Hosea 9:7 - Baibuli Ekibono kya Katonda 2014

⁷ Ekiseera eky'okubonerezebwa kituuse, ekiseera ekya buli muntu okufuna ekimusaana. Mulikoba muti: “Omulanzi ono musiru,” era muti: “Omuntu ono aliku omwoyo gwa Katonda, mulalu.” Mukoba mutyo, kuba ebibi byaimwe bingi inho, n'obukyayi bwe muli nabwo bubitirivu.

Hosea 9:7 ပူးပေါင်းရင်းမြစ်များ

2 Bakyabazinga 9:11

Agho Yehu yaafuluma, yairayo ye baduumizi baine. Owundi ku abo yaamubuuza ati: “Bye mubaireku bya miraala? Omusaadha oyo omubbamu abaire ali kukukoba ki?” Yehu yaabakoba ati: “Mwena mwidhi bukalamu omusaadha oyo n'ebibono bye.”

Isaia 10:3

Mulikola mutya ku lunaku Musengwa Katonda lw'alibabonerezaaku, n'abatuusaaku akabi akaliva mu nsi ey'eghala? Mulirumukira y'ani okubayamba? Era mulikweka gha obukombe bwaimwe?

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Isaia 34:8

Ekyo n'ekiseera Musengwa Katonda ky'alyesasuuliza ku bazigu ba Sioni, n'ababonereza olw'ebyo bye baakola abantu be.

Isaia 44:25

Ninze mmala amakulu mu ebyo abalaguzi bye balagula, n'ebyo abalogo bye bakola. Ndhuuluusa abagezi bye boogera, naayoleka nti bye beeta eby'amagezi byaga busiru.

Yeremia 10:15

Biziramu muganhulo era bya buguya bwereere. Ku lunaku Musengwa Katonda lw'alibisaliraku omusango okubisinga, bija kuzikirira.

Yeremia 11:23

Namala okutaagho ekiseera mwe ndisindikira akabi ku bantu abo ab'omu Anathothi, era ekiseera ekyo bwe kirituuka ghazira ku abo aliwonagho.”

Yeremia 16:18

Nja kubabonereza nga mbeesasuulizaaku emikuzi ebiri olw'okwonoona kwaibwe n'ebibi byaibwe kuba baayonoona ensi yange baagireetamu ebisinzibwa byaibwe ebitali Katonda ebyenhinhalwa ebiri ng'oti bwa mirambo, era bagiidhuza emisambwa.”

Yeremia 23:13

Era mboine ekibi abalanzi b'omu Samaria kye baakola: Baalanganga mu liina lya Baali baakiidhamya abantu bange Abaisiraeli.

Yeremia 25:14

Ndyesasuliza ku Bababilonia olw'ebyo bye baakola. Era amaghanga kamaala ni bakyabazinga abakologho balifuula Abababilonia abo okuba abairu baibwe.’ ”

Yeremia 29:26

“‘Musengwa Katonda yakufuula kabona mu kifo kya Yehoiada, buti niiwe akulira eisinzizo. Mulimo gwo okubona nga buli muntu eyeeralusa ni yeefuula okuba omulanzi, bamusiba ku ndhegere era baamuta ekikoligo mu nkoto eky'ekyuma ekigumu einho.

Yeremia 46:21

N'abalwani ba Misiri abapangise boona bali bw'agho batyo, ng'oti n'ente entototo empiite ensavu, ghazira kye basobola kukola. Baalemwa okwesimbagho okulwana, boonaboona baakyuka baalumuka bulumuke; kuba olunaku lwaibwe olw'okubonerezebwa lwali lutuuse, era nga n'olunaku lwaibwe olw'okuzikirira.

Yeremia 6:14

Amabwa g'abantu bange bagawonia bwa ku ngulu. Baalamusagania bati, ‘Emiraala gibe n'iwe,’ ate nga ghazira miraala.

Yeremia 8:11

Amabwa g'abantu bange bagawonia bwa ku ngulu. Baalamusagania bati, ‘Emiraala gibe n'iwe,’ ate nga ghazira miraala.

Okulira 2:14

Abalanzi baimwe, mu kifo eky'okubakobera okubonekerwa okuva ewa Katonda, baabakoberanga bya buguya, ebibi byaimwe baabighembaku bughembe okubafiiriza enkabi. Obukwenda obuva ye Katonda baabubakobera mu busobu, bwabaleetera okudaaliima.

