Hosea 9:15 - Baibuli Ekibono kya Katonda 2014

¹⁵ Musengwa Katonda akoba ati: “Baatandiikira Giligali okukola ebibi. Era eyo nze ye natandiikira okubakyagha. Kale ni ndibabinga mu nsi yange olw'ebibi bye bakola. Tiriiramu kabiri kubagonza. Abakulembeze baibwe boonaboona bandheemera.

Hosea 9:15 ပူးပေါင်းရင်းမြစ်များ

Zabbuli 78:60

Yaalekulira agho weema ye eyali mu Shilo mwe yabanga ng'ali mu bantu be abo.

Isaia 1:23

Abakulembeze bo badheemu, era bagemagana na baibi. Buli muntu agonza kulya nguzi era yaagunirira okugheebwa ebirabo. Tibalwaniriraku bamulekwa, waire okuwulirisa ensonga banamwandu dhe babaleetera.

Yeremia 11:15

Kale oba nga abantu abo be ngonza ntyo bakoze ebibi, memale bakaagwaniire okungira mu isinzizo lyange? Balowooza bati obweyamo bwe bakola, n'ensolo dhe baghaayo ng'emisengo, bisobola okulobera akabi okubatuukaku, era byabaleetera okusagamba?

Yeremia 12:8

Abantu bange be neerondera banfuukiire ng'oti mpologoma bw'ewologomera mu kibira, bankaabukira nga banvuma. Kyenviire ni mbakyagha.

Yeremia 15:1

Agho Musengwa Katonda yankoba ati: “Musa ni Samueli ni bwe bandyemereire ghano ninze, okuwolereza abantu abo ye ndi, era nze tinandisaasiire bantu abo naire. Babinge baje, banve mu maiso.

Yeremia 3:8

Baabona nga mminga Abaisiraeli abo naabagha n'embaluwa ebabinga, olw'obutaba beesigwa ng'oti n'omukazi malaaya. Aye ab'e Buyudaaya abo baganda b'Abaisiraeli, tibaatya naire. Boona baaja buje, baafuuka abatali beesigwa ng'oti n'omukazi malaaya,

Yeremia 5:5

Ndidha kuja y'abakulembeze ndhogere nabo; kuba abo baidhi Musengwa Katonda by'ayenda, era baidhi amateeka ga Katonda waibwe oyo.” Aye boonaboona aghalala baadheemera Musengwa Katonda, baaloba kuwulira mateeka ge.

Ezekieli 22:27

Abakulembeze baamu bali ng'oti misege egikankanula kye gigemye. Baita abantu baabazikiriza, basobole okutwala ebintu byaibwe, bakombaghale.

Ezekieli 23:18

Bwe yaja mu maiso n'okukola obwamalaaya bwe ng'abantu boonaboona babona era ni yeeyanikanga amadu, nze naakyuka naamuvaaku nga mwesiniirwa, nga bwe nakyuka ninva ku muganda we.

Hosea 1:6

Gomeri yaatoola enda kabiri, yaazaala omwana mughala. Musengwa Katonda yaakoba Hosea ati: “Mutuume eriina ‘Tasaasirwa,’ kuba nze tikaasaasira Baisiraeli, waire okubasonigha.

Hosea 1:9

Musengwa Katonda yaakoba Hosea ati: “Mutuume eriina ‘Tiibantubange,’ kuba imwe timukaali bantu bange, era zeena tikaali Katonda waimwe.”

Hosea 12:11

Abakozi b'ebibi ab'omu Gileadi, bwenebwene balizikirira. N'alutaari edh'omu Giligali dhe bagheeraku ente enume ng'emisengo, dhirifuuka ng'oti mmungo dha mabaale edhiri mu nimiro.”

Hosea 12:2

Musengwa Katonda ali n'omusango gw'avunaana Abayudaaya, era alibonereza ni Isiraeli olw'eneebisa abantu baayo ye beebisaamu. Alibeesasuulizaaku olw'ebikolwa byaibwe ebibi.

Hosea 3:4

Mu nsambo ng'oti n'eyo, Abaisiraeli boona balimala ekiseera kireeyi nga bazira kyabazinga waire omukulembeze, nga bazira misengo gye baghaayo waire okuba n'empango dh'amabaale edhisinzibwa, nga bazira bivaalo bakabona bye bakozesa mu kulagula waire okuba n'ebifaananie ebisinzibwa ebyetebwa terafimu.

