Hosea 9:12 - Baibuli Ekibono kya Katonda 2014

¹² Aye ni bwe balizaala abaana, era ndibabatoolaku boonaboona ghaaloba kusigalagho waire omulala ati omulamu. Lwe ndibavaamu ni mbalekulira agho, baliba bakagwireku!”

Hosea 9:12 ပူးပေါင်းရင်းမြစ်များ

2 Bakyabazinga 17:18

Agho Musengwa Katonda yaasungughalira inho Abaisiraeli, yaababinga mu maiso ge ghaaloba kusigalagho waire omulala ati, okutoolaku ab'omu Buyudaaya bonka.

2 Bakyabazinga 17:23

okutuusa Musengwa Katonda lwe yababinga mu maiso ge, nga bwe yabalabula ng'abita mu bagheereza be abalanzi boonaboona. Agho ab'omu Isiraeli baabatoola mu nsi yaibwe, baabatwala mu Assiria ye bakaali ni ye buli eno.

Yobu 27:14

Abaana be bazaala ni baala, baba ba kufa mpiima; eizaire lyaibwe tirifuna mere ya kulya erimala.

Yeremia 15:7

Mu buli kibuga eky'omu nsi eno, imwe abantu bange nabasensa n'olugali ng'oti n'ole asensa engaano enkube, empewo n'efuuwa ere ebiwusu byaku. Naita abaana baimwe, niimwe abantu bange naabazikiriza, olw'okuba mwaloba okukyuka ni muva mu mpisa dhaimwe embi.

Yeremia 6:8

Imwe ab'e Yerusalemu, mweizeemu ku magezi, oba ti n'ekyo ndidha kubalekulira agho, n'ekibuga kyaimwe kisigale agho kityo nga kiri bwa bifulukwa byereere, era nga kiziramu muntu waire.”

Okulira 2:20

Wo Musengwa Katonda, tulingirire obone bwe tudaaga. Naani ye waali obisiisaaku oti? Kibangaghooku abakazi okulya abaana abaibwe beene, be baakuza obukalamu nga babagonza? Kibangaghooku bakabona n'abalanzi okwitirwa mu kifo kya Musengwa ekitukuvu?

Okulira 2:22

Wayeta abazigu bange baaneezungulula, ng'oti n'abantu abeesoloiza ku lunaku olw'embaga ey'ekibinuko ekyalagirwa. Era Musengwa Katonda, ku olwo lunaku lwe wasungughaliraku, nga ghazira asobola kukunuuka oba kukuwona. Abazigu bange baazikiriza abaana be nalera ni nkuza.

Hosea 7:13

Bakagwireku olw'okudaaliima ni banvaaku! Ka bazikirire olw'okundheemera! Nandibaire mbanunula, aye bandhogeraku eby'obuguya.

Hosea 9:13

Wo Musengwa Katonda, ndi kubona abaana ba Isiraeli, ng'abazigu bali kubayiiga bwe babaita.

Hosea 9:16

Abaisiraeli bali ng'oti kisimbe kye batemye emizi ni gikala, ni kitataaku bibala. Boona tibalizaala baana. Aye era ni bwebandizaire, nandiise abaana baibwe abo abagonzi.”

Malaki 2:12

Musengwa Katonda agwananga yaatoola mu Baisiraeli omuntu yeenayeena eyakola ekyo, era yaaloba kwirayo kumuganha kweyimba na bantu ba ighanga lyaife nga baleeta ebigheebwayo eri Musengwa Katonda Afuga Amagye.

Okubala 14:34

Mwidha kudaagadaaga olw'ebibi byaimwe okumala emyaka amakumi ana. Buli lunaku, ku nnaku amakumi ana dhe mwamala nga mukeeta ensi eyo, mwidha kulusasulangamu mwaka mulamba. Memale olwo mumanhe nga tiri musangaavu.

Okubala 26:65

kuba Musengwa Katonda yabakoba ati boonaboona baja kufiira mu irungu. Era boonaboona baafa, okutoolaku Kalebu mutabane wa Yefune ni Yoshua mutabane wa Nuni.

Amateeka Agokubiri 28:18

“Abaana baimwe be munaazaalanga baidha kukolimirwanga, n'ebirime bye munaalimanga mu itaka lyaimwe, ghalala n'ente n'entaama, n'embuzi dhaimwe, byona bikolimirwe.

Amateeka Agokubiri 28:32

Batabane baimwe ni baghala baimwe ndidha kubagabiranga abamaghanga agandi nga mubona. Buli lunaku munaakandanga kumoga nga mwenda baire, aye nga muzira kye musobola kukolagho.

Amateeka Agokubiri 31:17

Olwo ndibasungughalira, naabalekulira agho era naabeegisaaku, baazikirizibwa. Ebizibu n'okudaazibwadaazibwa okungi biribaidhira. Olwo baategeera ng'ebyo byonabyona bibatuuseeku, lwa kuba nze Katonda waibwe tikaali ghalala nabo.

Amateeka Agokubiri 32:25

Abazigu baidha kubaitiranga mu ntalo mu nguudo, ate eka mu ndhu dhaibwe mwidhule ebitiisa. Abazigu baidha kwitanga abaisuka n'abaguna, era baitenga abakaire ab'envu n'abato abonka.

Abalamuzi 4:16

Baraki yaabingirira eigye lya Sisera ghalala n'ebigaali byalyo eby'omu lutalo okutuuka mu Haroshethi Hagoyiimu. Eigye eryo lyonalyona lyaitibwa. Ghaaloba kusigalagho muntu waire omulala.

1 Samueli 16:14

Agho omwoyo gwa Musengwa Katonda gwava ku Saulo. Era Musengwa Katonda oyo yaasindika omuzimu omubi gwadaazadaaza Saulo ebitaloodheka.