Isaia 1:13 - Baibuli Ekibono kya Katonda 2014

¹³ Mulekere agho okuleetanga ebigheebwayo ebiziramu makulu. Obubbaani bwe muniokeza buneenhinhasa, oteeku n'Ebibinuko eby'Okuboneka kw'Omwezi bye mukuza, n'enaku dha Sabbato dhe mukuza, n'okwesoloza kwaimwe okw'okusinza. Tisobola kuguminkiriza bibi byaimwe, ni nguminkiriza na kwesoloza kwaimwe okwo okw'okusinza.

Isaia 1:13 ပူးပေါင်းရင်းမြစ်များ

2 Bakyabazinga 4:23

Iba yaamubuuza ati: “Lwaki oli kuja y'ali olwaleero, ate nga ti lunaku lwa Sabbato waire okuba olw'Ekibinuko eky'Okuboneka kw'Omwezi?” Omukazi yairamu ati: “Iwe otafaayo.”

1 Ebyomubyanda 23:31

n'okughangayo eri Musengwa Katonda oyo ebigheebwayo ebyokebwa, ku Sabbato, ni ku buli Kibinuko eky'Okuboneka kw'Omwezi, era ni ku nnaku edhindi edhaateebwagho. Ebyo byonabyona nga bali n'okubikolanga mu maiso ga Musengwa Katonda aghazira kwosaamu naire, era nga bajiira ku mughendo ogulagirwa.

Zabbuli 78:40

Emikuzi kamaala baamudheemeranga eyo mu irungu baamusungughazanga inho.

Okuvaayo 12:16

Ku lunaku olusooka ni ku lwomusanvu mu nnaku edho, muneesolozanga olw'okunsinza nze Musengwa Katonda. Era mu nnaku edho mutakolerangamu mulimo gwonagwona okutoolaku okutegeka emere yaimwe ey'okulya.

Ensambo 21:27

Musengwa Katonda yeenhinhata emisengo egy'ababi, n'okusingira irala bwe baba nga bagireese n'ekigendererwa ekibi.

Ensambo 7:14

“Olwaleero mpaireyo ekigheebwayo olw'okutabagana, era naasasula kye neeyama. Kale ndi n'emamba kamaala eka.

Isaia 66:23

Buli ku kuboneka kw'omwezi na buli ku Sabbato, abantu boonaboona baliidhanga baasinza mu maiso gange.

Isaia 66:3

“Ghaligho abantu abasalagho okukola ebintu nga bwebenda, nga tibataagho ndhawulo naire ghagati gha kino ni kire: Ole okughaayo ente ng'omusengo, akibona nga n'ekirala n'ole aghaireyo omuntu. Ole okughaayo entaama ento ng'omusengo, akibona nga n'ekirala n'ole amenha enkoto y'embwa. Ole okuleeta ekigheebwayo eky'emere ey'empeke, akibona nga n'ekirala n'ole aghaireyo omusaayi gw'embiidhi. Ole okuniokeza obubbaani, akibona nga n'ekirala n'ole asaba enkabi eri ekisinzibwa ekitali Katonda. Abantu abo kye benda kye bakola, era basanhukira inho ebyenhinhalwa bye bakola.

Okulira 2:6

Yamenhagho eisinzizo lye ng'ole bw'amenhagho entindi eba ng'eri mu musiri, endhu eyo abantu mwe baajanga olw'embaga edh'ebibinuko ebyalagirwa, yaagizikiriza yafuuka bifulukwa byereere. Musengwa yalekeza agho ebibinuko ebyalagirwa, yaalekeza ni Sabbato. Era olw'obusungu obungi, kyabazinga ni bakabona takaabaliku naire.

Ezekieli 20:39

Musengwa Katonda era akoba ati: “Mperaano imwe Abaisiraeli, oba nga timwenda kumpulira, buli muntu aje agheereze ebisinzibwa bye ebitali nze Katonda. Aye mbalabula obutairayo kwonoona liina lyange eitukuvu, eno nga mumpa ebigheebwayo ate ere nga bwemusinza ebitali nze Katonda.

Hosea 2:11

Ndirekeza ebintu byonabyona ebimuleetera okusagamba: embaga edh'ebibinuko bye byonabyona eby'Okuboneka kw'Omwezi, n'edha Sabbato, n'edh'ebibinuko bye ebindi byonabyona ebyalagirwa.

Yoeli 1:14

Mulangirire ghabeegho okusiiba, mwete abantu beesoloze ghalala. Musoloze abakulembeze n'abantu boonaboona ab'omu Buyudaaya, baidhe mu isinzizo lya Musengwa Katonda waimwe, mumulirire amaziga, ababeere.

Yoeli 2:15

Mufuuwe amagwala mu Sioni, mulagire abantu basiibe, okusiiba okutukuvu. Era mwete abantu beesololeze okusinza.

Abalevi 26:31

ndidha kusaaniagho ebibuga byaimwe, n'ebifo mwe musinziza, ndobe na kusiimanga misengo gyaimwe.

Malaki 1:10

Musengwa Katonda Afuga Amagye akoba ati: “Kyandibaire kikalamu ngoli owundi ku imwe aigalagho endhigi dh'eisinzizo, mwalekera agho okukumira obwereere emiriro ku alutaari yange! Bye mukola tibiinhoonha naire, n'ebigheebwayo ebiva mu ngalo dhaimwe tiidhanga kubisiima.

Okubala 10:2

“Kolayo amagwala abiri ng'ogagheesiisa mu feeza n'enhundo, ogakozesenga okwetesa abantu beesolozenga, basimbulengagho weema dhaibwe bajenga aghantu aghandi.

Matayo 15:9

Bansinza mu nsinza eziramu, nga beegeresa endhegeresa abantu ye bataagho obute, n'eba ng'oti n'endhegeresa eyange.’ ”

Luka 11:42

“Aye mukagwireku Abafarisaayo! Mugha ekitundu kirala kirala ku buli bitundu ikumi ebya kakubansiri na buli isubi, aye mwaloba kufaayo ku kukolera bantu ebibagwaniire ni ku kugonza Katonda! Ate nga bino muteekwa okubikola, aye ni bire obutabireka.

1 Ab'e Korintho 11:17

Mu kino kye nja okubeegeresa nhenda okubakobera nti timukola bukalamu mu kwesoloza kwaimwe, kuba ebivaamu ti biba bikalamu aye bibi.

Ab'Efeso 4:30

Era mutanakughazanga Mwoyo Mutukuvu wa Katonda, kuba Mwoyo n'akamanhiso ke mwateebwaku okutuuka ku lunaku olw'okununulibwa.

Ab'e Filippi 1:15

Mu butuufu ghaligho abakobera abantu ebigema ku Kurisito olw'ensaalwa n'okwenda okusinganwa ninze, aye abandi bakikola mu mwoyo mukalamu.