Hosea 4:15

Waire nga imwe Abaisiraeli timuli beesigwa ye ndi, Abayudaaya bagwananga baaloba kugwa mu nsobi eyo. Mutajanga kusinziza mu Giligali waire okusinziza mu Bethaveni. Era mutalayiranga muti, ‘Nga Musengwa Katonda bw'ali omulamu.’

Hosea 4:9

Ekibonerezo abantu kye balifuna, mwena bakabona kye mulifuna. Ndibabonereza olw'engeri dhaimwe embi, naabeesasuulizaaku olw'ebikolwa byaimwe ebibi.

Hosea 7:2

Aye baaloba kulowooza naku nga nze tyerabira bikolwa byaibwe byonabyona ebibi. Kale ni mpegaano ebibi byaibwe bibazingiiza, era nze ndi kubibona bukalamu.”

Hosea 9:17

Katonda wange alirekulira agho abantu be, kuba baaloba okuwulira by'abakoba. Balitambulatambula eyo batyo mu maghanga agandi.

Hosea 9:3

Imwe Abaisiraeli, timulisigala mu nsi yange nze Musengwa Katonda. Aye muliirayo kabiri mu nsi Misiri, mwaja ni mu nsi Assiria, ye muliriiranga emere etali nongoofu.

Abalevi 26:30

Ndidha kuzikiriza ebifo byaimwe ebigulumivu bye musinzizaamu emisambwa, era mmenheregho irala alutaari dhe muniokezaaku obubbaani olw'emisambwa egyo, n'emirambo gyaimwe ngisuule ku bifaananie eby'emisambwa egyo gye musinza. Mu busungu obungi

Amosi 4:4

Musengwa Katonda akoba ati: “Imwe Abaisiraeli, muje mu kifo ekitukuvu eky'e Betheli mukole ebibi, muje n'e Giligali mweyongere okwonoona. Muleete emisengo buli nkyo era mugheeyo ekintu ekirala ekirala ku buli ikumi bye mufuna buli luvainhuma lwa nnaku isatu.

Amosi 5:27

ku lunaku lwe ndibaghaayo okutwalibwa mu bunhage mu nsi eri eyo ng'omaze okubisa Damasiko.” Atyo Musengwa Katonda bw'akoba, ayetebwa eriina, “Katonda Afuga Amagye.”

Amosi 5:5

Aye mutaja Betheli kunsinza, kuba kija kuwaagho. Oba okwingira mu Giligali, kuba ab'eyo bwenebwene baja kutwalibwa mu bunhage. Oba waire okuja e Beerisheba okunsinza.”

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Mika 6:5

Bantu bange, mwidhukire Balaki Kyabazinga w'e Moabu bye yali ategeike okubakola, era ni Balaamu mutabane wa Beora bye yamwiramu. Era mwidhukire ebyali mu ngira nga muva e Shittimu nga muja e Giligali. Bwe munaidhukira ebyo byonabyona munaategeera bye nkola okubalokola.”

Zefania 3:3

Abakungu mu kibuga omwo bali oti mpologoma edhiwologoma. Abalamuzi baamu baaba ng'oti n'emisege egiyiiga eigulo nga giri ndhala inho, ni gitalekaagho kagumba kusigala kubonebwaku nga bukyeire.

Zekaria 11:8

Ghaabaagho abaayi basatu abankyagha ni bandeetera okubeesinwa. Kale naababinga mu mwezi mulala guti.

Ebikolwa by'Abatume 4:27

Bwenebwene Herode, ni Pilato, n'abamaghanga agandi, n'abantu ba Isiraeli, mu kibuga kino mwe beesololeza okulwanisa Yesu Omwana wo omutukuvu ye wasiiga omuzigo.

Ebikolwa by'Abatume 5:21

Bwe baawulira bino, baaja mu isinzizo mu nkyonkyo baayegeresa. Mperaano Omukulu wa Bakabona n'abo be yali nabo baatyamya olwekobaano n'abakulu ab'ebika ebya Isiraeli, baatuma banone Abatume mu ikomera.

Yoshua 10:43

Ebyo bwe byawa, Yoshua n'eigye lyonalyona erya Isiraeli bairayo e Giligali ye baasimba weema dhaibwe.

1 Samueli 7:16

Buli mwaka yaajanga mu ngobo e Betheli, e Giligali, n'e Mizipa, yaalamuliranga Abaisiraeli mu bifo ebyo.