Hosea 9:4 - Baibuli Ekibono kya Katonda 2014

⁴ Nga muli mu nsi edho edh'abamaghanga agandi, timulisobola kugheereza Musengwa Katonda mwenge gwa mizabbibu ng'ekigheebwayo ekifukibwa, waire okumusiimyanga n'emisengo gyaimwe. Emere yaimwe erireeteranga kiisi bantu abaligiryangaku okufuuka abatali balongoofu, ng'oti n'abaliiriire emere aghali omufu. Emere eyo baligiryanga lwa kubamalaku ndhala kyonka. Tibaligitwalanga kugighaayo mu isinzizo lya Musengwa Katonda.

Hosea 9:4 ပူးပေါင်းရင်းမြစ်များ

Okuvaayo 29:40

Bw'oghaayo entaama esooka, oghaayo ni kilo ey'engaano eseereibwa obukalamu ng'etabwirwamu lita ey'omuzigo omukenenule ogukamwirwa mu bibala eby'emiti emyoliva ebisekwirwa, waateeraku ni lita ey'omwenge ogw'emizabbibu ng'ekigheebwayo eky'ebyokunhwa.

Okuvaayo 40:23

Yaata emigaati egigheereibwayo ye Katonda ku meeza okwo nga Musengwa Katonda mwene bweyamulagira.

Isaia 57:6

Mutoola eyo amabaale amaseene obukalamu mwagasinza ng'oti bakatonda. Mugafukira ebigheebwayo eby'okunhwa era mwagaleetera ebigheebwayo eby'emere ey'empeke. Mulowooza muti munampooyawooya nga mukola ebyo?

Isaia 66:3

“Ghaligho abantu abasalagho okukola ebintu nga bwebenda, nga tibataagho ndhawulo naire ghagati gha kino ni kire: Ole okughaayo ente ng'omusengo, akibona nga n'ekirala n'ole aghaireyo omuntu. Ole okughaayo entaama ento ng'omusengo, akibona nga n'ekirala n'ole amenha enkoto y'embwa. Ole okuleeta ekigheebwayo eky'emere ey'empeke, akibona nga n'ekirala n'ole aghaireyo omusaayi gw'embiidhi. Ole okuniokeza obubbaani, akibona nga n'ekirala n'ole asaba enkabi eri ekisinzibwa ekitali Katonda. Abantu abo kye benda kye bakola, era basanhukira inho ebyenhinhalwa bye bakola.

Yeremia 16:7

Tighalibaagho atwalira mulizi kya kulya okumugumya ng'afiiriirwa, waire okumusaasira n'amugha eky'okunhwa ni bw'aliba ng'afiiriirwa ise oba inhina.

Yeremia 6:20

Obubbaani bwe bandeetera okuva e Sheba bungasa ki, waire obuwoowo obuva mu nsi edh'eghala? Tiidha kusiima bigheebwayo byaimwe ebyokebwa, waire okusanhukira emisengo gye mumpa.

Ezekieli 24:17

Sindira mule kisiriikiriza, otalira oyo afiire. Otaleka kusiba kitambaala kyo ku mutwe, waire okuleka okuvaala engaito mu bigere olw'enaku. Era oteeghemba ku maiso, waire okulya emere abalizi ye balya ku lumbe.”

Ezekieli 24:22

Era olwo mwena mulikola nga nze bwenkoze, timulyeghemba ku maiso, waire okulya emere abalizi ye balya ku lumbe.

Danieli 1:8

Aye Danieli yaasalagho obutalya ku mere kyabazinga mwene ye yalyangaku, waire okunhwa ku mwenge ogw'emizabbibu gwe yanhwangaku, olwo alobe kwereetera kuba atali mulongoofu. Kale yaasaba Ashipenazi eyali akulira bagheereza baine abalaawe amuyambe.

Hosea 3:4

Mu nsambo ng'oti n'eyo, Abaisiraeli boona balimala ekiseera kireeyi nga bazira kyabazinga waire omukulembeze, nga bazira misengo gye baghaayo waire okuba n'empango dh'amabaale edhisinzibwa, nga bazira bivaalo bakabona bye bakozesa mu kulagula waire okuba n'ebifaananie ebisinzibwa ebyetebwa terafimu.

Hosea 7:16

Banvaaku baasinza omusambwa Baali, bali ng'oti kalaso akagodobanu akateesigika kuteeba. Abakulembeze baibwe balifiira mu ntalo olw'okwogera nga beesuuta. Era balisekererwa mu nsi Misiri.”

Hosea 8:13

Benda inho okumpa emisengo, baaleeta emamba ng'omusengo era baamala baagirya. Aye nze Musengwa Katonda tibasiima, waire okwerabira ebibi byaibwe. Ndibabonereza olw'ebibi ebyo, nabasindika okubaizaayo kabiri e Misiri.

