Hosea 9:16 - Baibuli Ekibono kya Katonda 2014

¹⁶ Abaisiraeli bali ng'oti kisimbe kye batemye emizi ni gikala, ni kitataaku bibala. Boona tibalizaala baana. Aye era ni bwebandizaire, nandiise abaana baibwe abo abagonzi.”

Hosea 9:16 ပူးပေါင်းရင်းမြစ်များ

Amainhama 41:23

N'obufaaganda obw'engaano musanvu bwavaayo nga butono, buniavu era nga bubabwirwa empewo eva mu irungu.

Yobu 18:16

Ali ng'oti muti ogukala okuviira irala ku mizi, okutuuka ghaigulu ku busanso bw'ensaga

Isaia 40:24

Baba ng'oti n'ebimera bye baakasimba, ebikaali kusimba mizi ghala inho mu itaka. Musengwa Katonda oyo bw'asindika empewo ebifuuwa byaniala. Agho empewo erimu kiwunga yaabifuuwa ng'ebitwaliriza ng'oti isubi ikalu.

Isaia 5:24

Kale ni ng'omuliro bwe gumamula ebikaba, n'eisubi eikalu ni liya okuweekereragho, boona ebyo bye beesiga bwe birivunda, n'ebyo bye bakola byafuumuuka ng'oti nkungu; kuba baaloba amateeka ga Musengwa Katonda Afuga Amagye, baanhooma ekiragiro eky'Omutukuvu wa Isiraeli.

Ezekieli 24:21

mbakobere imwe abantu ab'eighanga Isiraeli nti: Bona eno, ndyonoona eisinzizo lyange, eribaleetera okwebona nga muli ba maani, ni libasanhusa okulingirira, ni mwegomba okulingiramu. N'abaana baimwe be mwaleka mu Yerusalemu, balifiira mu lutalo.

Hosea 5:11

Isiraeli bamutuntuza era baamusaliriza omusango gwamusinga, olw'okuba yaikiriza okukolera ku biragiro eby'abo abatandigwaniire kumulagira naire.

Hosea 8:7

Nga bwe baasiga empewo era balikungula kiwunga ow'amaani. Engaano nga tetaireeku bifaaganda, terivaamu mere naire. Aye ni bweyanditaireku ebifaaganda n'ebala, era abagwira n'abandigiriire.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Amateeka Agokubiri 32:25

Abazigu baidha kubaitiranga mu ntalo mu nguudo, ate eka mu ndhu dhaibwe mwidhule ebitiisa. Abazigu baidha kwitanga abaisuka n'abaguna, era baitenga abakaire ab'envu n'abato abonka.