwe, kuba mwigaliragho abantu Obwakyabazinga obw'omu igulu kuba imwe beene timungira waire okuganha abenda okwingira.” [

Matayo 6:7

“Aye mu kusaba mutabalankananga ng'abatatya Katonda bwe bakola, kuba badhuuba bati mu bibono byaibwe kamaala mwe bawulirirwa.

Yoanne 9:31

Twidhi tuti Katonda tawulira bakozi ba bibi, aye awulira oyo amutaamu ekinhagansi era akola by'ayenda.

1 Timotheo 2:8

Kale, nhenda abasaadha, buli ghantu woonawoona beeghembenga Katonda, nga baghanika emikono gyaibwe emitukuvu, nga bazira busungu oba ntaka.