Yoeli 1:13

Imwe bakabona muvaale ekutiya mulire enaku, muwowoole imwe abagheereza ku alutaari. Imwe abagheereza ba Katonda wange, mwingire mu isinzizo musule nga muvaire kutiya olw'okunakughala; kuba tighakaali bigheebwayo bya mere ya mpeke waire ebigheebwayo eby'okunhwa ebireetebwa mu isinzizo lya Katonda waimwe.

Yoeli 1:9

Bakabona abagheereza Musengwa Katonda bali mu kulira maziga; kuba tighakaali bigheebwayo bya mere ya mpeke, waire ebigheebwayo eby'okunhwa bye batwala mu isinzizo lya Musengwa Katonda.

Yoeli 2:14

Tomanha, oba katyo asobola okukyusa ekirowoozo kye yaabasonigha, yaaleka ng'abaghaire enkabi, mwabaza ebirime. Agho mwasobola okumugha ebigheebwayo eby'emere ey'empeke n'eby'okunhwa.

Abalevi 17:11

Obulamu bwa buli kintu ekiri n'omubiri buba mu musaayi. Eyo n'ensonga lwaki nabalagira okugufukanga ku alutaari olw'okutoola ku bantu ebibi byaibwe. Omusaayi, n'obulamu, era n'ogutoolagho ebibi.

Abalevi 21:17

akobere Aaroni ati: “Buli wa ku lulyo lwo mu nse dhoonadhoona, anaabangaku ekikyamu taaseetenga kugheereza Katonda we ekigheebwayo eky'eby'okulya.

Abalevi 21:21

Ghatabangagho muntu yeenayeena ow'oku lulyo lwa Aaroni kabona, aliku ekikyamu kyonakyona, anaaseetanga okughaayo ekigheebwayo ekya Musengwa Katonda eky'eby'okulya ekyokebwa.

Abalevi 21:6

Babenga batukuvu eri Nze Katonda waibwe, era balobenga kwonoona liina lyange, kuba bagheereza eri Nze Musengwa Katonda waibwe ebigheebwayo eby'okulya ebyokebwa. Kyebanaavanga ni baba abatukuvu.

Abalevi 21:8

Kale munaamwawulanga yaaba wa Katonda, kuba agheereza eri Katonda waimwe ekigheebwayo eky'eby'okulya. Munaamubalanga nga mutukuvu, kuba nze Musengwa Katonda atukuza imwe, ndi mutukuvu.

Amosi 5:22

Ni bwe mumpa ebigheebwayo ebyokebwa, n'ebigheebwayo eby'emere ey'empeke, tiidha kubisiima. Ni bwe mulireeta ensolo dhaimwe empiite ensavu, ni mudhighaayo ng'ebigheebwayo olw'okutabagana, tija kubiringaku naire.

Malaki 2:13

Ekindi kye mukola ni kino: Muboza alutaari ya Musengwa Katonda n'amaziga ge mulira nga muwowoola, olw'okuba ebigheebwayo bye mumuleetera takaabisiima waire okubiringaku.

Okubala 19:11

“Omuntu bw'anaagemanga ku mulambo ogw'omuntu, aidha kusigalanga nga tiimulongoofu okumala enaku musanvu.

Okubala 28:2

“Lagira Abaisiraeli oti, bali n'okughangayo ebigheebwayo eby'emere ebyokebwa, ebiri n'akawoowo akansangaaza. Bakobe batengayo inho omwoyo okubighaayo ku nnaku dhaabyo edhaalagirwa.

Okubala 4:7

“Baidha kwandhuluzanga olugoye lwa bbululu ku meeza eteebwaku emigaati egigheereibwayo eri Katonda. Okwo bateeku ebibya n'enkaayi, n'ebintu ebiteebwamu obubbaani, n'ebikopo n'ensugha olw'ebigheebwayo ebifukibwa. Era baidha kutanga ku meeza eyo emigaati egigheereibwayo eri Katonda egya buli lunaku.

Yoanne 6:51

Ninze omugaati oguleeta obulamu, ogwava mu igulu. Omuntu yeenayeena bw'alya ku mugaati guno aja kuba mulamu ebyanda n'ebyanda. Omugaati gwe ndighaayo olw'obulamu obw'ensi eno, n'omubiri gwange gwe nja okughaayo ku lw'ensi eno ebe n'obulamu.”

Amateeka Agokubiri 26:14

Ku bintu byo ebyo ebitukuvu, ghazira waire ekirala kye ndiireku nga ndi mu kulira abafu, oba okukitoola mu ndhu yange nga tiri mulongoofu, oba okukitoolaku ekitundu ni nkighaayo y'abafu. Wo Musengwa Katonda, nkoze nga bw'okoba, era naatuukiriza byonabyona bye wandagira.