Hosea 9:9 - Baibuli Ekibono kya Katonda 2014

⁹ Beeyonoine inho ng'oti bwe beeyonoona e Gibea. mu biseera ebyabita. Aye Katonda talyerabira bibi byaimwe, alibabonereza olw'okwonoona kwaimwe.

Hosea 9:9 ပူးပေါင်းရင်းမြစ်များ

Okuvaayo 32:7

Agho Musengwa Katonda yaakoba Musa ati: “Irayo ghansi gh'olusozi era tezaaku, kuba abantu bo be watoola mu Misiri boonooneike beekola ebiswaza.

Isaia 24:5

Abantu boonoine ensi nga bava ku mateeka ga Musengwa Katonda, baadheemera ebiragiro bye, era baamenha endagaano ye etawaagho.

Isaia 31:6

Musengwa Katonda era yaakoba ati: “Imwe Abaisiraeli, mwandheemera inho mwakola ebibi. Aye mpegaano mukyuke mwire ye ndi.

Yeremia 14:10

Abantu abo Musengwa Katonda abairamu ati: “Abantu bange benda inho okunvaaku, baaloba kwefuga naire. Zeena kyenva ni ntabasiima naire, era ndidha kwegemerera ensobi dhaibwe, mbabonereze olw'ebibi byaibwe.”

Ezekieli 21:28

“Iwe omuntu, langa okobere abantu bino, nze Musengwa Katonda, bye ndi kukoba Abammoni, abavuma Abaisiraeli. Bakobere oti: ‘Bona empiima, empiima yiiyo bagisowoireyo okutirimbula era baagizigula emyanse ng'oti lukuba.

Hosea 10:9

Musengwa Katonda akoba ati: “Abaisiraeli tibalekeranga kukola bibi, okuviira irala ku biseera bye baakoleramu ebibi e Gibea. Kale yeene eyo e Gibea olutalo ye lulibaagaana.

Hosea 4:9

Ekibonerezo abantu kye balifuna, mwena bakabona kye mulifuna. Ndibabonereza olw'engeri dhaimwe embi, naabeesasuulizaaku olw'ebikolwa byaimwe ebibi.

Hosea 5:8

Mufuuwe endeka e Gibea! Mufuuwe amagwala e Rama! Era mukube enduulu edh'omu lutalo e Bethaveni! Mwete Ababenjamini baidhe mu lutalo.

Hosea 7:2

Aye baaloba kulowooza naku nga nze tyerabira bikolwa byaibwe byonabyona ebibi. Kale ni mpegaano ebibi byaibwe bibazingiiza, era nze ndi kubibona bukalamu.”

Hosea 8:13

Benda inho okumpa emisengo, baaleeta emamba ng'omusengo era baamala baagirya. Aye nze Musengwa Katonda tibasiima, waire okwerabira ebibi byaibwe. Ndibabonereza olw'ebibi ebyo, nabasindika okubaizaayo kabiri e Misiri.

Hosea 9:8

Nze, ninze omulanzi Katonda ye yatuma, ndabule abantu be Abaisiraeli. Aye buli ghe nja bantega emitego mu ngira ng'oti nhonhi. Ni mu isinzizo lya Katonda lyene, mwona abantu baba bazigu ba mulanzi.

Zefania 3:7

Naadhuuba nti abantu bange banantya era baaganha okugololwa ensobi dhaibwe. Era naadhuuba nti tibaidha kwerabira ebyo byonabyona bye nababonerezaamu. Aye beeyongera bweyongere okukola ebikolwa ebibi.”

Abalamuzi 19:12

Aye musengwa we yaamukoba ati: “Tituja kukyuka kusula mu kibuga kya batali Baisiraeli. Ka tubitegho tweyongereyo katono, tusule mu Gibea oba mu Rama.”

Abalamuzi 19:16

Bwe baali bakaali agho, omusaadha omukaire yaidha ng'ava mu mirimo gye mu nimiro eigulo. Omusaadha oyo yali asimuka mu kiketezo eky'oku nsozi eky'e Efuraimu, aye yali ng'asenze mu Gibea, ng'abantu baamu ba kika kya Benjamini.

Abalamuzi 19:22

Bwe baali nga bakaasanhuka, abasaadha ab'omu kibuga abadankaanu baazingiza endhu eyo okugyezunguluza. Baakonta ku lwigi, baakoba omusaadha omukaire mwene ndhu bati: “Fulumya omusaadha oyo aingiire mu ndhu yo, tube naye mu nsambo abasaadha ye babaamu n'abakazi mu buliri!”

Abalamuzi 20:43

Abaisiraeli baazingiza Ababenjamini okubeezunguluza, baababingirira aghazira kugheera, okubatuusa mu kifo ekiri e buvandhuba wa Gibea, nga baja bwe babaita.