Ezekieli 13:10

“Abalanzi abo babuzaabuza abantu bange, nga babakoba bati, ‘Miraala myereere,’ ate nga ghazira miraala naire. Abantu bwe bazimba ekimante ekitagumye, abalanzi abo bakisiigaku langi endheru kinhirire.

Ezekieli 13:3

Musengwa Katonda akoba ati: “Abalanzi abo abasiru bakagwireku, abajiira ku bye bayiiyiiza obuyiiye beene nga ghazira na kubonekerwa kwonakwona kwe bafunie.

Ezekieli 25:17

Ndibabonereza n'obukambwe, naabeesasulizaaku mu busungu obubitirivu. Olwo balimanha nga ninze Musengwa Katonda.”

Ezekieli 38:23

Kale ntyo bwe ndyoleka amaghanga nga bwendi omukologho era omutukuvu. Olwo balimanha nga ninze Musengwa Katonda.”

Ezekieli 9:10

Aye tirisaasiraku naire omulala ati, oba okumugemerwa ekivunika. Ndibeesasuulizaaku olw'ebyo bye baakola.”

Hosea 14:1

Imwe Abaisiraeli, mwire eri Musengwa Katonda, oyo Katonda waimwe, kuba ebibi byaimwe byabaleetera okwekontola mwagwa.

Hosea 5:9

Ensi Isiraeli erifuuka bifulukwafulukwa ku lunaku olw'okubonerezebwaku. Bwenebwene nangirira mu bika bya Isiraeli, nti kye ndikukoba kiri n'okutuukirira.

Hosea 8:13

Benda inho okumpa emisengo, baaleeta emamba ng'omusengo era baamala baagirya. Aye nze Musengwa Katonda tibasiima, waire okwerabira ebibi byaibwe. Ndibabonereza olw'ebibi ebyo, nabasindika okubaizaayo kabiri e Misiri.

Hosea 9:8

Nze, ninze omulanzi Katonda ye yatuma, ndabule abantu be Abaisiraeli. Aye buli ghe nja bantega emitego mu ngira ng'oti nhonhi. Ni mu isinzizo lya Katonda lyene, mwona abantu baba bazigu ba mulanzi.

Amosi 8:2

Yambuuza ati: “Amosi, kiki ky'oli kubona?” Naamwiramu nti: “Ndi kubona ekiibo eky'ebibala ebituuse okulya.” Agho Musengwa Katonda yankoba ati: “Ekiseera kituuse eky'okuzikiriza abantu bange Abaisiraeli. Tija kabiri kwirayo kukyusa kidhuubo kyange ni ndoba kubabonereza.

Mika 2:11

“Abantu bano benda omulanzi aja ng'abakobera obukwenda obwidhwire okuguya, ng'abakoba ati, ‘Mwidha kufunanga omwenge ogw'emizabbibu n'ebitamiiza ebindi.’

Mika 7:4

N'omuntu oyo atwalibwa okuba nga n'abasingamu obulungi n'obwesigwa, yeena muzira makulu ng'oti n'eisubi erizira muganhulo. Aye ekiseera kituuse Katonda ababonereze, nga bwe yabalabula ng'abita mu balanzi, abantu baibwe, ababalengeza ku bija okubaagho. Buti basobeirwa!

Zefania 3:4

Abalanzi baamu baawaamu ensa era ba nkwe. Bakabona baamu boonoona ebintu ebitukuvu, era baafuulaniafuulania amateeka bafune bye benda.

Mariko 3:21

Ababe bwe baawulira, baaja okumugema baali bakoba bati: “Alalwike!”

Luka 21:22

kuba edho n'edhiriba enaku edh'okubonereza n'okutuukiriza ebyaghandiikibwa byonabyona.

2 Ab'e Korintho 5:13

Oba tuli ng'oti balalu, tuli tutyo ku bwa Katonda, aye oba ti tuli balalu, ti tuli tutyo ku lwaimwe.

Okwolekebwa 16:19

Ekibuga ekikologho kyayabikamu ebitundu bisatu, n'ebibuga eby'ensi dhoonadhoona byagwa. Katonda yaaloba kwerabira Babiloni ekibuga ekikologho, yaakigha okunhwa okumaliramu irala ekikopo eky'omwenge ogw'emizabbibu, omwenge ogw'obusungu bwe obungi.