Hosea 8:13 - Baibuli Ekibono kya Katonda 2014

¹³ Benda inho okumpa emisengo, baaleeta emamba ng'omusengo era baamala baagirya. Aye nze Musengwa Katonda tibasiima, waire okwerabira ebibi byaibwe. Ndibabonereza olw'ebibi ebyo, nabasindika okubaizaayo kabiri e Misiri.

Hosea 8:13 ပူးပေါင်းရင်းမြစ်များ

Okuvaayo 20:3

“Mutasinzanga katonda wundi okutoolaku nze.

Okuvaayo 32:34

Aye iwe ja okulembere abantu obatuuse mu kifo ekyo kye nakukoba. Era, bona eno, malaika wange aidha kukukulembera. Aye era ekiseera kiidha kutuuka mbabonereze olw'ekibi kyaibwe ekyo.”

Ensambo 21:27

Musengwa Katonda yeenhinhata emisengo egy'ababi, n'okusingira irala bwe baba nga bagireese n'ekigendererwa ekibi.

Isaia 1:11

Musengwa Katonda oyo akoba ati: “Emisengo gyaimwe olukunkumuli gye mughaayo, nze gingasa ki? Nsiniirwa entaama enume dhe mughaayo, n'amasavu g'ensolo dhaimwe empiite ge mughaayo ng'ebigheebwayo ebyokebwa. Nzira isanhu lye nfuna mu kumpa musaayi gwa nte nume, waire ogw'entaama n'ogw'embuzi enume.

Yeremia 14:10

Abantu abo Musengwa Katonda abairamu ati: “Abantu bange benda inho okunvaaku, baaloba kwefuga naire. Zeena kyenva ni ntabasiima naire, era ndidha kwegemerera ensobi dhaibwe, mbabonereze olw'ebibi byaibwe.”

Yeremia 6:20

Obubbaani bwe bandeetera okuva e Sheba bungasa ki, waire obuwoowo obuva mu nsi edh'eghala? Tiidha kusiima bigheebwayo byaimwe ebyokebwa, waire okusanhukira emisengo gye mumpa.

Ezekieli 29:16

Eighanga Isiraeli tiririirayo kabiri kwesiga Bamisiri, okutoolaku okweidhusanga olw'ekibi kye baakola okuja ye bali okufuna obuyambi. Olwo Abaisiraeli balimanha nga ninze Musengwa Katonda.”

Hosea 11:5

Baliirayo e Misiri, kyabazinga w'e Assiria yaabafuga, kuba baaloba okwira ye nze.

Hosea 12:11

Abakozi b'ebibi ab'omu Gileadi, bwenebwene balizikirira. N'alutaari edh'omu Giligali dhe bagheeraku ente enume ng'emisengo, dhirifuuka ng'oti mmungo dha mabaale edhiri mu nimiro.”

Hosea 4:9

Ekibonerezo abantu kye balifuna, mwena bakabona kye mulifuna. Ndibabonereza olw'engeri dhaimwe embi, naabeesasuulizaaku olw'ebikolwa byaimwe ebibi.

Hosea 5:6

Ni bwebalija okunoonia Musengwa Katonda bagheeyo ku mbuzi, ni ku nte, ni ku ntaama dhaibwe ng'emisengo, tibalimuzuula gh'ali; kuba yabavaaku.

Hosea 6:6

Mbendaku okungonzanga obutalekera, aye ti misengo; n'okuumanhanga nze Katonda waimwe, okusinga okumpa ebigheebwayo ebyokebwa.

Hosea 7:11

Abaisiraeli bali ng'oti ighemba eisiru eriziramu magezi. Baasooka baayeta ensi Misiri eidhe ebayambe, baamala kabiri baaja baayeta ni Assiria.

Hosea 7:16

Banvaaku baasinza omusambwa Baali, bali ng'oti kalaso akagodobanu akateesigika kuteeba. Abakulembeze baibwe balifiira mu ntalo olw'okwogera nga beesuuta. Era balisekererwa mu nsi Misiri.”

Hosea 7:2

Aye baaloba kulowooza naku nga nze tyerabira bikolwa byaibwe byonabyona ebibi. Kale ni mpegaano ebibi byaibwe bibazingiiza, era nze ndi kubibona bukalamu.”

Hosea 9:6

Okuzikirira bwe kulituuka ni kubasansaania, Abamisiri balibasoloza imwe baabaziika e Menfisi. Aghaali eby'obukombe byaimwe ebya feeza ghalimeragho bisaka, n'aghaali weema dhaimwe ghaameregho amawa.

Hosea 9:7

Ekiseera eky'okubonerezebwa kituuse, ekiseera ekya buli muntu okufuna ekimusaana. Mulikoba muti: “Omulanzi ono musiru,” era muti: “Omuntu ono aliku omwoyo gwa Katonda, mulalu.” Mukoba mutyo, kuba ebibi byaimwe bingi inho, n'obukyayi bwe muli nabwo bubitirivu.

Hosea 9:9

Beeyonoine inho ng'oti bwe beeyonoona e Gibea. mu biseera ebyabita. Aye Katonda talyerabira bibi byaimwe, alibabonereza olw'okwonoona kwaimwe.

Amosi 3:2

Akoba ati: “Mu maghanga goonagoona agali ku nsi, eryaimwe lyonka lye nalondamu. Ekyo n'ekireetera okwonoona kwaimwe okuba okubi einho, era zeena kyenva ni nteekwa okubabonereza olw'okwonoona kwaimwe okwo.”

Amosi 5:22

Ni bwe mumpa ebigheebwayo ebyokebwa, n'ebigheebwayo eby'emere ey'empeke, tiidha kubisiima. Ni bwe mulireeta ensolo dhaimwe empiite ensavu, ni mudhighaayo ng'ebigheebwayo olw'okutabagana, tija kubiringaku naire.

Amosi 8:7

Musengwa Katonda, Katonda wa Isiraeli alayiire ati: “Bwenebwene tija kwerabira waire ekirala ku bikolwa byaimwe ebibi.

Luka 12:2

Ezira kighembeibwaku kitalighembulwa, era n'ekigisiibwa ekitalimanhibwa.

1 Ab'e Korintho 11:20

Bwe mwesoloza, bye mulya ti n'ekyeigulo kya Musengwa.

1 Ab'e Korintho 11:29

kuba buli alya ku mugaati, era n'anhwa ku kikopo nga tategeire makulu ga mubiri gwa Musengwa, yeereetera mwene omusango okumusinga.

1 Ab'e Korintho 4:5

Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.

Amateeka Agokubiri 28:68

Musengwa Katonda alibaizaayo n'amaato e Misiri, ye yabakoba ati timuliirayo kabiri. Nga muli eyo mwidha kweghangayo y'abazigu baimwe nga mwenda babagule mube bairu, aye tighaabenga abagula.”

Okwolekebwa 16:19

Ekibuga ekikologho kyayabikamu ebitundu bisatu, n'ebibuga eby'ensi dhoonadhoona byagwa. Katonda yaaloba kwerabira Babiloni ekibuga ekikologho, yaakigha okunhwa okumaliramu irala ekikopo eky'omwenge ogw'emizabbibu, omwenge ogw'obusungu bwe obungi.

1 Samueli 15:22

Samueli yaakoba Saulo ati: “Iwe odhuuba oti Musengwa Katonda asiima inho ebigheebwayo ebyokebwa n'emisengo, ng'oti ni bw'asiima okugondera ebiragiro bye? Bona eno, okumugondera kusinga okumugha emisengo, n'okumuwulira kwasinga okumugha amasavu ag'entaama enume.